Psalms 19:8 - Ohiatonhseratokénti

⁸ ne raotsiawenhrá꞉tseras ne Roiá꞉ner tsi tkarihwaiéri í꞉ken, Iotsenhnonniaténhnis nawéri; ne raorihwá꞉tatʼtseras ne Roiá꞉ner teioswát꞉te í꞉ken, tánon tiówis ne kanikonhraienthátsera nonikónra;

Psalms 19:8 Referans Kwoze

Psalms 12:6

Ne raowenhnashónhas ne Roiá꞉ner né꞉ne kwáh orihwiʼiohónwe í꞉ken, tsi ní꞉ioht ne kawistaráken aóskon iónhni né karistákon, watkénhse tsáta niʼiorihwáken.

Psalms 119:105

Né sawénhna né꞉ne iehaserénhas í꞉ken tsi nónhwe nikhatahitáhas tánon ne tekaswatthétha tsi nón꞉we niwatkháte.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Proverbs 30:5

“Rawenni꞉io iáh nonwén꞉ton thaonsahoʼnikónhrhen nahò꞉ten enhahrhá꞉ratsteʼ. Tho kiʼ í꞉rate nahshakoiaʼtanónhstate nónhka ionhská꞉neks.

Psalms 119:128

Tánon káti ít꞉sere akwékon ne saianerénhseras. Ít꞉sons akwékon ne wahétkens nihiotánions.

Proverbs 2:6

Ne tsi Roiá꞉ner thatká꞉waʼs attokháhtshera ráonha ó꞉ni thatká꞉waʼs karihonnienníhtshera tánon kaʼnikonhraientáhtshera.

Psalms 119:92

Tó꞉ka ne saianerénhsera iáh ne thahónta hiotasahwénhni nakatʼtsenhnonhniátshera, kwáh ahonkihéionhke tsi niwahkeronhiákenkwe.

Psalms 119:80

Aiáwenhs kwáh kerhiasakwékon áksere ne saianerénhseras, ne káti ne tó꞉sa akatéhen!

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Romans 7:22

Nakweriáne kwáh wahtsiennonʼniathákwa tsi nitkáhas neh Rawenni꞉io rahohianerénsera.

Galatians 2:19

Tsi nióre ne kaianerenhsera tsi kanikonraren, akénhake, wakiheion—kaianerenhsera wakenonhwarhiakhon kwáh iatekaiati—neh nahónton nakonhnheke ne Rawenni꞉io rahoriwake. Kwáh iehionkenonhwarhiakhon skatne ne Keristos thóh raoiasake.

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Romans 7:7

Nekáti kén aihtewénron, ne iatekaiáti ne kaianerénsera kwáh aóskon kariwáneren? Kwáh káti iáh thotèhiot! Nók kíʼ kaianerénsera onkehnésten nahóten nen꞉ne ne kariwáneren. Tóhka iáh ne kaianerénsera tahiáwen, “Tó꞉sa sehiaskà꞉nek nakorénhson nahó꞉ten ahiakoiéntake,” iáh nonwénton tahontienteráhon neh niwaskanektierhóten.

Psalms 119:16

Kwáh wakonwehséntha ne sahianerénhseras; tsi nisahtsiawenhráhtons iáh thahonkenikónhren.

Psalms 119:14

Wakerientí꞉ios tsi ítʼsehre ne sahianerénhseras sénha tsi ní꞉ioht nahontkwatséhake.

Ezekiel 36:27

Kwáh shonháke éntien nakenikónhra tánon enkatenhnikonhráhren ná꞉tshere natianerénsehra tánon nashatiénawasthe nakeriwahtátʼtsheras né tkonhiáwi.

Psalms 119:171

Kwáh tiotkonhónwe tsi thenkonhnonweratónhsehke, tsioríhwa tsi takerihonhniénhni ne saianerénhseras.

Psalms 119:143

Né tiatanáhnon ne takanikonhráhren tánon nahóntʼteronhne, ók né꞉ne sahtsiawenhráhseras tewakáwis nakattsenhnónhni.

Psalms 119:130

Tsi nikanikonraʼientátha ne sahrihonhnienhnítsheras tekaswathétha, tánon tsiakohawithénhnis natenikkonrahthokhátshera ronhnonháke ne ronhthatonkwetowahnáhtha.

Psalms 119:121

Thóh niwahtiéren tsi nahó꞉ten ne tkarihwaiéri í꞉ken tánon ne ioiánere; tó꞉sa iatakatsakwahríhsi ó ne iónkshons!

Psalms 119:40

Tsi natwakatonhontsóni nakatewénhnaraʼkwe ne satsiawenhrá꞉tseras; thontáskon ná꞉se atónnhets, asèken í꞉se ne teshonkwetaiéri í꞉ken.

Psalms 119:12

Tekonhnonwerátons, Ó Saiá꞉ner; takerihónhnien ne sahianerénhsera.

