Psalms 23:5 - Ohiatonhseratokénti

⁵ Í꞉se waskatekwaratseraʼserón꞉nien, thóh raotihén꞉ton ne iónkshons; í꞉se kénʼie waskenontsistókaʼwe; nakétʼtie teiontʼnekontákwa ontawénhrate.

Psalms 23:5 Referans Kwoze

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.

Psalms 92:10

Ní꞉se thóh naskeshaststenhseró꞉wanaʼte tsi ní꞉ioht ne karakonró꞉non tehonákares; aweiéhnase waskeienhnó꞉kaʼwe.

Psalms 45:7

sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.

Psalms 16:5

O Saiá꞉ner, í꞉se takerakwénhni natienhtátsera ó꞉ni natkéra tehiontnekonhthákwah; í꞉se í꞉shawe tsi niahonkenionhátie.

Job Tánon ne Raoronhiakensera 36:16

Kwáh ó꞉ni é꞉ren enhiahawí꞉then ne kaʼnikonranonwáktshera, tánon thóh nón꞉we nienhiahaʼténhawe tsi nón꞉we ne tsiatehiotskará꞉wen kenhentá꞉ien ne kwáh iáh othé꞉non tekaristhí꞉seron, tánon tsi nahó꞉ten kará꞉kwe ne satekwará꞉ne titkáhere ioré꞉sens.

1 Sawátis 2:20

Nók sewaientáʼon ne Ronikonriʼióston tsi nitotórion ne Kerístos, nekáti aoríwa sewakwékon sewateriéntare noriwiʼioʼónkwe.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

2 Corinthians 1:21

Ne káti aorì꞉wa ne Rawenni꞉io eh niwatié꞉sen tsi skátne tehshonkwatáhstha ne Kerístos kwáh aiorihwahnirón꞉hake. Rawenni꞉io se wáhi shonkwaiaʼtarákwas.

1 Corinthians 10:16

Ne kátse tewátstha ne iehiatarástha ó꞉ni tsi tentsitewahnonweráhton ne Rawenni꞉io; nónen entewahnekírahthe, wetewahtiátaren ne Kerístos raonekwensákon. Tánon ne tentewahnahtáh꞉rhiake; éntewahke, wetewahtiátaren ne Kerístos raiéronke.

John 16:22

Etho kati nonȣa oni nise niiot seȣanikonraksens; sekon ki tanon enskȣaken nok entsiseȣatonnharen, nok iah onka taonsaietsikȣa ne seȣatsennonniatsera.

Psalms 104:15

tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Isaiah 25:6

Né kénh꞉en tsi ionontáhereh ne Sakoiá꞉ner ne ronterí꞉ios ratiʼronhiakeró꞉nons kwáh tsi ensakahónhnien ratikwé꞉kon nonkweʼhókons tsi ensakhokʼkhwahéraʼse né꞉ne iotkhwarésenhs, tánon ne ne kwáh í꞉ken ionekaksʼténha otsítsia enhatinekí꞉ra, né꞉ne iokhwarésenhs ne tekaiéston nostarònwa, tánon ne ne kwáh onekasthénha otsítsia ne kanonwakénston ne aóskon í꞉ken.

Psalms 116:13

Kwáh enkharáthaʼte ne tehiontʼnekonhthákwah ne kaienawaséhtshera í꞉ken tánon ienkenáton ne raosénhna Roiá꞉ner,

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

Psalms 78:19

Waʼhonwanikonrák꞉sate ne Rawenni꞉io, rontón꞉nions, “Ahakwéni onhtèken ne Rawenni꞉io nahontahát꞉kawe ne kák꞉khwa ne iahonwenhtsiatʼténhake nón꞉we?

Luke 7:46

Iah teskoka naȣenhieniiohake; nok naonha neh nakȣa ȣenhienakon ȣakasitokasta.

Amos 6:6

Sathetsetateniáton shanekirenháties nonenharákeri, tánon ne satatsiatokástha ne kwáh tewenhserá꞉kons iontsiatakonhonstháhkwa, ók iáh kí nenhné꞉e tesanikonrátsens tsi nihiorihwenhtáhon ne Israerró꞉nonhke!

Psalms 22:29

Ratikwé꞉kon ne ronthatónhni nonkwé꞉shon ne tsi iowenhtsáte rahonháke thenhontsákete; tsi nihiákon ne Roiá꞉ner iáh tesakorihwáwi nahiakónnheke rahohénton thenhiontsákete. Tánon kíʼ ní꞉i enkónnheke ne rahón꞉ha raorihwáke.

Matthew 6:17

Nok tanon nise, satkonsohare, satoka oni nʼonen sentontietane.

Psalms 92:11

Ríhken ne Rawenni꞉io sakosénhnion ne iónkshons; kwáh kíʼ enwaʼkatʼthónhtene tsi nenhatirihwaʼkáthaʼte ne ronhnonkwetaʼhét꞉kens.