Psalms 136:2 - Ohiatonhseratokénti

² O tetsisewanonhweráton ne Rawenni꞉io asèken sakotohesténhni ne ratiniʼiohokónhas, asèken ne iorihwatóken raonoronhkwáhtshera tsi nénhwe enkátake.

Psalms 136:2 Referans Kwoze

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Psalms 97:9

Asèken í꞉se, O Saiá꞉ner, ne kwáh éhʼneken tisát꞉the nohontsaʼkwékon; í꞉se sénha sashaststenhserowánen tsi ní꞉ioht ne ó꞉ia niʼiohokónhas.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

2 Chronicles 2:5

Né wakeríhwaien né kanonhshowánen ononsatokentiʼkówa akatenonsónhni, tsioríhwa nonkwahʼNí꞉io tsi sénhha tehotenonhianíton tsi ní꞉ioht nakorénhsons niʼiohokónhas.

Joshua 22:22

“Ne Roshatstenhserowá꞉nen né꞉ne Ní꞉io! Raónha ne Roiá꞉ner! Ne Roshatstenhserowá꞉nen né꞉ne Ní꞉io! Raónha ne Roiá꞉ner! Raónha roterièn꞉thare nonhtié꞉ren ki tsi thóh nahá꞉iere, tánon ó꞉ni tehionkwahtonhontsó꞉ni ní꞉se naisewaterienʼtharáne! Tó꞉ka iáh tahitewatewénhnaraʼkwe tánon iáh tahionkwahrihwatokénhake rahonhà꞉ke ne Roiá꞉ner, tó꞉sa ki saʼthóntat ne shé꞉kon ahiatsiónhnheke!

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Psalms 97:7

Akwékon tsi nihatisénhnaiens ne kaiatonnishónhas waʼkonwanatéhaʼte, tsi niʼiákon né thóh nón꞉we nateierénhsarons ne iáh othènon tekarihwásthas kaiatonnishónhas; ratikwékon ne niʼiohokónhas tehontsátʼtons raohénton ne Roiá꞉ner.

Psalms 82:1

Rawenni꞉io tesakoniarotáron ne raonhatsherashónhas ne karonhíake; raotinenhríhen ne ratironhiakerónons nón꞉we nisakorihwénhtha: