Psalms 34:1 - Ohiatonhseratokénti

¹ Kwáh kíʼ tiókonte tsi tenhinonhweratónhsehke ne Roiá꞉ner; kwáh iáh nonwénton takát꞉kawe tsi tehinonhweratónhnions.

Psalms 34:1 Referans Kwoze

1 Thessalonians 5:18

tesewahtenonweratónsek kwáhk tsík nahiorihoténhake. Thóh kíʼ natehotonwentsió꞉ni thóh náshiere ne Rawenni꞉io tsi nishón꞉ne ne tsi tetiaterihwahshón꞉tere ne Kerístos Ié꞉sos.

Colossians 3:17

Kwáh tsik nahorihoʼténhsons tsi naisewáhtiere tóhka ó꞉ni thé꞉nen aisewénron, é꞉tho káti, naiá꞉wenhne rahoshén꞉nakon ne Roiá꞉ner Ié꞉sos, tsi rahonhà꞉ke tensatenonwerá꞉ton ne Rawenni꞉io ne Kaʼní꞉sera.

Ephesians 5:20

Thoʼraosénnakon ne Roiá꞉ner Ié꞉sos Kerístos, kwáh tiotʼkonʼónwe tsík nahoténsons tsi tetsisewanonwerathónsek ne Rawenni꞉io tsi rahónha ne Kaníhsera.

Psalms 71:8

Nekʼsákon ne titkáhere ne sanonhweratón꞉tshera, tánon kontatséshons ne iakenikwékon ne sahiatanerakwáhtshera.

2 Thessalonians 2:13

Teiontonwenhtióhon ne tiókonthe tahsakwanonweratónseke ne Rawenni꞉io níse sewahriwáhke, tewatenroʼshónʼa, í꞉se ne Roiá꞉ner tsi sewahnorónkwah. Asèhken í꞉se tisewahtierénton ne Rawenni꞉io tsi sewahiataráhkwen ne kwáh sontontáshahwen naisewahniákenthe ne Rawenni꞉io raoshatsʼténsera ne í꞉se rahonkwetatokénti aisewáton ó꞉ni tsi tisewetákwen ne oriwiʼioʼónwe.

Acts 16:25

Kák꞉non ne sihwasóntʼthen ne Kór tánon ne Silas ronaterénnaien ó꞉ni tehonwariwákwaʼse ne Rawenni꞉io, tánon ne ronátiakes ne rathinóton ronwanatahónsate.

Psalms 71:6

Shonháke nón꞉we siʼkeniahé꞉sen né꞉ne kwáh shontakenhnákerate; kwáh shontakenhnákerate í꞉se sistiatanonstháties. Kwáh káti tiókonte tsi thenkonhnonhweratón꞉sehke.

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

Acts 5:41

Tsi natonsahontetʼkhaʼshiónko ne ratikweʼkónʼne ó꞉ni ne Ratitsiénhaiens, kwáh rohnatʼtsennón꞉ni, Asèken Rawení꞉io sakohiatarákwen neh tsi iatekaiéri tsi nihotikwénion nahontéʼen ne Ié꞉sos rahoriwá꞉ke.

Genesis 20:2

NʼAbraham tsi wahshakohthá꞉rahkwe né ró꞉ne Sarah, “Iatiatenoʼsénha í꞉ken.” Tánon ne Ronnontí꞉io Abimelech né Gerar nón꞉we wahaténhnaʼne naontakonwaiaʼténhawe raonhá꞉ke.

Genesis 26:1

Shé꞉kon ó꞉ia natonhkariá꞉kon kaièn꞉tahkwe ne tsi ionhwenhtsá꞉te kwáh tshiehská꞉te natonhkariá꞉kon tsi nitiohtón꞉ne ne sihotenhniseraténionhskweʼ ne Abraham. NʼIsaac Gerar neʼ nón꞉we niahá꞉re, tsi thén꞉teron ne Abimelech, ne shakonontí꞉io ne Philistiaró꞉nons.

1 Samuel 21:11

Ne raonhatsheraókons ne Achish wahawénhase, “Iáh kén kí꞉ken ne ne Táwit ne ronnontí꞉io tsi ionhontsáien? Iáh kén thaʼteotirihwákwen tsi natehón꞉tereh ne raónha raorihwá꞉ke tsi wathaʼtinónhniaʼkwe, ‘Ne Saul sakononwarhiaʼkhónhnion tewahniawehetseráhsen nihá꞉ti, tánon ne Táwit raón꞉ha nénhne sakonʼnonwariákhon noié꞉ri tehonnenhwenʼniaweʼehtserásen ní꞉hati’?”