Psalms 17:3 - Ohiatonhseratokénti

³ Waskateriasát꞉kenhse, waskenataré꞉nase ne tsi niwashón꞉tes, waskateniénhten, iáh thaónten thasettshénrih ne aonhetkéntake nakonháke; iáh tewakerihwaiéntase né tsiksahkáronte tsi iáh thakariwaiesáhthake.

Psalms 17:3 Referans Kwoze

Psalms 26:2

Takatenikonrát꞉kens, Ó Saiá꞉ner, tánon takateniénhthen; takaterhiasátkens ó꞉ni nakenikónra.

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Psalms 39:1

Waʼkíron, “Enkatenhnikonhráhren tsi nikeweienhnó꞉tens né꞉ne tó꞉sa akeriwáʼnerake ne kenhnasáke ákatsʼte; enkatskwentóroke kwáh tsi nikaríwes ne iónkswenhs tiatákʼta rónhnes.”

Job Tánon ne Raoronhiakensera 23:10

Ók kí roterièn꞉tare tsi natekatekhaháhkwa; nó꞉nen rakateʼniénhten, tsi thenʼtiá꞉kenhne kwáh ne ne owistanó꞉ron.

Malachi 3:2

Ók ónhka aiekwé꞉ni naiontahkátstate ne tsi nentewenhniserá꞉teke tsi nontahawenonhátie, tánon ónhka aiekwé꞉ni naiontahkátstate nó꞉nen enhoké꞉tohte? Aseʼkénh tho nihaiaʼtó꞉ten tsi ní꞉ioht ne raristanawènhtha raó꞉tsire tánon ne rahkwenióhares raonoharé꞉tha;

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Psalms 139:1

Saiá꞉ner, Waskát꞉kense tánon sistsientéri.

Psalms 119:106

Kwáh iohrihwaníronh tsi wahkarahrátston tánon wakerihwaniráhton, kwáh kí enkatewénhnarahkwe ne saianerénhseras.

Psalms 66:10

Asèken í꞉se, Ó Sewenní꞉io, waskwátkenhse; thóh ní꞉ioht tsi waskwát꞉kenhse tsi ní꞉ioht tsi ióntkenhse kawistaráhken.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

Micah 2:1

Kwáh í꞉ken tsi ionikonráksat tsi nihiá꞉kon ionteʼnikonrón꞉nis ne kariwahneraháktshera tánon ne kariwahetkénhsera ne rotiiò꞉tens ne rahotináktakes! Nó꞉nen ienhiórenhne, thóh nenhatí꞉iere, tiorì꞉wa tsi ronónha ratishatstenhserénhawe.

Hosea 7:6

Asè꞉ken ó꞉nen ronwatitsiró꞉tani kwáh tsi ní꞉ioht ne iontenatarontáhkwah, kwáh thoneriasatétas; asonhtakwé꞉kon ne raotinakwáhtshera tehiorihénʼen; noronhkè꞉ne wathonateranekará꞉se watewanitonkó꞉ko.

Jeremiah 50:20

Ne thóh enwenhniserahtéhnionhke, ráhton ne Roiá꞉ner, iáh thahóten ne kariwáhneren thaʼkatʼtshéronhke ne Israerʼró꞉nonhke iáh ó꞉ni ne Judah nónhwe, asèken ensetʼkhenikónhrenhse nonhkweshón꞉a ne iatehonahthaténron. Í꞉i, ne Watiá꞉ner, wakatáti.”

Proverbs 13:3

Seʼnikón꞉rarak tsi nahò꞉ten enhsí꞉ron tánon enhsenónhstate tsi sónhnhe. Nónhka iáh tehaʼnikón꞉rare tsi nahò꞉ten thatá꞉tis enhoiatá꞉tonte.

Psalms 16:7

Enhiʼhiatatériste ne Roiá꞉ner tsi rahónha rakenikonrarátses; ne tsi niwaʼsón꞉tes nakwéri waʼkaronkaténhnis.

Psalms 11:5

Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

Psalms 7:4

Tó꞉ka ne ahonsakhekhárhiakse nakateró꞉sehra ne karihwahetkénhsera khés nahonsakhehiatákwen ne tehiakwahtátʼtions ne iáh othènen tetiorihonníhon,

Job Tánon ne Raoronhiakensera 24:14

Ne sakonashé꞉tha shé꞉kon naʼtetiò꞉karas enhontkétsko ne nashakotinonwarià꞉kon ne iakothenthénion tánon ne tehionkáriaks, tánon ne tsi tetiò꞉karas thóh nihonatá꞉tseren kwáh né꞉ne ratinénskwas.

1 Samuel 26:23

Ne Roiá꞉ner tesakorihwaserakwénhnis onkwetakwé꞉kon tsi nihiakoterihwaʼkwahríshion ó꞉ni tsi nihiakorihwatóken; asèken ne Roiá꞉ner thóh wahiát꞉kawe katshanáke nón꞉wa wenhniseráte, ók iáh kiʼ takatiaʼnakaráhthate nahiʼiatkónten ne Roiá꞉ner roiatahrákwen.

1 Samuel 24:12

Aiá꞉wens ne Roiá꞉ner tahahiató꞉rehte ón꞉ka ne tethenihiáse tetiaterientawénhris! Aiá꞉wenhs í꞉se ahiaré꞉wate asèken tsi nisehweiennóten tsi takát꞉konte, asèken ní꞉i kwáh kiʼ iáh thakonkaré꞉wate ne knahótenk ahontakarihónhni.

Acts 16:9

Neh tsiniwasóntes ne Kór wathotserionhnionse wahóken ne Macedoniaró꞉non thóh írate tánon ronekénnis, “Macedonia nontáse tánon takwaiénawas!”

1 Samuel 24:10

Kwáh kénʼen wenhniserá꞉te í꞉se skará꞉ke ontká꞉tho tsi ní꞉ioht ne Roiá꞉ner tsi tahiatsakwahrísi ne kesnonsáke thóh osón꞉wahkon; tánon ó꞉tiakes wahónt꞉rehke nakonhnonwaʼrhiákon, ók thonsakonnonhiánike. Wakíron, ‘Iáh tsatakanénhtsieste nahiʼiatkónten Natiá꞉ner; asèken raónha ne Roiá꞉ner roiatahrá꞉kwen.’

Ne꞉ne Sák Rohiaton 3:2

Kwá tewakwékon iotkáte tentewaterientawénrie. Nók tóh꞉ka ne ónkak iáh nonwénton tatehoterientawénrie tsi nahóten ahawénke, kwá kíʼ tronkwetaiéri ó꞉ni kwá rokwénion nahontahaniarótarohke ne rahiatakwékon.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

1 Corinthians 4:4

Kwáh tewahkenikonraʼswátʼthe, nók iáh kíʼ né tehkariwahnírats ne iáh thènen tahonkeníkon. Roiá꞉ner seh rahónha tehatiatorétha.

1 Samuel 26:11

Ne Roiá꞉ner roriwáston nètho ne kwáh akanenhtiaʼkétsko nahiʼiatkónten ne Roiá꞉ner roiataráhkwen; ók ó꞉nen kiʼ entnioʼtáhko nashí꞉kwahra ne kanió꞉te tsi rotenontsístahte, tánon ne watnekarákwah kát꞉tse, tánon ánion thóh niehé꞉tewe.”

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

Psalms 139:23

Takaterhiasát꞉kens, Ó Saiá꞉ner, tánon kí takenikonhraienhtéri.

Jeremiah 12:3

Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.