Psalms 2:12 - Ohiatonhseratokénti

¹² Tsisewawénhnarak ne Rawenni꞉io roiénha, tó꞉ka iáh kwáh enhianákwahse tanon ne tsi sathahítake atkaronhniátshera ne í꞉ken asèken ne raonakwáhtshera kwáh thenwatʼtsiró꞉ko. Iakotaskáts tsi nihiákon rahonháke nón꞉we nihiontekwáhsens.

Psalms 2:12 Referans Kwoze

Psalms 40:4

Iakotáskats tsi nihiákon thonwetákwen ne Roiá꞉ner, iáh kahiatonhnishónhas tekonwaʼtihniahé꞉sen, khés niahonwaʼnatsatárahse tsi nihiákon ne kahiatónhni konwaʼtisénhnaiens.

John 5:23

Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.

Psalms 84:12

Ó Saiá꞉ner Sashaststenhserowánen, tsi niʼiakoktsenhnónhni tsi niʼiákon ní꞉se tiesehtákwen.

Psalms 34:8

Sewaʼrihwaienhtérat tánon sewatkátho nètho Roiá꞉ner tsi nioiánere; iakotáskats tsi nihiákon ne rahonháke nón꞉we nenhiontaséhthakwe.

Jeremiah 17:7

“Ók kwáh enhihiatatérisʼte nónhka enhakeniaheséhaʼke.

Isaiah 30:18

Ne ó꞉ni waónhni ne Roiá꞉ner roráhre nahontahiarihwaiéritʼtse; ne ó꞉ni waónhni kwáh thenthá꞉tane nahréneste naʼtanitenhrátsera shonhake. Asèken ne Roiá꞉ner né꞉ne Rawenni꞉io ne roterihwaʼkwahríshion; iakotáskats nonkwetaʼkwékon ne rahónha ronhwará꞉re.

Proverbs 16:20

Satahonhsí꞉iohst tsi nahò꞉ten eniesarihónnien, ne ensakwáhtsheʼne; ehtsheniáhes Roiá꞉ner tánon ensatonhnhá꞉rake.

1 Tiér 2:6

Asèken noriwatokénti wáton, “Satkátho, wakerákwen ne kanenianóron, watsiéntatse thóh nón꞉we Zion nehne takaiosaiéntakwe; tánon onhkakíʼok nenthonwétakwe iáh tahonsahiontateriwásten.”

Ephesians 1:12

Ánionʼkiʼ, tsi í꞉i tionkwatserénton tetsitewethákwen ne Kerístos, tethewatenonweráton ne Rawenni꞉io rahohiathanerakwátsera.

1 Kings 19:18

Kwáh kíʼ ó꞉ni tsáta tewenhniawehetserásen nihionkwétakes iathenhwákenre nahiakónhnheke Nisraerʼró꞉nonke—né꞉ne tsi nikáien né rotirihwató꞉ken nakonháke tánon iáh thaʼtekonwathentʼtsotháni ne Baal khés ne tahotinonronhkwáhnionke ne rahohiatónhni.”

Romans 9:33

nowennaʼtokénti neh watroriátha: “Satkátho, watsiéntatse tho nón꞉we Zion onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko. Onhkakíʼok nenthonwétakwe iáh tahonsahiontateriwásten.”

Psalms 2:5

Ehʼthóhʼne kwáh ensakotewenhnaiéntonwe tsi enshakothárase, tánon ensakoterónhkwen tsi nihothatenakónhni, ratónhnions,

Psalms 1:6

Asèken ne Roiá꞉ner ranikonrahrá꞉tsies tsi rotihatátse ne tionkwetaiéris, ók ne tsi rotihatátsie ne hionkwetahétʼken thóh né nón꞉we nieiawéhnon tsi iohatátsie natkaronhniátshera.

1 Samuel 10:1

Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs:

Hosea 13:2

Tánon nón꞉wa iehotikontákwen rotirihwanerenháties tánon ronónha ronhthatsatonhniseronhnién꞉nis, né꞉ne kahiatonhnishón꞉as ne kawistará꞉kens ne tsioianénhas tsinihotinikonraiéntas, akwé꞉kon né꞉ne rawistón꞉ni rasahánions. “Ronónha ietsiiateskóntʼtas,” enhonhní꞉ron. Nonkweshón꞉as tionhnónskwahron owí꞉ra kahiatonhnishón꞉as tekonwatinoronhkwahnióntons!

Psalms 2:7

Kwáh enkerihó꞉wanate ne Roiá꞉ner tsi nitsisewarihwatáti: Wahakénhase, “I꞉se ne konhiénha; ónhwa wenhniseráte í꞉ih ne ianíha wakáton.

Romans 10:11

Nowenʼnatokénti wáton, “Onhkakíʼok nenthonwétakwe iáh tahonsahiontateriwásten.”

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

Genesis 41:40

Í꞉se enkonrihón꞉ten ne tsi wakenónhsohte, tánon kwáh ratikwé꞉kon nakonkweʼtaʼshón꞉ʼahs tsi eniesawèn꞉narahkwe tsi nenhshéhnhaʼne; nek khók ne tsi wakenontiiotsheráhere í꞉i nenʼ neʼ sénha entewakátteke tsi ní꞉ioht níse.”

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 34:9

Tsi sewaʼsénhnaien ne Roiá꞉ner, ratikwékon ne rahonkwetaʼshón꞉has, asèken tsi niʼiákon ne ronhwaʼsénhnaiens akwékon niehiakó꞉ien tsi nateiakotonhontsóni.

Psalms 109:20

Aiáwens né aosahonatʼkáriakʼse ne ionkerihwáʼros ne Roiá꞉ner nón꞉we nahontáwe, né꞉ne tsi niʼiákon ne waʼhétken tsi ní꞉ioht tsi ronhtátis tsi ní꞉ioht tsi kónhnhe.

Zephaniah 2:2

nohénton ne kaianerénhsera aontónnhete nohénton ahontenhniseró꞉hetste, tsi ní꞉ioht ne káwahe ne tsi iahóte ká꞉tses; nohénton ne nón꞉we nahisewárane tsi niotenakwawenhráti Roiá꞉ner ahisewárahne nohénton ne raonhakwáhtshera ne Roiá꞉ner ahisahráne.