Psalms 3:7 - Ohiatonhseratokénti

⁷ Tontástan, Saiá꞉ner! Shastiatáko, Akení꞉io! Asèken wasehkón꞉reke ratirhió꞉tsake ratikwé꞉kon ne iónkʼshions; tesehnawí꞉riaks ne ronhnonkwetahétken.

Psalms 3:7 Referans Kwoze

Psalms 58:6

Ó Sewenní꞉io, tesenawíriak kíʼken ratiseró꞉hens kénreks!

Job Tánon ne Raoronhiakensera 29:17

Watekheriók꞉tiake ne iáh teiakoiánere, tánon takherioʼtákwahte.

Job Tánon ne Raoronhiakensera 16:10

Tsi natsionkatkáneren kwáh teonatskaráwen; wahonkaranonsáhiaʼke; wationkehonwarón꞉ni nahontahionkatsiatón꞉ti.

Psalms 59:5

Téstann, Saiá꞉ner Ní꞉io ne Sashaststenhserowánen, tánon tá꞉se nastienawáse; kwáh í꞉se satkátho, í꞉se séh Ní꞉io ne Israerʼró꞉nons. Téstann tánon sehré꞉war thí꞉ken kahiatónhni konwasénhnaiens; tó꞉sa ónhka sehnóns꞉tat tsi niháti ne iotʼteronhónwe rontenikonronniánions ne karihwahétken. Selah

Psalms 10:12

Tétann, Ó Saiá꞉ner, Ó Sewenní꞉io, í꞉tsient; tó꞉sa sehiatanikónhren ne iontateroniakéntha.

Isaiah 51:9

Í꞉tie, í꞉tie, Saiá꞉ner kashatsʼténhsera tesatewehiáren, Ó tsi nihashátste ne Roiá꞉ner! Í꞉tie, kwáh tsi nitiotón꞉ne ne shiʼtsiotenhniserakáionskwe, tsi nontaienekwenhsatátie ne wahón꞉nise tkènhne! Í꞉se tèken tsi natetsiaʼtiákon ne Rahab, í꞉se tetsiaʼtawehéston ne iononwaronhtsiétha.

Psalms 7:6

Téstann, Ó Saiá꞉ner, thóh ne sanahkwatserákon. Tashanhákwen tsi nòkwah ne raotinahkwáhtshera ne iónkswenhs; í꞉tie, ní꞉ih akerihwáke; seríhwent ne karihwenhthátshera né sherihwisenhénhni.

Psalms 6:4

Tonsahsaterihwathénien, Saiá꞉ner, saskenónstat sastiatáko né tioríhwah tsi nisarihwatóken.

Lamentations 3:30

Iáh wehrohátsien tsi ionkhíwahe ó꞉ni ionkhinikonraksáton, kwáh kíʼ oriwakwékon tsi iahitewaiénna.

Psalms 76:9

Nó꞉nen ne Rawenni꞉io sahthá꞉tane naharihwaʼsehrón꞉ni ne kahiatorethátshera, nasahkonónsthate ratikwékon ne ronhwaʼtironhiakéntha ne tsi ionwenhtsáte. Selah

Psalms 74:11

Nontiéren tsi tateskaneráhtse iáh othènen teshèhra? Nontséren tsi sáton iáh ó꞉nen thènen tatehionkwatonhontsóni naskwahiénawaʼse, tánon tesahnonkarénhron nonhtionháke?

Psalms 44:23

ʼÍ꞉tie, Saiá꞉ner! Nontsiéren tsi sénhtas? Satorhianerónhko! Tó꞉sa takwatkénrat tsi nénhwe akénhake!

Psalms 35:23

Sahnitskwará꞉ko! Ó Saiá꞉ner, tánon táskene, ní꞉i akerihwáʼke, akeNí꞉io, tánon Atiá꞉ner!

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Habakkuk 2:19

Satrewátane asè꞉ken sró꞉ris ne oiénhte, “Í꞉tie!” ne iáh tewatá꞉ti onénhia, “Satatkétsko!” Akakwé꞉ni ken nahiakorihónhnien? Satkáto, owistanó꞉ron tánon kawistará꞉ken tekaiestánion, tánon kwáh iáh othé꞉non teiahonhniserá꞉ien.

2 Samuel 18:8

Nateriʼiósera watewaré꞉ni kwáh tsi nikanakerásera; tánon ne karakonhkówa sénha iakotsiokowánen thóh nón꞉we nahonwanawéntʼtho nètho wenhniserátekwe tsi ní꞉iot nasarehkówa aonástonke.

Psalms 27:3

Eʼthohʼsáne ne ronterí꞉ios tahionkehonwarónhni, nakwé꞉ri iáh kíʼ thahió꞉teronhne: eʼthohsáne tó꞉ka naterihió꞉sehra ahontkétsko nahonthonkatiatónhni, né kík sá꞉ka enwakenikonhrahníronke.