Psalms 143:10 - Ohiatonhseratokénti

¹⁰ Takerihónhnien nahontakonhnikonhraiérihte, asèken í꞉se nakení꞉io í꞉ken. Takeríhon ne sashaststénhsera ahonkasárine tsi nón꞉we nihiothahakwahríshion.

Psalms 143:10 Referans Kwoze

John 14:26

Nok tanon ne Sakohnikonriiosta, nehne Ronikonriioston, aksennakon enthotenniete ne Rakeniha, akȣekon niientsiseȣarionnien, ensetsiseȣeiarakȣen oni tsini ioriȣake kȣarori.

Psalms 23:3

áse srónhnis nakatónnhets. Rakenthensehátie tsi iohathátsie ne karihwakwarihshón꞉tsera asèken né꞉ne rahʼónha raosenhná꞉kon aorihwáʼke.

Psalms 119:12

Tekonhnonwerátons, Ó Saiá꞉ner; takerihónhnien ne sahianerénhsera.

Nehemiah 9:20

Ní꞉se tashé꞉ion ne sanikonrí꞉iosera ne nashehiónhnien aotinikonraién꞉tahne tánon ní꞉se iáh thitishón꞉ne ne karonhiakhé꞉ka kákhwa ne tsi ratishakáronte, tánon washenekanónte ne tsi nihotiniataʼténskwe.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

2 Timothy 1:7

Asèken nonikónra ne Rawenni꞉io tesonkwáwi iáh tehiontionniénnis nahionkwateronníhake; khék, ne Ronikonratokénti enshionkwaiatánah꞉ne ne kasatsʼténsera, kanoronkwátsera, ó꞉ni nahontethewathateniarótaroke.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Psalms 140:6

Enhiróhri ne Roiá꞉ner, “Í꞉se nakení꞉io í꞉ken; satahónsatat, Ó Saiá꞉ner, nakewenhnaókons tsi niwakaterénhnaien.”

Psalms 31:14

Ók isèke nón꞉we nitewaʼkethákwen, Ó Saiá꞉ner; Ká꞉ton, “I꞉se nakeNí꞉io í꞉ken.”

Romans 8:26

Kwáh kíʼ neh saoríhwa nononikónra tewètha naionkwaiénawaseh, kwáh tsi ní꞉ioht tsi ionkwaʼtsihióha. Asèken iáh tehionkwateriéntare onhní꞉ioht tsi ahitewaterénʼnaien; íʼonhkwariwáke nonikónra tsi roniténtase ne Rawenni꞉io, tsi nihionikonranónwaks iáh taiewenʼnhatʼtshénri nehʼtaiéron.

Romans 8:2

Asèken nahoianerénsera nonikónra, neh iontiónnhets tsi teionkwateriwahsóntere neh Kerístos Ié꞉sos, shatsiatotaríshon tsi nòkwa ne ahoianerénsera ne kariwáneren tánon ne kenhéion.

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

Psalms 119:35

Tó꞉sa takeríhon ne iáh thakatewénhnarakwe tsi nisatsiawenhráton, wahkerientí꞉ios tsi ít꞉sehre ne saianerénseras.

Ephesians 4:30

Tánon tóhsa tsiónʼnien ne Rawenni꞉io Raonikonratokénti nahonikonráksen; Asèken rahonháke ne Ronikonratokénti nón ne Rawenni꞉io roieronnístʼthon níse tsi rahónha rahonkwéta, neh kariwanírats tsi ienwatenniseríhewe ne Rawenni꞉io tsi enshanerénsi.

Isaiah 63:14

Kwáh né꞉ne tionhnónskwahrons iahonaʼnonhtasnenhnonhátie nahonrákwahkon, né rahonhnísera ne Roiá꞉ner taiakáwenh natorihsénhtshera. Tsi ní꞉ioht tsi sehenthénhse ne shonkwetaʼshónhas, né ní꞉se asatatónhnien né iosenhnanerákwat.

Psalms 25:12

Ónka nenhné꞉e ne ronhwatsánis ne Roiá꞉ner? Kwáh kíʼ ensakorihónhnien tsi ní꞉ioht tsi ahontateráhkwahse.

Ephesians 5:9

Asèken kaswatʼthétsera seh tkáhas neh kwáh tsitʼnahoténsons ne iotkwénies, nehne ó꞉ni kariwakwarishióntsera, tánon noriwihioʼónwe.

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Psalms 139:24

Sésak tó꞉ka kén thènen ahonkatiénhni ne karihwahétken nakonháke. Tatkéntens ne tsi iohatátse né í꞉seke nónhwe nieʼiawénon.

Psalms 63:1

Ó Sewenní꞉io, í꞉se nakeNí꞉io í꞉ken, konhiatísaks, nakatónnhets ioniatátʼtens í꞉se saská꞉neks; thóh nió꞉re tsi konhiaskáneks thóh ní꞉ioht tsi katʼtókas enwaʼkenikonhrá꞉ton, tsi ní꞉ioht ne iahonwenhtsatʼténhen tánon iáh othènen teskariwástha ne tsi nón꞉we iáh othènen teionekáien.

Romans 15:30

Wakwaretiáron, tewatenrosónhas, neh tsi tetsitewetákwen ne Roiá꞉ner Ié꞉sos Kerístos tánon ne aoríwa tsi nitionkwáwis nètho onikónra, wakwaretiron skát꞉ne aihtewaterénnaien kwáh ahontaionkwanikonrakontákwen rahonháke ne Rawenni꞉io askwaterennaiénhase.

Psalms 118:28

Í꞉se Nakení꞉io í꞉ken, tánon kwáh í꞉se thenkonhnonweráton; í꞉se Nakení꞉io í꞉ken, kwáh kíʼ enkonsenhnakará꞉thaʼte.

Psalms 22:1

AkeNí꞉io, akeNí꞉io, ohniʼiotiéren tsi takatewentéton? Ohniʼiotiéren tsi aʼíhnón nió꞉re tèses nastiatakéhnha, né nowennasónhas tsi niwahkonshé꞉natha?

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Isaiah 29:10

Asèken ne Roiá꞉ner thowèron shonhá꞉ke ne wahientásten ne teioserenhtanó꞉tes; watetsisewaronwéke, í꞉se ne sewatókenhse, tánon watsiʼsewanontsistóroʼke, í꞉se ne tesewatkónstha.

Numbers 9:22

Né꞉ne tewenhniseráke khók, khès ne sewenhníta, tsósehra, tó꞉ka ó꞉ni sénha karíhwes, tsi nióre notsíkera thóh èhneken íwes tsi nónhwe niwatóhsehrote, iáh kíʼ thatahonhnáthaʼkwe; ók kíʼ nónenh èhren ènsewete thóh ne kíʼ tenshonʼnáthaʼkwe.

Psalms 27:11

Takerihón꞉nien ne sahweiénhna, Ó Saiá꞉ner; tánon taʼkashá꞉rih tsi nón꞉we nihiotʼthahakwahríhshion né꞉ne iónkswenhs raotirihón꞉nia.