Psalms 44:11 - Ohiatonhseratokénti

¹¹ Thóh naskwahiatóthenhste tsi ní꞉ioht ne teiotinakaronhtónha konwanawentʼthósere, tánon iateskwaréniate natʼtéshon nón꞉we tionhontsaiénton.

Psalms 44:11 Referans Kwoze

Deuteronomy 4:27

Ne Roiá꞉ner kwáh ki tenhtsisewaréniate tsi nihatinakerénions ne tihononhontsà꞉tes, thóh nónhwe toʼkárat kók nítson iaʼtensewatá꞉tere.

Romans 8:36

Tsi niwáton nohiatonseratokénti, “Kwáh tsi niatewenniseráke nonkwesónha teionkihionnaríkʼkons nahionkihiásehʼte níse sarihónʼniat; thonitiónkihte tsi ní꞉ioht ne teiotinakarontónha nakonwatírio.”

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Luke 21:24

Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Jeremiah 12:3

Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.

Psalms 106:27

Tánon waʼtesakotiokwahríhten tsi nithonatwaʼtsiríhnon tsi nónhwe nihatinákere nonkweshón꞉has, waʼtesakoré꞉niate ne tsi iohontsakérons.

Psalms 60:1

Ó Sewenní꞉io, takwahtewenhtéton, tánon takwahsénhnion; sanakwénhenhne; ó꞉nenh kí saskwahrihwasehrón꞉nien!

Psalms 14:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Roiá꞉ner?

2 Kings 17:6

né꞉ne tiotónhaton siʼioserakehátie shiʼhonontí꞉ioʼkwe ne Hoshea, né꞉ne Assyriaró꞉non ronhnontí꞉io wahaiéna ne Samaria, Assyria niashakoiaténhawe Nisraeʼró꞉nons nahonwatinó꞉ton, tánon ótiakes tsi kanatowanénhke ne Halah nón꞉we nashakóteron, ótiakes ó꞉ni tsi Konrarós꞉tha Kaniataratátie né tsi watonhontsáien ne Gozan tánon ótiakes tsi kanatowánens ne Media.

Judges 2:14

Tánon káti ne Roiá꞉ner wahotenakwawenhrátʼtie tsi nòkwah ne Israerró꞉nonke tánon washakoríhon ne ratinenhrénhtha niahonwanatiatónhti tánon nahonwatinenskwenháton. Washakoríhon ne tehontátʼtsons ne aktatsesónhas nahonwatiʼshastsʼtenserakénhni, tánon nʼIsraerʼró꞉nons iáh ónenh thahatikwéni ne tahonthahonthátene.