Psalms 4:8 - Ohiatonhseratokénti

⁸ Nó꞉nen ienkatiatiónhnite skénnonk tsi ienwaʼkítawe; íateshiá꞉ti khók Saiá꞉ner tatsatahnónstats.

Psalms 4:8 Referans Kwoze

Proverbs 3:24

Iáh thaiesáhteronʼne ne nó꞉nen ensentá꞉fa, tánon ensaserentí꞉ioʼne tsi niwahsón꞉tes ensèn꞉taʼwe.

Psalms 3:5

Waʼkatiatiónhnite tánon onhkítawe; shé꞉kon sáhtie, asèken Roiá꞉ner ne takénes.

1 Thessalonians 5:10

shonkwenhéiase ehnahontáwe nontiérenk ahónton ne skát꞉ke aitiónnheke ne rahónha, tohkàken entiónnheke thó꞉kas ó꞉ni enhionkwenhéion nónen téntre.

Deuteronomy 12:10

Nó꞉nen tesewaniaʼtarihiá꞉ke ne Jordan Kaniataratátie enkwahríhon nahisewatié꞉nawatste nonhóntsa tánon thó꞉nonhwe nahisewanákereʼke. Kwáh ki entsisewahiaʼtanonhstáthe tsi nokwáh ne tesewatà꞉tsonhs, tánon ki skén꞉nenk tsi ensewenhterón꞉take.

Leviticus 26:5

Ne saientʼthótseras thóh nióre tsi enwesóhake kwáh shé꞉kon enshenatsiʼiákseʼke nó꞉nen ienkáhewe nasenenharáko, tánon shé꞉kon senenharakwáseke tsi ienskáhewe nahonshasenatsaiéntʼtho. Kwáh thóh tsi nenhkónhake tsi niatahisaiériʼse ná꞉sehke tsi naʼtesatonhontsóni, tánon skenenhkówat tsi ní꞉ioht tsi ensiterónhthake ne sonhontsáke.

Hosea 2:18

Kwáh enkonhiónhnien naterihwaseronhniá꞉tshera né꞉tho enwenhniserá꞉teke skátne ne kontírios, notsitenokónhas ne tsi ió꞉werare kontí꞉tses, tánon ne onhontsá꞉ke kontéseres; tánon kwáh enkátonhte nahén꞉na, nasareʼkó꞉wa, tánon nateriióhsera ne tsi ionhontsá꞉te; tánon ne enkonhniá꞉te ní꞉se kwáh skén꞉nonk tsi ashenákereʼke.

Revelation 14:13

Tánon wakewenhná꞉ronhke thóh nontá꞉we karonhiá꞉ke watón꞉nions, “Shiá꞉ton kí꞉ken: Iakotáskats ne iakawenhé꞉ion ronón꞉ha kén꞉en ienwatáhsawen ronenhé꞉ion raonhà꞉ke ne Roiá꞉ner.” “Hen,” rá꞉ton ne Ronikonrí꞉ioston, “kwáh enhontoríhsen tsi nihonathatonhnakenà꞉on, Asè꞉ken tsi nihatiweienhó꞉ten enhotinonhtérane.”

Ezekiel 34:25

Kwáh entsianerensehrónhni tsi natehiakwáhtere né꞉ne enkariwahnírahte ne rahotihiatanonhstátʼtshera. Kwáh è꞉ren enkhehiatenháwite ne konhtisehró꞉hens katshénenhs ne tsi ionwenhtsáte, káti né nahónton nakhitsenenhókonhs teiotinakarónhtonhs skénhnonk tsi akonhnónhnheke ne kahentákes ó꞉ni nahiotíthawe ne karahkónhsonhs.

Psalms 16:11

Enskerihónhnien tsi niehiokthahí꞉non ne iónnhe. Né tsiatákta kwáh titkáhere natonnarátsera; ne sesheweientethákwen ne nonwenhsénhtseras í꞉ken.

Isaiah 9:2

Né onhkweʼshón꞉ʼa ne thóh nón꞉we nihiakotahitákhene tsi tetsiókaras kaswathetserowánen waontká꞉tho. Né꞉ne tsi nihiákon ne thóh nónwe niʼienákerekwe ne tsi ionhontsáien ne kwáh tetsiókaraskwe— akahonháke watsioswát꞉thene.