Psalms 21:5 - Ohiatonhseratokénti

⁵ Né raohiatanerahkwáhtshera tsi natehiotenonhianíton né tsi tsenawáhse; thetsáwi nahasenhnowána tánon nahasháststeke.

Psalms 21:5 Referans Kwoze

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.

Hebrews 8:1

Ne kwáh kaiatakweʼní꞉io tsi nahóten iakwáhton tsi nió꞉re tsi ionkwentsihenstowáhnen, tsi nikáien né saweientethákwen nonʼnitskwahrahtsherá꞉ti renskwáhere ne Rawenni꞉io Ronontí꞉io ne karonhiáke.

John 17:22

Nok sekheiaȣi tsiniskaȣi ne kasenna, neh naontaȣe skariȣat ahonnonni tsi ki niiot nii tsi saonkeniriȣat.

John 17:5

Onen kati nonȣa ise tontaksennoȣanat Rakeni! ise tsiatakta teȣakha ne kasenna ohenton saontontonȣentsiatasaȣen.

John 17:1

NE nonen saharihokton ne Iesos; Karonhiake iahatkatho, ȣahenron: Rakeni! onen ieiohe; ehtsennoȣanat ne Etsienha, naiasennoȣanate oni nise nʼEtsienha.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Isaiah 63:1

“Ónhka né kí꞉ken tsi néntʼre né Edom nón꞉we, thóh nón꞉we Bozrah né rotseronniáton né onekwénhtara ionekwenhtarón꞉nion? Ónhka né kí꞉ken tsi niʼioràse tsi rotserónh꞉ni, Thóh nón꞉we nihothahítake né tsi naʼteiotenonhnianíton ne raoʼshatsʼtenhserákon?” “Kwáh seh Í꞉i, wakerihowanatonhátie ne atesenhniétshera, kashatsʼtenhserowánen nahiakonónsthate.”

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 96:6

Kaiatanerahkwá꞉tshera tánon kaswatʼthétshera tehotiatháton, kashastsʼténhsera tánon atʼtsennonhniátshera kaná꞉non ne Raʼononsatokentiʼkówaʼne.

Psalms 62:7

Rahonháke nón꞉we nikáien nakathatewenhniʼiótshera tánon nakatkweniensthátshera; né꞉ne rashaststekówa ne tákenes, rahonháke nón꞉we nikatasehthákwa.

Psalms 8:5

Ehʼthóhʼsáne tsi sehiatíshon ostón꞉ha entháke í꞉ken tsi nithonátʼthe ne ratironhiakeró꞉nons tánon ne waʼsehianonhwaróhroke ne kahiatanerahkwáhtsera tánon ne tekarénhsaron.

Psalms 3:3

Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

1 Chronicles 17:27

Konhrihwanonhtónhnis nasheiathatérisʼte tsi nienhkatwatsírihne né ká꞉ti nahón꞉ton nahontsienhnón꞉niaʼte tsi nitiʼsarihwaiéri. Í꞉se, Saiá꞉ner, sehiataterís꞉ton, tánon ne sahiatateríh꞉tshera tiókonte tsi enhatikweʼkónhake.”

2 Samuel 7:19

Tánon iekaníhare kí꞉ken tsi ken niiorihwá꞉a tsi nateská꞉nere, O Saiá꞉ner Ní꞉io; ní꞉se kwáh ó꞉ni shetahrákwen natwá꞉tsire ne ne kwáh ahí꞉non ít꞉ken neh naiá꞉wenhne. Aiá꞉wenhs kíʼ neh kí꞉ken aotirihón꞉nien nonkweʼó꞉kons, O Saiá꞉ner Ní꞉io!

1 Kings 3:14

Tánon tó꞉ka enskewénhnarakwahke tánon enshatiénawasʼthe natianerénhseras ó꞉ni nakerihwatátʼtseras, tsi né niʼiohʼtónhne ne ianikénhen Táwit, kwáh entkónhion ne karíhwes ashón꞉nheke.”

Psalms 61:7

Aiáwenhs tió꞉konte ahonontí꞉ioke raohénton ne Rawenni꞉io; ne rohiatanóns꞉tat ne sáwenk iorihwatóken kanoronhkwáhtshera tánon ne sarihwaʼtokentítshera ahothenhnikonhráren!

Psalms 133:3

Kwáh né꞉ne tsi hioáweien tsi ionónte ne Hermon, thóh iehiosénhen tsi ionhniáhere ne Zion. Asèken thóh nón꞉we ne Roiá꞉ner nihorihwaniráton ne raoiatateríhtsera, ne natónnets ne ionhnehónwe.