Psalms 25:2 - Ohiatonhseratokénti

² Ó akeNí꞉io, í꞉seke nón꞉we nitewakethákwen; tó꞉sa satʼthóntat nahionkatéhate; tó꞉sa sehríhon ne iónswenhs ne thahiontiéron.

Psalms 25:2 Referans Kwoze

Romans 10:11

Nowenʼnatokénti wáton, “Onhkakíʼok nenthonwétakwe iáh tahonsahiontateriwásten.”

Psalms 41:11

Ók né kíʼ kí꞉ken waʼkateriénhtare tsi tkonhnikonhraʼieríton; tsioríhwa ne iónkswens tsi iáh tehionkhesénhnion.

Psalms 71:1

Shonháke, Ó Saiá꞉ner, nón꞉we nikeniahésen; Tó꞉sa nonwénhton satthóntat nahionkatéhate

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

Psalms 22:5

Shonháke nónwe iathonséntho, tánon ki sahatiniákenʼne; Shonháke nón꞉we nithonethákwenhne, tánon kí iáh theʼsohnathateriwastaníhon.

Psalms 142:6

Satahónsatat tsi natekahséntʼthos, asèken tsi nió꞉re tsi entá꞉ke hionkónhni. Tatsatanónstat tsi nòkwah ne ionkeronhiakéntha, asèken sóhtsi ratishástste nakerihwáke.

Psalms 31:1

Shonháke, Ó Saiá꞉ner, nón꞉we nikèsaks nakataséhthakwe; tó꞉sa nonwénhton takeríhon nahionkatéhate; í꞉se ne sarihwaʼkwahríshion Ní꞉io; tatiatanónstat.

Isaiah 37:35

Asèken kwáh kí éntkene kí꞉ken kanatowanénke nakenónsthate, asèken Í꞉ih akerihwá꞉ke tánon ne raorihwá꞉ke nakenhá꞉tshera Táwit.’”

Psalms 34:8

Sewaʼrihwaienhtérat tánon sewatkátho nètho Roiá꞉ner tsi nioiánere; iakotáskats tsi nihiákon ne rahonháke nón꞉we nenhiontaséhthakwe.

Isaiah 26:3

Tsi nihiákon ne rotiʼnikonrató꞉ken seiatienawast ne skénnon í꞉ken— né꞉ne skénnon tsioríhwa tsi tsesehtákwen.

Psalms 94:3

Ó Saiá꞉ner, thóh nenhkarihwéshonke ne ionkwetahetkenokónhas tsi ahonatʼtsenhnonníhake, thóh nenhkarihwéshonke ne ionkwetahetkenhokónhas tahonathaterenhsáronhke?

1 Tiér 2:6

Asèken noriwatokénti wáton, “Satkátho, wakerákwen ne kanenianóron, watsiéntatse thóh nón꞉we Zion nehne takaiosaiéntakwe; tánon onhkakíʼok nenthonwétakwe iáh tahonsahiontateriwásten.”

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Isaiah 37:20

Ká꞉ti nón꞉wa, Ó Saiá꞉ner onhkwahNí꞉io, saskwahnóns꞉tat thonsatʼtsiotarísi, né ká꞉ti akwé꞉kon tsi kanakeraserakérons ne tsi ionwenhtsáte ahónton ahiakoteriéntaraʼne tsi kwáh iateshiá꞉ti khók Saiá꞉ner í꞉ken.”

Psalms 37:40

Shakoiénawashe ó꞉ni shakoniakéntha; shakotiaʼtatiskwáhtha tsi nòkwah ne rotiriwahneraʼákskon, tsoríhwa tsi raonháke nieiéntha nahiontekwáhsen.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 7:1

Ó Saiá꞉ner akeʼNí꞉io, shonháke nón꞉we niwakateʼkwáhsen; sastiatáhko tsi nòkwah ne ratikwékon ne hiontséres, tanon tatsatanónstat,

Psalms 22:8

“Ní꞉se waʼtieniáhese ne Roiá꞉ner,” rónhton. “Nontiéren tsi iáh tehianónstats? Tó꞉kaʼ ne Roiá꞉ner ianónh꞉wes, nontsiéren tsi iáh teiasníe꞉nons?”

Psalms 22:1

AkeNí꞉io, akeNí꞉io, ohniʼiotiéren tsi takatewentéton? Ohniʼiotiéren tsi aʼíhnón nió꞉re tèses nastiatakéhnha, né nowennasónhas tsi niwahkonshé꞉natha?

Isaiah 41:16

Ní꞉se kwáh kí ensheiásehwe tánon tsi iowerá꞉re ienhkáhawe, tánon ne tsi teioweratáse kwáh kí tenhiakoréniaʼte. Eʼthó꞉ne kí ní꞉se kwáh ensatonhnáren rahonhá꞉ke ne Roiá꞉ner; rahonhá꞉ke né Roiatatokénti khók í꞉ken NʼIsraerʼronónke ní꞉se kwáh kí ensará꞉sehse.

Isaiah 37:10

“Ká꞉ti ó꞉nenk tsi ensthá꞉raʼse ne Ronnontí꞉io Hezekiah ne Judahró꞉non: Tó꞉sa tserí꞉hon ne Saní꞉io tsi nikáien tseniaʼhésen nahiaʼnikonráten né tsi iarahratsʼténhnis nètho Jerusalem tsi kwáh iáh tahontahónhnion ratsanàke ne ronnontí꞉io ne Assyria.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Psalms 56:1

Takithénrat, Ó Sewenní꞉io, asèken nonkweshónhas tehionkaskwasehrón꞉kwas; kontatséshons ne iónkswenhs ionkeronhiakénton;

2 Chronicles 13:18

Tánon ká꞉ti né Judahró꞉nons wahontkwéni tsi nahonwatisénhni Nisraeʼró꞉nons, ne wakarihónhni tsi Roiá꞉ner wahonwaniáhese, né sá꞉ko Ní꞉iokwe ne sakotisokʼkénʼen.

Psalms 13:5

Ók né keniahésenh ne sáwenk iorihwató꞉ken kanoronkwáhtsera; nakwéri kwáh kíʼ enwatonhnáren tsi enseskeniákente.

Psalms 31:2

Taʼkatewenhnatahón꞉satat; tesasteríhen saskeniákent. ʼI꞉se nakatrenhostákwah kénhak, iothenhenraníron nahonkenónsthate.

Psalms 31:15

Kwáh akatonnhetserakwékon tsi sahtshanáke nón꞉we nihiothaténhron; tatiatanónstat tsi nòkwah ne iónkswenhs, ó꞉ni ne ionkeronhiakénhtha.

Psalms 91:2

enhonhwénhase ne Roiá꞉ner, “Í꞉seke nón꞉we nikatasehtákwah tánon í꞉se nakathenhénra í꞉ken; í꞉se nakení꞉io í꞉ken, shón꞉hake nón꞉we nitewaʼkethákwen.”

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.