Psalms 132:11 - Ohiatonhseratokénti

¹¹ Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 132:11 Referans Kwoze

2 Samuel 7:12

Nó꞉nenh ensenhéionke tánon skát꞉ne enhiesaiatháta ne sheshotʼthonkonhkénʼen, kwáh saiá꞉ta ne entiénha enhinontí꞉ioste tánon kwáh enkeshaststénhseron ne raonakerásera.

Psalms 110:4

Né Roiá꞉ner kwáh í꞉ken tsi rorihwaʼniráton tánon kwáh kíʼ iáh tatahonsahoterihwaʼténien, “Kwáh tsi nénwe tsi enstsihénstatsi enkénhake tsi ne nihatsihenstotenhne kenʼne ne Melchizedek.”

Acts 2:30

Rothokenséhaʼkwe, tánon roteriéntaraʼkwe tsi nahóten rorahratsʼtén꞉ni ne Rawenni꞉io: Rawenni꞉io rorahrátsʼton sahiátat ne Táwit rahowátsire enhatenontí꞉iosʼthe, kwáh tsi ní꞉ioht thón꞉ne ne Táwit.

2 Chronicles 6:16

Ó꞉nenh kíʼ Saiá꞉ner Sení꞉io Nisraeʼró꞉nons, satienawakónhak nóia tsi nitsiarahratsʼténhni ne rakeníha nó꞉nen shastsró꞉ri tsi saiáta tsi niensatwatsiríhne tsi tiókonhte enhononhtí꞉ioke Nisraeʼró꞉nonke, ká꞉nion kíʼ thóh nenhotirihwatokénhaken tsi enhontewenhnaráhkwahke ne saianerénhsera tsi kíʼ né niʼiohtónhne ne rahónha.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Luke 1:32

Henhaiatanoronke nok henhonȣanatonkȣake Enekentsi Roienha; Nok ne Roianer Niio henhonistskȣaratseron ne Roniha Taȣit rahonistskȣara.

Psalms 89:37

Etʼnienhiotkontákwen tsi ní꞉ioht nasonhthenʼnékha karáhkwah, né꞉ne tekawisháste karihwaʼnírats ne tsi karonhiáte.” Selah

Psalms 89:35

Énskat tsi ní꞉ioht tsi waʼkerihwaʼniráton nakerihwatoʼkentítshera; kwáh iáh tahiʼianowènhten ne Táwit.

Psalms 89:33

ók iáh kíʼ éhren tatʼkháwiʼte ne iorihwaʼtó꞉ken akenoronhkwáhtshera, khés nahonkerihwaʼnó꞉ron nakatiénawasthe tsi nihihiararatsthénhni.

1 Kings 8:25

Tánon káti ónen, Saiá꞉ner Sheʼwenní꞉io Nisraerʼró꞉nons, wakaterénhnaien né ó꞉ni nahsatiénawasʼte nó꞉ia tsinitsiarahratsʼténhni ne rakeʼníha ne shastsró꞉ri tsi kwáh tiókonte tsi né nónhkak ne tsi ienhatwatsiríhne enhotkorastónhake tsi enhonhnontí꞉ioʼke Nisraerʼró꞉nonke, né ki entewanón꞉ton tsi kwáh enthotinikonhrakonhthakwénhake tsi eniesawenhnarákwahke tsi né niʼhiotónhne ne rahónha.

2 Samuel 7:16

Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

2 Samuel 7:14

Kwáh Í꞉i kaní꞉sera enkén꞉hake ne raonháke, tánon ne raón꞉ha kwáh nón꞉ne eh riién꞉ha enkén꞉hake nakonháke. Nó꞉nenh ne thènon tenhaterientawénrie, kwáh kíʼ enhiréwate ká꞉nia énkaste tsi kíʼ nihatiʼiéra nón꞉kwe, ne enhiientánion nahikaréwate tsi niieiéra nón꞉kwe.

1 Samuel 15:29

Sén꞉ha isiʼnónhwe ne Ronnheʼónwe NÍsraerʼronónke kwáh iáh thatahontahákthate khéhs ne tahonsahoterihwaténien; asèken iáh ne ónkwe thahaiatóten, ne thènen tahonsahoteriwaténien.”

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

1 Kings 1:48

tánon wahaterénhnaien, ‘Thóh teninonhweráton ne Roiá꞉ner, ne Sakoní꞉io Nisraerʼró꞉nonhke, ónhwa wenhniseráte wahahiónhnien saiáta ne tsi kwahtsiraʼthátie wahononhtí꞉iosʼthe, tánon wahakeríhon ní꞉i akatʼkátho!’”

2 Chronicles 7:18

Kwáh kíʼ enkerihwaiérihte tsi nihihiararatsʼténhni ne ianikénʼen Táwit né sahiʼróri né Israerʼró꞉nonke tsi tiókonhte né enhonatkorastónhake tsi nenhatwatsírihne.

Psalms 89:5

Ratikwékon né ratironhiakeró꞉nons tehotirihwáʼkwen ne iorihwaʼnerakwahténions tsi niséhra, Ó Saiá꞉ner, né ratironhiakeró꞉nons rontʼró꞉ris tsi nihonatkenhníson ne karonhiáke tsi nió꞉re tsi sarihwaʼtó꞉ken.