Psalms 17:9 - Ohiatonhseratokénti

⁹ Tsi nitionkatsá꞉tonhties ne ronhnonkwetahét꞉ken, ne nonkweshón꞉ha ne tionkatsá꞉tonhties tánon ronhné꞉re nahionkenonwá꞉rhiakon.

Psalms 17:9 Referans Kwoze

Psalms 35:7

Né꞉ne iáh othènen tetsiorihón꞉niʼon waʼhonkateristaiénhase; tánon iosónhwes waʼhatisonhniónhni né iatsiátenhne tánon ahionhtsiéna.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 35:12

Tsi ní꞉ioht ne ioiánere tsi nahionkatiérase; karihwaʼhetkénsera tionkátsenhse; né rotihióte ne tsi kónnhe ne tó꞉sa othènen ahonsakasthátonke.

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 7:5

Ehʼthóhʼne kíʼ sehríhon ne tehiatiatátʼtions nahióntʼsehre tánon nahiontiéna, tehonskwahsehrón꞉kwat ne tsi kónnhe nonwenhtsáke, tánon thóh kaiénhtak natierónhta nokenráhke. Selah

1 Chronicles 17:9

Kwáh kheʼnatʼtarahkwénhni nakonkwetaʼshón꞉as Nisraeʼró꞉nons tánon thóh nón꞉we nikhé꞉teron, thóh nón꞉we nenhaʼtiterón꞉taʼke kwáh iáh nonwénhton shé꞉kon tahonʼsahonwatiʼroniákenhte. Kwáh tsi ná꞉he iehononhontsaráhʼon né kénʼen ionhontsáien shiʼhonwanahtiatónhtion ne rahtiniakáts꞉tes, ók iáh kíʼ shé꞉kon éhtho tahonsaiáwenhne. Wakaráhratsʼte tsi ratikwé꞉kon enkheʼsén꞉ni ne ieshá꞉sons tánon entkónhion nahisawatsirahiéntaʼne.

1 Samuel 24:11

Satkátho, rákeni, satkátho ne tsi iatekaiósaien ne tesateweʼhiarákwah, tánon tsi iáh tekonhnonwaʼrhiákhon, ne ní꞉se nahónton ahisaterenhtáhraʼne ne kwáh oriwí꞉io akénhake nètho tsi iáh nothènen tekarihwahét꞉ken khéhs nakaterihwatsate. Í꞉i iáh tewakeriwáneren tsi nòkwah ní꞉se, eʼthohʼsáne ní꞉se tsi satóratskwe ne tsi kónnhe naskenonwarhiákhon.

1 Samuel 23:26

Ne Saul tsionontahkaráti neh nokwáhti niahá꞉re, tánon ne Táwit tánon ne raonkwetashón꞉ʼahs í꞉seh neh nahonontáhti nokwáhti niahónhne. Ne Táwit tehosteríhens nahotèkwahse ne Saul, thóh neh ná꞉he ne Saul tánon ne raonkwetashón꞉ʼahs ákta ronetonhátsie tsi nón꞉we ní꞉res ne Táwit tánon ne raonkwetashón꞉ʼahs neh nahonwahiéna.