Psalms 24:4 - Ohiatonhseratokénti

⁴ Né꞉ne tsi nihiákon ne ieweʼienhní꞉io tánon ienikonhrí꞉hio, tsi nihiákon ne iáh kahiatónhni tekonwaʼthisénhnaiens khés ne noʼnhówenhs í꞉ken tsi nihionrahrátstha.

Psalms 24:4 Referans Kwoze

Matthew 5:8

Iakotaskat nʼiakaȣeriasiio: aseken onhonȣaken ne Niio.

Psalms 51:10

Á꞉se saskerhiashónhnien né꞉ne werhiasí꞉io, Ó Sewenní꞉io, tánon ne saʼsé꞉tha né á꞉se tánon tkariwaiéri ioriwaʼtó꞉ken kanikonraʼnirát꞉tsera nakonháke.

Ne꞉ne Sák Rohiaton 4:8

Rahiaták꞉ta ne Rawenni꞉io niahásewe, tánon ó꞉ni ne raónha sehwahiatat꞉ta nént꞉reh. Sahsewatióhare, í꞉se ne sewariwánerens! Sasewatateriasaʼserón꞉ni, í꞉se nanónwaras

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Psalms 73:1

Orihwiʼiohónwe ne Rawenni꞉io tsi torihwaʼiéri tsi nòkwah Nisraelró꞉nons né꞉ne tsi nihiákon nʼiakerhiaʼsí꞉io.

2 Corinthians 7:1

Tewatenró꞉shon, Rawenni꞉io né꞉ʼe shonkwahrharatstén꞉ni. É꞉ren í꞉tewet akwé꞉kon nahò꞉ten tekenʼtsónstha ne onkwaierón꞉ta tánon ne onkwatónhnhets. Atshitewahsennowanáhte Rawenni꞉io, kwáh aietewateʼnién꞉ten aontatshitewanaʼké꞉ren.

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

1 Timothy 2:8

Kwáh tsi nihioriwáhke nononsatokentíke enhionterénnaien tewahkatonwentió꞉ni ne ronnónkwe nahonterénnaien, ronnónkwe neh꞉ne rotirihwatóken tsi nòkwa ne Ní꞉io tánon ahatikwéni nahonnenstiakétsko nen honterénnaien ne tóhsa ahotinakwenʼénhake tóhsa ó꞉ni tahotiriwahkéhnen.

Acts 15:9

Iáh thènen tatehotí꞉en tsi nahthetewátere; sahsakonikónrense ne rahotiriwanerahákʼtseras neh tsi tahonnéthakwe.

Psalms 18:20

Né Roiá꞉ner waʼthakeriwaserákwase ne tahiohianénhawe tsi niwakerihwakwahríshion; ne tahiohianénhawe tsi nihiotkwéniens ne kahtiákahke sahatiéritʼtse.

Psalms 143:8

Takeríhon nahonkatʼtónhtene ne iorihwatóken sanoronhkwáhtshera noronhkéne, asèken í꞉seke nón꞉we nihtewaketákwen. Takerihónhnien tsi nihiohahóten akatʼthahíta, asèken í꞉seke nón꞉we nikaterénhnaiens.

Psalms 15:4

Shakokenrónhni tsi nihiákon ne ionthatsatonhtákwen, ók shakokweniénstha tsi nihiákon ne ronwahtsánis ne Roiá꞉ner. Rarihwanírats tsi nihorihwaniráton iekaníhare ne rahónha ahokarónhniate.

Revelation 21:27

Ók iáh thaʼhó꞉tens ne iáh teiót꞉kweniens kwáh iáh tsiá꞉hontaweiate, khehs nón꞉ka ne ne iakó꞉hiote nhó꞉nowen, ók nek khók tsi niiá꞉kon ne iesenná꞉re ne teiotinakaronhtón꞉ha raoiá꞉tonhserake ne ionnhe.

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Ezekiel 18:6

Iáh teshakosénhnaienskwe ne Israerʼró꞉nons rahotihiatonhnishón꞉a iáh ó꞉ni tèraks ne watewahratʼtsaháton tsi nitonatkáwenk tsi nonhwésons ne kariwásthon nihionterenhnaienthá꞉kwáh. Tánon iáh tehotenahkwahieshá꞉ton ne ó꞉ia rónhkwe ró꞉ne iáh ó꞉ni tetʼthanonhtónhni ne iónkwe ne shiʼhiotenhnitharáhni.

Proverbs 20:9

Ónhka kenh enhakwé꞉ni nahén꞉ron akwé꞉kon ioiánere tsi ranonhtónnionhs; é꞉ren rohawíhton tsi rorihwanéren?

Psalms 25:1

ʼIséke, O Saiá꞉ner, iahák꞉thate nakwahterénhnaien;

Job Tánon ne Raoronhiakensera 9:30

Tó꞉ka ne akatiatoharéstakwe noniehtá꞉keri iekaní꞉hare ne akatsioharé꞉takwe ne wakenrontákwen,

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.

Genesis 6:5

Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs.

1 Timothy 1:10

Né ioteriwahtéha, né kentétsera ratinikonrátha, ne ratiwirahnénskwas, tsi niháti ne ronnowéntha ó꞉ni ronnowéntha ne thènen ahontʼróri tóhka ó꞉ni nónkak ne kwáh ó꞉ia ní꞉ioht tsi ahontróri tsi nòkwa ne kwáh tóhkenske íken noriwahshónha.

Ezekiel 18:15

Iáh tehshakosénhnaiens ne Israerʼró꞉nons rahotihiatonhnisónhas iáh ó꞉ni tehahwáhraks ne watewahratʼtsaháton ne thonatkáwenh ne kariwáston tsi ronhterenhnaienthá꞉kwáh. Iáh tetheshakononhtónhnis ne akórenh rónhkwe ró꞉ne

Jeremiah 5:2

Iáh werohátien tsi sehwáhthon Roiá꞉ner tsi sehwahsénnahiens, iáh thitisehwehthákwen tsi nahó꞉ten sehwáhton.

Psalms 51:12

Sasetkwathákwas nattsenhnonhniátshera né꞉ne sá꞉wenk sehiathakwátha í꞉ken, tánon takónhnien thóh nahonkenikonroténhake tsi akonwénhnarakwe.