Psalms 124:3 - Ohiatonhseratokénti

³ eʼthó꞉ne kíʼ kwáh iahionkhiʼiatsatanekwánonhke tsahitiónhneke, nó꞉nen ne raotinhakwáhtsera sonhtakatsiróten nahionkhihiatʼkónten;

Psalms 124:3 Referans Kwoze

Acts 9:2

tánon wahariwanónton tòkahʼken thènen iahonwatihiatón꞉ni ne ronaterihónton ne Sitaeró꞉nons tsi ronterenʼnaientákwa tsi nòkwa ne raónha neh nónwe ne Damascus, neh káti tòkah ahatʼtsénri neh nónwe ónhka tsiakawetákwen ne rahosénnakon ne Roiá꞉ner, neh nahotheriwathénʼtiaʼse nasakoiéna, ne rohnónkwe tòkah ó꞉ni ne konʼnónkwe, tánon Jerusalem iensesakohiaténhaʼwe.

Matthew 2:16

Ȣahonakȣen nʼErod sahattoke tsi ronȣanikonrhatenni ne ratisennoȣanens, ȣahatennhane ȣahontataȣentho nʼeksaokonha tsi ni Kanata, oni tsi niiaonȣentsia ne Bethlehem, tekeni teiakaoseriiakon nontontasaȣen, aseken etho niiore nitiotasaȣe tsi ronȣarorʼ ne Ratisennoȣanens.

Daniel 3:19

Eʼthó꞉ne ne Nebuchadnezzar iahótonse tsi nahonákhwen, tanon ne rakonhsà꞉ke kwáh onekwénhtara naʼáwenʼne tsi nahshakonákhwaʼse ne Shadrach, Meshach, tánon ne Abednego. Sók ki wahatén꞉naʼne tsá꞉ta niiorí꞉wake sénha ahonʼtharihá꞉ton ne karístatsi.

Psalms 57:3

Kwáh karonhiáke nón꞉we thentarihwaseráko tánon enhakenónsthate; kwáh kíʼ ensakosénhni ne iónkshons. Selah Rawenni꞉io kwáh enrenéste ne iorihwaʼtó꞉ken raonoronkwáhtshera ó꞉ni ne raorihwatokentítshera.

Psalms 35:25

Tó꞉sa sehríhon ne tahontatrorhiá꞉nion, “Kwáh éhʼtho, ó꞉nen waʼtsitewatsthási. Né꞉ne kwáh éhʼthoh natehionkwatonhontsoníhaʼkwe!”

Psalms 27:2

Nó꞉nen ne ratinikonráksen entionkatiatón꞉ti ne tahionkinárihte— né hionkenikonráswenhs ó꞉ni ne hiónkswens— ronhnón꞉ha enthonasítsiake tánon enhatihiatsénenhne.

Jeremiah 51:34

“Ronhnonhtí꞉io Nebuchadnezzar ne꞉ne Babylon nónhwe wahshonkwahwáhrahke tánon wahteshonkwahnénhstsiaʼke tánon iahashá꞉haʼte nonkwahshastsʼténshera. Iashonkwahtsiathaʼnhékwahne tsi ní꞉ioht ne kwáh tehiotsinonhwahnónhiani tánon wahathenekwénhthike nónhkwah kwáh sehʼtsérah. Teshonkwahhiathiʼnekénhʼen ne kwáh í꞉i onhkwahnahkerahseráhkon.

Proverbs 1:12

Tókaʼ ronnónhnhe tánon ronataʼkarí꞉te nó꞉nen eniethiiaʼtatshén꞉ri, akwé꞉kon enhonenhé꞉ion nó꞉nen eniethiiatstáhsi!

Psalms 83:4

Rón꞉ton, “Káts, ánion ietihiátont nʼIsraerʼró꞉nons; Né kasénhna Israel kwáh tó꞉sa nonwénhton ónhka ahionsaʼiakehiárake.”

Psalms 76:10

Sewenní꞉io Nónkwe akonakwáhtshera nék khók nenhnéʼe karihonthákwas ne sénha taiesanonweráton, kwáh eniesahsénhnaien ne wenniseraráhkwen tsi nisakwáhere.

Psalms 74:8

Né tehonatonhontsónine ne kwáh tahiontkinénhstsiaʼke; akwékon waʼhontsahathanion nahó꞉ten ne iotó꞉kenti í꞉ken ne tsi ionhontsaien.

Esther 3:6

tsi ó꞉nen wahotó꞉kenhse ne Haman tsi Sitaeró꞉non ne Mordecai, wahateʼnikonhrí꞉sa tsi nenhohré꞉wahte ne ó꞉ni waharihwísa akwé꞉kon enshakóhtonʼte tsi nihá꞉ti Sitaeró꞉non ratinákere tsi nón꞉we nikanakerahserá꞉ien ne Persia.

Jonah 1:17

Né ne kwáh Roiá꞉ner waharihwahserón꞉ni ne kentsowá꞉nen iahotiataʼnéhkwane ne Jonah, né káti ne eʼtho kentsowá꞉nen, né ne áhsen niwenhniserá꞉ke tánon áhsen niwahsón꞉take iehotiaʼtahnehkwanónhkwe.

Psalms 83:5

Kwáh sahotinikónhra íe꞉kenk; tsi iesát꞉konte waʼhontsanerenhserón꞉ni tsi natehóntere—