Psalms 24:5 - Ohiatonhseratokénti

⁵ Enhatiʼiéna ne kaiatateríhtsera ne Roiá꞉ner nón꞉we nénhtewe, Rawenni꞉io kwáh ensakawenésthen tsi iáh tehotiníkon.

Psalms 24:5 Referans Kwoze

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Isaiah 46:13

Taká꞉we ákta wá꞉tsien nakatesenhniéntshera, iáh ahí꞉non nió꞉re téthewes, tánon naká꞉wenk kahiatakenátshera iáh thaʼionísko; Kwáh thóh éntsien ne kaiatakenátshera ne Zion nón꞉we, asèken ne Israel né naʼtsatanerakwáhtshera í꞉ken.

1 Tiér 3:9

Tóhsa neh sasewakárhiat ne kariwáksen ne kariwáksen tóhkaʼ ó꞉ni ne karewatátsera ne karewatátsera; kék khók, ne sasewakárhiat ne kahiataterítsera, tioríwa tsi kahiataterítsera nahóten ne Rawenni꞉io iararatsʼténni neh shaianáton.

Galatians 3:14

Kerístos neh aoríwa kíʼ thóh naháiere neh nahónton ne kahiataterítsera tsi nihorahrástenni ne Rawenni꞉io neh Abraham nontiérenk ahontahonwénnon ne iáh tehathisitaeronons tsi néntewe rahonháke ne Kerístos Ié꞉sos, neh káti thóh ne tewetákwen nontiérenk entewaiéna ne Onikonratokénti tsi nihoraráston ne Rawenni꞉io.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Psalms 50:23

Tsi thenskenonweráton teskáwis ne kariwiʼioseokónhas ne tahonkerenhsáronkwe; tsi nihiákon ienikónhrahre tsi nihiewehienhnó꞉ten tánon nónka kíʼ ók enhionkewénhnarakwe enhieriwaientérahne nahtienawaʼséhtshera.”

Galatians 5:5

Nonkwatiá꞉kes, nonkwaskanéktsera ne Rawenni꞉io kwáh enseshonkwariwakwatákwaʼse tsi natethewátere ne rahónha; ó꞉ni thóh ní꞉ioht tsi ionkwaráreh neh tsi nikasátste ne Rawenni꞉io rahonikónra iohiotátie tsi nitionkwetákwen.

Galatians 3:9

Abraham tawetákwenne ó꞉ni ronwahiatateríston; neh káti tsi nihiákon tsakawetákwen tsi iontatsathateríston kwáh tsi ní꞉ioht ne rahónha.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Romans 3:22

Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 54:17

Iáh thaʼhóthen ne ionteriʼiostákwah ne kasahá꞉nion nahonteshatsiatónhti nahionhianerásthen, tánon kwáh sakʼthensehiónhni ne niaʼtewenhnásake ne tahontahatítaʼne naʼiesahnontánaʼke ne kariwenhthatsherákon. Né kí꞉ken ne raoʼnawenhkónwe ne raonhaʼtserashón꞉has ne Roiá꞉ner tánon né꞉ne raoʼnatesenhniétshera tsi nitsawénon nakonháke, rá꞉ton ne Roiá꞉ner.

Isaiah 51:8

Asèken ne kokhó꞉wa kwáh thóh ní꞉ioht tsi eniakowáraʼke tsi ní꞉ioht tsi wakwe:niaks, tánon notsinonhwanhé꞉ta kwáh eniakowárake tsi ní꞉ioht tsíwaks nononhwé꞉rhon; ók nakatesenhniéntshera tsi né nénhwe enkénhake, tánon nakatanithenrá꞉tshera tsi wahenenhkwensatátie akowenhkhón꞉we enkénhake.

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Psalms 88:1

Ó Saiá꞉ner, í꞉se Sewenní꞉io natiatakená꞉tsera, Nó꞉nen, ienhiókaraʼwe, Iathenkaséntʼtho shonháke,

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Psalms 68:19

Tehonwaʼnonweráton ne Roiá꞉ner, tsi rahónha ró꞉kete nonkwahríe꞉na niatewenhniseráke; Rawenni꞉io séh ne sonhkwahiatanónstats. Selah