Psalms 128:1 - Ohiatonhseratokénti

¹ Iakotáskats nonkwetaʼkwékon ne ronwakweniénstha ne Roiá꞉ner, né thóh nón꞉we nihiakothahí꞉take tsi rohatátse.

Psalms 128:1 Referans Kwoze

Psalms 119:1

Iakotáskats tsi nikákon ne tsi niʼieweienhnótens iáh othèhnen tekanitserénhawe, thóh nón꞉we nihiakothahítake raohianerenhserákon ne Roiá꞉ner.

Psalms 112:1

Tehonwaʼnonweráton ne Roiá꞉ner! Iakotáskats tsi niʼiákon ronhwaʼrihwaʼkweniénstha ne Roiá꞉ner, kowáʼnenh tsi iakotonhnáhere tsi iontewenharákwa ne raotsiawenhrá꞉tseras.

Luke 1:50

Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.

Psalms 103:13

Tsi kiʼ ní꞉ioht ne kanísera tsi natesakoró꞉tons ne sakoiohokónhas, káti ne Roiá꞉ner thóh kíʼ natesakoró꞉tons tsi nihiákon ne ronwaʼrihwakweniénstha.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 127:1

Tó꞉ka iáh Roiá꞉ner iáh tehanonhsónhniaʼne, tsi niháti rotiʼnonhsónhni tsi rotihiothénhen iáh othènen satekenatéken. Tó꞉ka iáh Roiá꞉ner tehanikónhrahre ne kanatowáne, né ratiʼnatanónhne iáh kí othènen tehatiriwástha.

Psalms 115:13

kwáh ensakohiatatériste tsi niʼiákon ronhwaʼkweniénstha ne Roiá꞉ner, tetsarónh꞉kwen í꞉ken ken naiákasʼke khés naiekowaʼnénhke.

1 Thessalonians 4:1

Nonakénh꞉kha, tewatenroʼshón꞉ʼa, wahkwahrihónnien ónh꞉ní꞉ioht tsi aitiónnheke tsi ahontatsisewahnikonraiérite ne Rawenni꞉io. Ne kí꞉ken, ne kwáh thóh ní꞉ioht, tsi tionnhétie꞉ne. Tánon nónwa wahkwanéken ó꞉ni kwahretiárons raosénnakon ne Roiá꞉ner Ié꞉sos ne sénha ísinon tsi naisewáh꞉iere.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 120:1

Nónen satewahkanikónhrahre, iahináton ne Roiá꞉ner, tánon kí wahthakerihwaserákwahse.

Psalms 119:3

ronónha ne iáh othé꞉nen kentsehatiʼiéra nahó꞉ten ne karihwahéken í꞉ken, ók tsi roháthatse nón꞉we nihiakothaíthake.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Psalms 121:1

Iatʼkatkáneren ne tsi tsiononhtarónhnions, thóh nónh꞉we natsiatakenátshera nénhteʼwe?

Psalms 124:1

Onh né nahiáwenhne tó꞉ka ne Roiá꞉ner iáh onhtionháke nokwáti thahontahorihwarékwen? Tesehrihwaseráko, Ó Israel!

Psalms 103:1

Kwáh thenhinonhweráton ne Roiá꞉ner, Ó akwahtón꞉nhets! Tánon kwáh akwatonnhetsheraʼkwékon, tsi thenkatenonhweráton ne raosenhnatokénti!

Psalms 126:1

Nó꞉nen ne Roiá꞉ner shonsahsakókwahtakwase ne raonateraswiʼióseras ne Zion, thóh nihiationhnóthenhne tsi ní꞉ioht nónhkak iakotétsens.

Psalms 81:13

Ó tsi nikaská꞉neks nakonkwetaʼshón꞉has nahionkatahónsathaʼte, nètho nʼIsraerʼró꞉nons nahionkewénhnaraʼkwe!

Psalms 123:1

Saiá꞉ner shonháke nón꞉we iakaterénhnaien, Ó í꞉se ne karonhiáke nón꞉we nishístʼkote ne sanitskwahráne!

Psalms 122:1

Tsi nakatʼtsenhnónhni sahontkónkahron, “Thóh iehiákwe Raononsatokentiʼkówahne ne Roiá꞉ner.”

Deuteronomy 28:3

“Ne Roiá꞉ner kwáh enhaiaʼtaté꞉riste ne sewariwaʼshón꞉as ó꞉ni ne tsisewaienʼthótha enhiokwáston.

2 Samuel 22:22

Asèken wakatewenhnarákwen ne raohianerénhseras ne Roiá꞉ner, tánon iáh ne tewatsioténhen ne kariwahetkénhsera tsi ahiʼiatiatontakwénhni Nakkení꞉io.