Psalms 14:1 - Ohiatonhseratokénti

¹ Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Psalms 14:1 Referans Kwoze

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Psalms 53:1

Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Genesis 6:5

Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs.

Matthew 12:34

Seȣaȣatsiraksenskȣa, oh nahoni naiaȣenne naontakariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

Luke 12:20

Nok ne Niio raton nehne: sentent iah tesanikonrat! Onȣa kenh ȣasontate entsiesariȣanontonse ne Satonnhests; onka enȣastste tsinikon saroron?

Matthew 15:19

Aseken Akaȣeriane tkaiakens ȣahnontonniontseraksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.

Proverbs 1:7

Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Proverbs 27:22

Ók ó꞉ni tókaʼ wahonwanonwenhserário tsi niió꞉re ne kenheiá꞉tne, ne tehonatenonhwarorí꞉tonte shé꞉kon kiʼ iáh thaʼtahsheté꞉ni tsi tehonatenonhwarorí꞉tonte.

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

Job Tánon ne Raoronhiakensera 22:13

Ne ká꞉ti aorì꞉wa satónhnions, ‘Nahó꞉ten roterièn꞉tare ne Rawenni꞉io? Ahakwé꞉ni ken tahahiató꞉rete tsi nón꞉we ne kwáh tetiò꞉karas?’

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Titus 1:16

Rónton ronwahientéri ne Rawenni꞉io, nók tsi nihatiweiennóten ó꞉ia ní꞉ioht tsi watʼróris. Kwá ronaʼkenronhniáskon ó꞉ni iáh tehontewennarákwa, iáh tehathikwéniens ne thènen ioiánereh tsi nahontiéreh.

Isaiah 1:4

Ah, sewarihwaneraháts꞉kon tsiónkwe, nonkweʼókons ne iakorieniakétes ne kariwanerahák꞉tsheras, ne ratiksaokónhas ne rotiʼióte ne karihwahétken, ne sakotiʼiohokónhas ronón꞉ha ne ronaterihwathentsatonhátie ne karihwahetkénsera, ronónha ronhwahiatanikonhrénhen ne Roiá꞉ner, ronónha kwáh ronhwakenronhníhon ne Rohiatatokénti ne NÍsraerʼronónke, ronónha kí kwáh ronatsiatontákwen ne rahonháke!

Psalms 107:17

Ótiakes rotinonwatʼtánikwe né rotironhiakénthakwe ne raotirihwaʼnerahák꞉tsheras, tánon né karihónhniskwe ne raotirihwaʼnerahák꞉tshera tsi tekawisátste tsi rotinonhwatʼtaníhakwe;

Job Tánon ne Raoronhiakensera 15:16

thóh ónte ní꞉ioht tsi sénha káronh nahontasakawétakwe tsi niká꞉ien ne iakotehenserá꞉re tánon ionkweʼtahétken; tsi niká꞉ien né꞉ne iakohióthens karihahetkénhsera ranekí꞉ra ne karihwaneraháktshera tsi ní꞉ioht nohnékanos!

1 Samuel 25:25

Atiá꞉ner tó꞉sa tatseriwásnies kí꞉ken ranikonrahét꞉ken saoiéren rón꞉kwe, Nabal; asèken tsi nihosenhnóten, thóh kiʼ niʼionkweʼtóten; tánon tehotenonwaroríhtonte; ók ní꞉i, ne sanhá꞉tshera, iáh tehí꞉ken ne kén nithoiónha ne Natiá꞉ner raonkwé꞉ta, tsi rahón꞉ʼa ietsiatórion.

Proverbs 13:19

Ionʼwé꞉sen nahshié꞉na nahò꞉ten sahská꞉neks! Nón꞉kwe ne tehonatenonhwarorí꞉tonte iáh tehonthón꞉tats é꞉ren ahón꞉nehte ne karihwanerenʼèn꞉ke.

Psalms 73:3

Asèken khenósʼsaskwe ne rontatonkweʼtowaʼnátha; nó꞉nen sakatkátho tsi niʼioiánere ne raotirihwashónhas ne ronhnonkwetahét꞉kens.

Ecclesiastes 7:20

Kwáh iáh ónhka nonhwenhtsáke ienáhkere ne tiókonhte iohiá꞉nere tsi nahiakotiéren tánon iáh nonhwénhton tatehionterientawénhries.

Jeremiah 5:12

Ne Roiá꞉ner rahonkwetahshón꞉a wahonwathonníhaʼse tánon wahonníron, “Kwáh séh iáh thènenh taháiere. Iáh thènenh tahonthahionkwatókʼthaʼse; iáh thahitewatʼkátho nateriʼiósehra tó꞉ka ó꞉ni ne athonkarhiákon.”

Jeremiah 6:28

Kwáh rathikwekon rothinonhtsistahnirons ionkwetatʼsenhs, thóh nihionirons tsi ní꞉ioht ne otsínekwar nikaristhotens ó꞉ni ne karisthatsis. Rathikwekon kahetkenton, tehonahkwahtahsehatie tánon aktsioken tehonahreniá꞉thonhatie.