Psalms 105:45

né káti nahontewénhnarakwe ne raoianerénhseras tánon akwé꞉kon ahatíhawaʼke ne raorihwatátʼtseras. Tehonwaʼnonweráton ne Roiá꞉ner!

Psalms 40:8

Kenón꞉wes nahontakonhnikonhraiérihte, Ó akeʼNí꞉ioʼ ne sahianerénhsera akwerhiá꞉ne nón꞉we nikahiáton.”

Psalms 13:3

Tetiatóret tánon teskeriwaserákwas, Ó akeNí꞉io! Shaskeshasténhseron, tó꞉sa seríhon ne kenhé꞉ion iahontiaténhawe,

Exodus 18:16

Nónen ne tehionkwétake tehoʼtiriwahkènen, entionkatʼkénshera, tánon tentsiató꞉rethe ónhka ne tenihiáse tieiérits, tánon enkheró꞉ri ne Rawenni꞉io rahorihwaʼtáʼtsheras ó꞉ni ne raoianerénseras.”

Genesis 26:5

Tiorí꞉wa nʼAbraham rakewennaráhkwen tánon tho nihoié꞉ren tsi nihihnhá꞉ʼon, nakahtshiawenráhtsheraʼs, tánon wahahsere tsi niwakerihwatá꞉ton, tánon tsi nihirihonnién꞉ni, natianerènhseraʼs.”

Galatians 3:21

Neh kén kiʼkéntons nètho kaianerénsera iótkonte tsi nahoténsons ne Rawenni꞉io rohrarátstons? Iáhten, kwáh iáh thènen! Asèken tóhkaʼ nonkwesónhas ahothiʼienáʼon ne kaianerénsera nahónton nahontakáhawe atónnhets, kwáh káti onhkwetaʼkwékon ahónton ahonsaiakoteriwaserónnien tsi natehóntere ne Rawenni꞉io neh tsi rontewennarákwa.

Isaiah 64:5

Íse tenhsewatát꞉ken tsi niʼiákon ronatʼtsenhnónhni thóh nahatí꞉iere ne tkarihwaiéri, tsi niʼiákon né ieshé꞉iare tsi niseweienhnóthens. Ók sanhakwénhenhne, tánon ní꞉i wahakwahrihwáneraʼke; tsioríh꞉wa tsi wasatʼkonshásete nók nonkwahtsakésons wahakwarihwaʼiésaʼte.

Psalms 119:54

Tsi nikaríwes wakenataré꞉nenh kí kénʼen ionhontsáte wahkerenhnarastánion ne saianerénhseras aorihwáke.

Psalms 119:24

Né sarihonhnienhnítseras tewakáwis nahonkerienhtí꞉iosʼte; ne wakatenikonhraʼsonhteránis.

Nehemiah 9:13

Tánon ní꞉se thóh wateshatasénhte tsi Ionónte ne Sinai ne nasehthá꞉rase tsi nonhtáwe Karonhiá꞉ke. Ní꞉se tashé꞉ion ne karihwakwahrihshióntshera ne kariwenhtáhtsheras, ó꞉ni kaianerénhseras ne tokenskehón꞉we, kaianerenhserí꞉ios tánon natsiawenhráhseras.

Nehemiah 8:12

Eʼthò꞉ne ratikwé꞉kons nonkwehó꞉kons iahónhne tánon watonskáhon tánon wahatinekí꞉ra tánon iahonwanateʼnié꞉ten ostón꞉ha tánon wahonteʼnikonhró꞉ri, tiorì꞉wa tsi wahotinikonraién꞉tahne nowenhnashónhas tsi nahonwanaronhká꞉then ne ronónha.

Deuteronomy 16:14

Sewaʼtsenhnónhniat skátke ne ieʼtsihienʼokón꞉a, ne sewanatsheraó꞉kons, tánon ne Levites, ne thihononhontsá꞉tes, ne tehontonhnaká꞉ris, tánon ne ionateréhons ne sewaná꞉takons konhtiʼterónton.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

2 Kings 17:37

Kwáh kíʼ tiókonte tsi ensewatewénhnarakwe ne kaianerénhseras tánon ne karihwatátʼtseras né kwahʼhiatónhni. Kwáh kíʼ iáh tehiówenk naietʼtsiwénhnarakwe nó꞉ia niʼiohokónhas,

Psalms 93:5

Né saianerénhseras kwáh í꞉ken tsi iorihwí꞉io í꞉ken; né iotokéntis ne karasestákwah ne tsi sanónshote, Ó Saiá꞉ner, í꞉se ne tsi nénhwe enkénhake.

Psalms 111:7

Akwékon tsi nihaiéra iorihwaʼtóken tánon tkarihwaʼiéri í꞉ken; akwékon tsi nihotsawénhron enhiekwéni nahontaiakétaʼkwe.