Psalms 133:2 - Ohiatonhseratokénti

² Thóh ní꞉ioht kwáh né꞉ne wenhienanóron ionhtenontsistokástha, iatewatnáwihte okonstónhrahke, né꞉ne Aaron tsi teokonstónhronhte, tehiotnawíhton éhʼneken tsi tekaniasáhere ne raotsátawi wakóses.

Psalms 133:2 Referans Kwoze

Leviticus 8:12

Káti wahorihwaníratʼtse ne Aaron tsi tahá꞉weronh ne sakoienarós꞉tha kénhie ne ranonhtsíne.

Exodus 29:7

Ethòne tések ne hionthatiatoʼkástha kènhie, tánon ranonhtsíne tasáweron, tánon tieʼriwanírats.

Proverbs 27:9

Iontiaʼtakonʼonhstáhkhwa tánon wenhserákonʼs kén꞉ie entkáhawe enhsatonhnhá꞉ren, ók ne kaʼnikonhrharáhtshera enkaríhsi tsi skén꞉nen sanonhtónnions.

Exodus 39:24

Tehiokwahtaséhton nehthàke tsi tekakwátʼthon wathahiatákwas wahatirahnentakʼtánion né꞉ne kwáh waniatarí꞉io tánon né꞉ne orónhia, ariwakonhné꞉ha, tánon nonekwénhtara ononhwéron, tehiowenhrónhkwen ne iowistenhtónʼnions né owistanoronhtseróks꞉kon íken, kwáh kíʼ tsi nihoró꞉ri ne Roiá꞉ner ne Mahís.

John 12:3

Nok ethone nʼOnȣari niiahateȣakȣe nakȣa ihken ȣenhieniio oni ȣenhienanoron nok Iesos rasike tonȣeron nok ok neh nahononkȣis tontakarakeȣate, nok akȣa ȣakanonsine tsini ȣenhienakon.

Song of Songs 1:3

ne sathatsiatokástha kénies tsi niwenhserákon, Ní꞉se thóh nitsennowáhnen kwáh ne ne tsi niwenhserákon ne Turaq kénie; káti iáh teionerá꞉kwat kontikwé꞉kon ne kén nitiotiʼiónsas tsi natesehrenkénnies.

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Exodus 28:33

Akwékon tsi tehiokwataséhthon ne tsi tetkakwákthon sewaiárast né꞉ne orónhia, ariwakonhnéha, tánon onekwéntara ononhwéronh, né tahonwenhrónhston ne owistanóronh iewistahékʼtha.

Exodus 30:35

tánon sewatnetónhni ne kanetanóron, tesehwáiest kwáh né꞉ne hionʼtsiatakonhonstákwah. Tioiótsis iaʼsewáti né nenʼné꞉e akénhake enkanónhsthate tsi aòskon íken tánon tsi iotokénti.