Psalms 131:1 - Ohiatonhseratokénti

¹ Ó Saiá꞉ner wakatiakwahríhshion tsi nikatatónh꞉niʼkwe tánon tesewakatʼkaraténion tsi nikatatʼkowanáthaʼkwe. Iáh thaʼtekatatenikónhrarah ne iorihowánens khés norihwasónhas ne sóh꞉tsi waterihwenhtóre naʼkerihwáke.

Psalms 131:1 Referans Kwoze

Romans 12:16

Satehiothónhak tsi naʼthahisewathatsatakéna tóhsa sewanaiéhak, nók ahkwékon satahisewahiotenseroténhake; Tóhsa satatenonthónnions nasatʼthókhaʼke.

Psalms 139:6

Nètho atʼthokhátshera shó꞉tsi iorihwanerákwat nakeriwáke; sóhtsi tiótʼte iáh tatʼkwéni nakatsénawasʼte.

Job Tánon ne Raoronhiakensera 42:3

Waskeriwaʼnón꞉tonse, ‘Ónhka neh ki꞉ken ne rasehtha ne karihón꞉nienhnitshera nene kwáh iáh othé꞉nen teken nattokhatshera?’ Né káti ne waʼkatatiá꞉te tsi naʼhó꞉ten ne iáh tewakenikonrá꞉ientas, tsi naʼhó꞉thenshons ne shó꞉tsi iorihwanerakwahtenions nakerí꞉wake, nétho iáh tewaʼkateríen꞉tare.

Jeremiah 45:5

Kwáh kén séhshaks ne iorihowáhnenh ne shariwáhke? Tó꞉sa éhʼtho náhtsiere. Kwáh takʼkháwi ne kakahronhniátshera nonhkwetahkwékon akorihwáhke, ók kíʼ níse ensehniákente ne tsi sónnhe, ne ne kwáh tsík nonhwéson nienhénse. Í꞉i, ne Watiá꞉ner, wahkatáti.”

Psalms 101:5

Ónhka ne ataséhtonhke sakonikonhrakarewáʼtha ne tehonnonsanéken kwáh kí enhiʼiátonhte. Kwáh iáh taʼihiatáktsthaʼte ne rónhkwe ne ratatónhni ó꞉ni ratatkowáʼnen.

Psalms 124:1

Onh né nahiáwenhne tó꞉ka ne Roiá꞉ner iáh onhtionháke nokwáti thahontahorihwarékwen? Tesehrihwaseráko, Ó Israel!

Psalms 122:1

Tsi nakatʼtsenhnónhni sahontkónkahron, “Thóh iehiákwe Raononsatokentiʼkówahne ne Roiá꞉ner.”

Numbers 12:3

Ne Mahís kwáh íken tsi tiókonhte ronitenhthonháties, sénha rahónha roʼnitenhtónhakwe tsi ní꞉ioht nónhkak akóren ne tsi hiohontsáte.)

Matthew 11:29

Seȣatketat nakȣatientaniakt, seȣariȣaienterhann oni tsi teȣakeriȣaieri oni keriasiio, oni enseȣatsenri aotorisensera ne seȣatonnhests.

Psalms 133:1

Tsi niʼioiánere tánon ionwé꞉sen nó꞉nen ne tehiontenhnóntere skát꞉ne ratiréron skanikonra ronhnónhni!

1 Samuel 18:23

Káti ne Saul raonhatsherashón꞉ʼahs wahonwaró꞉ri kíʼnikawenhnó꞉tons ne Táwit kwáh rahonhatsíwah khók kènhne. Tánon ne Táwit wahén꞉ron, “Iáh kén ní꞉se kénk nihioríhwa tèken ne ronnontí꞉io ienón꞉sa ashá꞉ton, tsewé꞉ne nètho ní꞉i tsi niwakí꞉ten tánon iáh othènon satehianéka tèken?”

1 Samuel 16:22

Ne Saul ionsahoteriwaniéten ne Jesse, ratón꞉nions, “Ahtserí꞉on ne Táwit kénʼen aréhsehke tsi niwatsioténstha, asèken wahatʼtsénhri ne kaiathaterítsera nakʼkénton.”

1 Samuel 16:18

Saiá꞉ta ne kén nithoʼiónha wathariwaserá꞉ko, “Satahón꞉satat, í꞉i kwáh rí꞉ken ne roién꞉ha ne Jesse thóh tsitkanátahien ne Bethlehem, raón꞉ʼa ne rorenhná꞉hon nahaterenhnó꞉ten. Ne raón꞉ʼa kwáh nón꞉ne eh ronikonratʼtsáni tánon ranekénteron, rashotarí꞉io, tánon ratenikonratʼtókha tsi ní꞉ioht tsi rathátis; tánon ne Roiá꞉ner kwáh nikwé꞉kon ne raón꞉ʼa.”

1 Samuel 16:13

Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

Deuteronomy 17:20

Ne kí꞉ken enhonónstate ne tó꞉sa ne ahanonhtónhnionwe tsi sénha raónha roiánere tsi ní꞉ioht nakorénsons NIsraerʼró꞉nons tánon ne iáh tahowénhnaraʼkwe ne Roiá꞉ner tsi niháwen ne kwáh tsinahontahiotieraʼtónhake. Ethò꞉ne ki kwáh enhiónhnise tsi enhonhnonhtí꞉ioke, tánon tsi nienhatwatsí꞉rine kwáh ronónha enhatikó꞉rake ne Israerʼró꞉nonhke né꞉ne wé꞉so tsi wahatinekwenhsatátie.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Acts 20:19

Kwak tiwákeronkwe iaweronhatiéhak ó꞉ni wéso tewakʼkhaserén꞉en tsi niwatiotén꞉en neh tsi kenhátsera rahonháke ne Roiá꞉ner neh tsi niwentórekwe nakeriwáhke tioríhwa ótiakes ne Sitaeró꞉nons tehionkaskotániskwe.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

1 Samuel 17:15

ók ne Táwit tehateratánions nenhʼné꞉eh tsi nón꞉we nihénteron ne Saul ne nasakó꞉nonte ne roʼníha raotshenenhókons teiotinakarontón꞉ʼa ne Bethlehem nón꞉we.

1 Thessalonians 2:10

Í꞉se nonkwahrihwahnirátʼtsheras, tánon ó꞉ni ne Rawenni꞉io, tsi ní꞉ioht tsi wahakwahtoriáneron ne tionháke tsi tisewetákwen kwáh iáh thènen tewahétʼken, kwáh thóh ní꞉ioht tsi ahionkwahterihwahtentiáton, tánon kwáh tóhsa thènen ahkénhake ne Í꞉i ahontahionkwáhterahse.

2 Samuel 6:22

Kwáh kíʼ shé꞉kon sén꞉ha enskathatéhate tsi nón꞉wa ní꞉ioht, ní꞉i aón꞉ton nakanontón꞉nionhwe iáh othènon tekeriwástha, ók kíʼ thí꞉ken konhnón꞉kwe tsi kwáh éhʼneken tsi enionkanontónhnionhse!”

Proverbs 21:4

Nón꞉kwe iakorihwanerenʼákskon ne iakoniarawá꞉kon tsi iontatkweniénhstha tánon iontatón꞉ni ne ká꞉ti kí꞉ken karihwáksen.