Psalms 42:4 - Ohiatonhseratokénti

⁴ Tewaʼkerhiaskáriaks nó꞉nen enskatatehiaráhkwen, tsi nitsiotohesthánion, nes nó꞉nen eniakwahteró꞉sen nonkweshónhas tsi niahionkwanénhrihne, tánon enkhehéntenhse tsi nienhiákwe ne raononsatokentíke ne Rawenni꞉io ne Jerusalemke, atonhnaráhtshera hiotsarokwenhátsie, tehiakorihwahkwenhátsie, tánon tehiakohenré꞉tane tehonwanonwerónhnionhs Rawenni꞉io.

Psalms 42:4 Referans Kwoze

Isaiah 30:29

Kwáh ensahrenhnaiéntake tsi ní꞉ioht nokarasnéha nó꞉nen ne iotokénti tsi neteiontenonhwerátons iakahonhniseranorónston; tánon iakotonhnáhere nakaweriá꞉ne, kwáh tsi ní꞉ioht nónkak wahióntsien wahontahónsathate tsi nikawenhó꞉te nohorótha ionterenhnotákwah niáhien tsi thotenontáhere ne Roiá꞉ner, né nahosthénra í꞉ken NʼIsrael.

Psalms 122:1

Tsi nakatʼtsenhnónhni sahontkónkahron, “Thóh iehiákwe Raononsatokentiʼkówahne ne Roiá꞉ner.”

Psalms 62:8

Tatsisehwethakwénhak ne Rawenni꞉io tiotkonhónwe kénhak, Ó tiónkwe; iatesehwatatʼtsáhak ne rahohénton; Rawenniʼióke séh nón꞉we nitewatasehthákwah. Selah

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Psalms 100:4

Tehshatenonhweráhthon tsi iensatawehiatánion ne tsi rothenhenrakaróntons; tesatenonweráton tsi iashatáhwehiat ne raotenhénrahkon. Tetʼtienonhweráhton tánon tsénhnaien.

Psalms 55:14

tsi nikáien ne ionwésenh tsi tiontsatenhró꞉honne; rahonóns꞉kon ne Rawenni꞉io ietsatawehiáthakwe sahonkeniríhwa tsi skát꞉ne í꞉teneskwe.

Luke 16:25

Tontahoȣennaȣeron nʼAbraham ȣahenron: Kien saseiarann tsi sastsokoȣane nonȣentsiake nok ne Lazar eso roieshaon, onȣa kati nehne nonȣa onen rotsennonni, nok nise ioronhiakentastsanit saronhiakentha.

Lamentations 2:19

Kwáh ahsontakwékon tasakʼketskwásek neh iatsenáton ne Roiá꞉ner; Kwáh seriasakwékon tsi tienéken nataniténron tsi nokwáti ne seienokónha— Ratiksaokónha ahthonkariákon rohthiriótha neh kwáh tsi níkon tekahiósaiens neh kanáthakons!

Job Tánon ne Raoronhiakensera 29:2

“Oh, ne naónton thóh nón꞉we nahonsakónhneke tsi nitsiotónhne, ne tsi nitewenhniseraténionhkwe ne Rawenni꞉io shihakeʼnikonhrará꞉tieskwe;

2 Chronicles 7:10

tánon nó꞉ia sahiórenhne, né tewásenh-ásen siwenhniserakéhaton né tsatakʼháton siwenhnítare, Né Solomon ionhshasakotórih nonhkweʼshón꞉as tsi thotinonhshótons niahonsahónhne. Tsi nihonatʼtsenhnónhni nakwékon ne kaiatateríhtsheras né Roiá꞉ner tashakáwen ne rahonkweʼtaʼshón꞉as Israerʼró꞉nons, ó꞉ni ne Táwit, tánon ne Solomon.

