Psalms 36:4 - Ohiatonhseratokénti

⁴ Karihwaʼhetkénsera ratenikonhrón꞉nis tsi nikaríhwes rohthoríhsen; tsi nihatséra kwáh iáh othènen tehiohiánere, tiotʼkonhónwe né ken niehaiéra ne karihwaʼhetkénsera.

Psalms 36:4 Referans Kwoze

Micah 2:1

Kwáh í꞉ken tsi ionikonráksat tsi nihiá꞉kon ionteʼnikonrón꞉nis ne kariwahneraháktshera tánon ne kariwahetkénhsera ne rotiiò꞉tens ne rahotináktakes! Nó꞉nen ienhiórenhne, thóh nenhatí꞉iere, tiorì꞉wa tsi ronónha ratishatstenhserénhawe.

Proverbs 4:16

Rotirihwanerenʼákskon iáh thahatikwé꞉ni nahotí꞉taʼwe tsik thé꞉nen nenhóntiere ne iáh tetkariwaié꞉ri. Ratiiaʼtión꞉ni tánon iáh tehotí꞉taʼs ne tsi iáh ónhka tehshakotikarewáhton.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Isaiah 65:2

Iaʼtewakatsá꞉takwe kwáh kontatsekó꞉wa rononháke né ronteriʼioseranónhwe onhkweʼshónha, né ronónha thóh nón꞉we nionathahítake né iáh teioiánere, né ratísheʼre né iatehatiʼiáti tsi nionatenikonrón꞉ni;

Revelation 2:2

“Wakaterièn꞉tare tsi nisahioʼtenhseró꞉tens, tánon satakátstaton niatasotʼten. Wakaterièn꞉tare tsi iáh thasehiathakátsthate ne wahét꞉ken tsi nihontié꞉ra; ní꞉se waseiatenientén tsi niiá꞉kon né꞉ne ionthatenatónhkwa ionteriwanhótha ók iáh kíʼ neh tè꞉ken, tánon wahonwatiiaʼtatshén꞉ri rotinó꞉wenhs.

Psalms 97:10

Né Roiá꞉ner sakonorónh꞉kwah tsi niʼiákon ierihwáshonhs ne karihwaʼhét꞉kens; ranikónhrare tsi ronhnonnhénions ne rotirihwaʼtóken rahonkwetaʼshón꞉has; shesakoniakéntha tsi nòkwah ne raotisasthenhserákon ne ronhnonkwetaʼhét꞉kens

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

Acts 23:12

Nóia sahiórenʼne ótiakes ne Sitaeró꞉nons wahontʼkennísa tánon nahontenikonrónni. Kwáh wahonráraste tsi iáh thènen tathahonskáʼon iáh ó꞉ni tahatinikíra tsi nío꞉re ienhonwanonwariákʼkon ne Kór.

Matthew 27:1

NOK nonen siiorhonkene, ȣahontkennisa ne ratitsihenstakȣeniios oni ne rotikstenhokonha ȣahonȣatsienhaien ne Iesos oni nahonȣario.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Jeremiah 8:6

Kwáh wakatahonshí꞉ioste, ók iáh kíʼ oriwí꞉io tsi tesehwahthatí꞉on. Kwáh iáh ónhka ne tsi nítion tehtsisehwathateriwásthani ne sehwariwahetkénsehras; kwáh iáh tsi nítion tesehwaʼriwahnónhton, ‘Onh nahó꞉ten tahonkaterientahweriéhon?’ Kwáh tsi sehwahiatátʼtions tsi nithisehwanónhwes tsi eh nisehwahiérah, tsi ní꞉ioht ne kosáhtens tehiotskénnion nahonteriʼiósehrah.

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Proverbs 24:23

Ne ronteʼnikonhrattókha ne ó꞉ni kí꞉ken ronathró꞉ri: Iáh tetkaié꞉ri ne tehatiiaʼtoréhtha nahshakotikarenʼráhkwaʼte nón꞉kwe.

Psalms 52:3

Sénha kariwahetkénsera senón꞉wes tsi ní꞉ioht ne ioiánere, tánon wé꞉so tsi nisanowenhthánions tsi ní꞉ioht norihwí꞉io ahisatharákwen. Selah

Psalms 38:12

Tsi niháti ne rónh꞉nere nahionkenonwarhiákon, ronhteristaienhá꞉tons nakerihwáʼke; tsi niháti né꞉ne ronnésaks nahiontkaréwate né rotiʼtharákwen ne kaʼkaronhniátsera, iáh tehontkáwas tsi tehionkaskohtháhnis.

Job Tánon ne Raoronhiakensera 15:16

thóh ónte ní꞉ioht tsi sénha káronh nahontasakawétakwe tsi niká꞉ien ne iakotehenserá꞉re tánon ionkweʼtahétken; tsi niká꞉ien né꞉ne iakohióthens karihahetkénhsera ranekí꞉ra ne karihwaneraháktshera tsi ní꞉ioht nohnékanos!

Esther 6:4

“Ónhka kenʼ rón꞉nes ne ronaterihón꞉ton nakenónhskon”? ronontí꞉io wahariʼwanón꞉ton. Kwáh ó꞉nen Haman tahatáweiaʼte ronontí꞉io raoteʼèn꞉rakon; ne aoríhwa tá꞉re nahoriʼwanón꞉tonhse ne ronontí꞉io nahohnià꞉terenke Mordecai ó꞉nen kaweiennentá꞉ʼon tsi iontatniaʼterénktha.

Esther 5:14

Ró꞉ne tánon rontenroʼshón꞉ʼa wahonwatenʼnikón꞉ron, “Iáh kenʼ téhsehre iontatniaʼterénktha ahsón꞉ni tsá꞉ta niwáhsen wisk niwahsì꞉take nitiótte? Enióhrhenʼne ohrhonʼké꞉ne enhtsheriʼwanón꞉tonhse ronontí꞉io ne Mordecai eʼthó ahonwahnià꞉terenke, thó꞉ne ó꞉nen enhsatonhnhá꞉ren tsi enhsatekhwahrá꞉na.” Haman waharihwanón꞉weʼne nahò꞉ten wahonwatenʼnikón꞉ron, sók ki wahaténhnhaʼne wahonnón꞉ni iontatniaʼterénktha.

1 Samuel 19:11

Ne Saul iasakoténiete ratiriwakarénies tsi thóh nonshó꞉te ne Táwit nahonwatenhnikonráhren, tsi ratenikonrón꞉nis nahonhnonwarhiákon tsi ientsórenhne. Ne Táwit ró꞉ne Michal wahoró꞉ri, “Tó꞉ka iáh tashenónsthate tsi sónnhe nenhió꞉karawe, noronkéne kwáh kíʼeniesanonwarhiá꞉kon.”

Proverbs 24:2

Nek ronnonhtónnionkwa nahò꞉ten tahshakonaʼnikonhrhá꞉ren, tánon ónhkaʼk ahshakotikarón꞉ni tsi nahò꞉ten enthontá꞉ti.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”