Psalms 27:1 - Ohiatonhseratokénti

¹ Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 27:1 Referans Kwoze

Hebrews 13:6

Ánion kíʼ ionkwahriwahníronk, káti, tánon tewénhron, “Roiá꞉ner sehʼ ratiénawahse, iáh tahonkʼteronní꞉hake. Nahóten ahiekwéni nónka ne oʼthènen naiontiérahse?”

Psalms 118:6

Né Roiá꞉ner tsi í꞉ih nokwáhti í꞉rate iáh tewát꞉terons. Nahóten ahiekwéni nónka ne oʼthènen naiontiérahse?

Exodus 15:2

Roiá꞉ner seh nʼakeshatsʼténsera ó꞉ni nʼakerénhna, tánon rahónʼa nʼatsiaʼthakenáhtshera; né kí꞉ken nakeʼNí꞉io, tánon kwáh tenhinonhweráhton, rakeníha raoʼNí꞉io, tánon kwáh enhiʼsenhnakaráhtaʼte.

2 Corinthians 12:9

Nok tontaharihwaserá꞉ko, “Thok ní꞉kon tesatonhontsó꞉ni ahshá꞉wake ne nakitén꞉rat. Tho nikahá꞉wi akkweniáhtshera kwáh ísi nón꞉we nikáhsatste nó꞉nen ní꞉se iáh tesonhnháhsatste.” Tóka káti ne Kerístos tiókonte tahakwawihátie ne raokweniáhtshera, kwáh akwatshennonniahtsherá꞉kon tsi akatahthá꞉rahkwe tsi niwaktsí꞉ioha.

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

John 8:12

Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Psalms 62:6

Rahonhatsíwa thákenes tánon rakenónstats, rahónha ne tákenes; iáh kíʼ nonwénhton tsiahionkesénhni.

Psalms 18:28

Í꞉sehse ne sahserót꞉tha natkasèhra; ne Roiá꞉ner, akeNí꞉io éhʼren waʼhahá꞉wite nakáwenk tetiókaras.

Job Tánon ne Raoronhiakensera 29:3

Nó꞉nen ne raohá꞉sera sateioswáte ne è꞉neken kenontsí꞉ne, tánon né꞉ne raoswathétshera nón꞉we natekatekhahákwake ne tsi tetiò꞉karas.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Psalms 118:21

Tekonhnonwerátons tsi waʼteskerihwaserákwahse tánon í꞉se natienawaséhtshera wasáton.

Psalms 19:14

Aiáwenhs nakewenhnasónhas ó꞉ni nakanontonnióntsheras ó꞉ni tsi nikatenikonraiéntons nakweriáne aeserientí꞉io, Ó Saiá꞉ner, iséke nón꞉we nikathasehtákwah tánon í꞉se sestsiatákwen.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

Psalms 62:2

Rahonhatsíwa thá꞉kenes tánon rakenónstats; rahónha ne tákenes, tánon iáh nonwénhton tsiahionkesénhni.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Isaiah 2:5

Ó tsi ronónshote ne Jacob, káts, áhnion thóh tewathénhti rahoswathetserákon ne Roiá꞉ner!

Psalms 18:46

Ne Roiá꞉ner rón꞉nhe! Ronwasénhnaien nakitsténhra í꞉ken, tánon ronwasenhnakará꞉tat ne Rawenni꞉io ne natiatakenátshera,

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.

John 1:9

Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.

Revelation 7:10

Teotihenréhtha tsi natehatiwenhnakaré꞉ni, ronhtón꞉nions, “Ne Kaiatakená꞉tshera ne raó꞉wenk nonkwáh Ní꞉io tsi raónha thóh renskó꞉te nanitskwá꞉rahne, ó꞉ni raónha ne teiotinaʼkarontónha owí꞉ra!”

Luke 2:30

Aseken ontkatto ne kkarake ne Etsienha sesetenratane.

Psalms 11:1

Rahonháke ne Roiá꞉ner nónhwe niwaʼkatekwáhsen; onhní꞉ioht tsi askwéni naskénhase, “Hionsahsatekwáhsen ne tsi tiononténion tsi ní꞉ioht notsiténha ká꞉tie!

Psalms 3:8

Roiá꞉ner sèh sesakohiatákwas; ne sahiathateríhtshera ahotiráhne ne shonkweʼtaʼshón꞉ha! Selah

Luke 3:6

Nok akȣekon nonkȣe onhonȣaken ne Niio raoiatakennhatsera.

Matthew 8:26

Tontasakaȣenhase; nahoten Seȣaterontha nise-ȣerientaha? Ethone tontahatane, ȣahatarhase noȣeron oni tsi kaniatare; nok oksaok tonsakaȣeriiake.

Isaiah 45:24

Kwáh rahonháke khók ne Roiá꞉ner, nón꞉we nenhionkʼthá꞉rakwe, né꞉ne karihwaʼkwahrishióntshera tánon kashatsténhsersa; tshiehatiʼkwé꞉kon ne ronhwaná꞉kwase kwáh rahonhàke nentʼthón꞉ne tánon enhonwanatéhate.

Psalms 43:2

Asèken í꞉se ne Sewenní꞉io shonháke nón꞉we niwaʼkataséhton; nontiéren tsi takatewenhtéton? Nontiéren tsi tiókonte ahonkeronhiákenke né tsi nihionkateniakatsténhni ne iónkswenhs?

Deuteronomy 7:18

Tó꞉sa ietshiʼtshà꞉nisek; sewehiá꞉rak nahó꞉ten ne Roiá꞉ner sewaNí꞉io tsi nihoié꞉raʼse ne ronhnonhtí꞉io ne Egypt nónhwe tánon ratikwé꞉kon ne rahonkweʼtashón꞉a

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Psalms 18:29

Ne nastié꞉nawase kwáh tekheiaskwaséron ne ronterí꞉ios, toka Nakení꞉io enhatié꞉nawaʼse enkwé꞉ni ne takatawenrá꞉te ne tsi tewasahontóte.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.