Ruth 1:21

Shaʼkahtén꞉ti ne kén꞉en, wakkwahtshéhne. Nok ne Roiá꞉ner shatiaʼtenhá꞉wi kwáh iáh thé꞉nen tesékhawi. Oh nontié꞉ren káti Naomi ahskwanatónhkwe né꞉ ne Rohsatstenhserowá꞉nen Rawenni꞉io rakerihwèn꞉ton tánon thakwatenniehtén꞉ni kaʼnikonhraráhtshera.”

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.

2 Kings 18:30

Tánon tó꞉sa tsi sewaríhon natsisewáreʼke ne Roiá꞉ner atsisewaterá꞉rahte. Tó꞉sa sewérek ne Roiá꞉ner entsisewanóns꞉thate onhtèken tánon ne tashakótaste nonkwentsiókwah ne Assyriaró꞉nons ronhterí꞉ios nahatiʼiéna ne sewanatowánen.

2 Kings 18:32

né꞉ne tsi nióre ne rakó꞉ra ákte nón꞉we ientsetsisewénhteron né kwáh ne sá꞉ka ne sewanakerásera, thóh nón꞉we nihiotenenharáres nakanekonhniaton notsítsas ó꞉ni nonátsias nakanatarónhnike; né iohontsionhniáton ne iakeniewátha kénʼie ó꞉ni ne ohtsinakonthakwáhne otsikhéta. Tó꞉ka thóh nenhsewáiere tsi niharihwanónhtons, iáh kíʼ taʼisewénheie, ók entiónhnheke. Tó꞉sa tsi sewaríhon ne Hezekiah natsisewatenonwarorithónhniaʼte né naisewanonhthonhniónheʼke nètho Roiá꞉ner tsi kwáh entsisewaniákenhte.

Psalms 79:10

Onhniʼiohtséren ne thiʼiakahontsátes nahionkhirihwanón꞉tonhse, “Kanón꞉we níres ne tsi Sewawenní꞉io?” Takwaríhon nahiakhíken nonkweshón꞉has nahatironhiáken ne karewathátshersa tsi ronhwatinekʼkwáhton ne sanhatsheraókon Kwáh nekénhnis naiakwatkátho.

Psalms 80:6

Né wasónhniaʼte nahionkhistérisʼte ne teiakwanonsaʼnetʼkhánions; né ionkhísons ratisterístha tsi natehóntere.

Psalms 102:10

né tioríhwa ne sateriatitkónhtsera ó꞉ni ne sanakwáhtshera; waʼtestsiátaʼkwe tánon aí꞉non nió꞉re iastiatónhti tsi ní꞉ioht nónhkak í꞉seh iahiakóti ne watkénston.

Psalms 115:2

Nontié꞉ren nonkweshón꞉has tsi iónhton, “Kaníres ne Raotiní꞉io í꞉ken?”

Psalms 122:8

Né raotirihwáke ne iakwahtátenons ó꞉ni nakaterosehraʼsónhas kwáh kí enkí꞉ronh, “Skennon kénhak ne shonháke.”

Ezekiel 46:10

Né rakóra thó꞉ne entʼthatáwehiate nó꞉nen nonhkweshón꞉ʼa ienhionthá꞉wehiate, tánon ienshahiákenhne nó꞉nen ientiehiákenhne.

Joel 2:17

Tsi naʼtetiátere ne tsi iehiontawehiaʼtáhkwa tánon ne ietsienharáhkwa áhnion ne ratitsihénstatsis, ne ronwaterihwatsterístase ne Roiá꞉ner, tehonsénhto. Áhnion ronhní꞉ron, “Shenónstat ne shonkweʼtashón꞉a, O Saiá꞉ner, tánon tó꞉sa tashé꞉hion ne shonkweʼtashon꞉ahs atehenserá꞉kon ne ronhnonwenhtsakeró꞉nons ne nahonwanatkóraste, Ne káti nahonhní꞉ron ne tsi ratinákere nonkweshón꞉as, ‘Kaní꞉res né Sewaní꞉io?’”