Psalms 110:6 - Ohiatonhseratokénti

⁶ Kwáh ne enhaterihwaʼthéntsate tsi ensakoríhwenhte nonkweshón꞉has, né thensakoreniáthen ne ronenhéions raotiʼieronhtashónhas; kwáh thenhanontsistotárosʼte né entʼtharohrók꞉te onhontsakwékon.

Psalms 110:6 Referans Kwoze

Psalms 68:21

Ók Rawenni꞉io kíʼ kwáh thenhsakó꞉nontsistarihte ne ronhwashons, né rotinonkwí꞉seresons tsi niháti né nón꞉we nihonathahí꞉thake tsi nón꞉we nihotiní꞉kon.

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

John 5:22

Aseken iah onka tatasakoiatorete ne Roniha, oriȣakȣekon tanon nehne Roienha rokȣeniatseraȣi ne tahaiatorete.

Micah 4:3

Kwáh rahónha tesakohiatórete tsi natehóntere ne iakotiohkowá꞉nen onkweshón꞉as. Ensakotewenhnaiéntonwe ne ratiʼshátstes nonkweshón꞉as nahí꞉nonh nió꞉re í꞉tken; né enhononhniate ne raonasareʼkó꞉wa ne ietarakarathós꞉tha aotsiweiónhtha, tánon ne raonahshí꞉kwahras iontkwirhiá꞉tha né꞉e enhononhniáte; nonkweshón꞉as iáh ó꞉nen thatahonsahónhnekwe ne raonasareʼkó꞉wa niasakonatsatónhti nonkweshón꞉as, iáh ó꞉ni ó꞉nenh thahonsahontéweienste naterihió꞉seras.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Revelation 14:20

Tánon ne teionhiaritháhkwa watewahiá꞉rite nátste nakanatháti, tánon takanekwenhshó꞉te ne teionhiaritháhkwake, thóh nió꞉re è꞉neken niahá꞉he kwáh tsi nihiotkonshó꞉taron ne koshá꞉tens, thóh nió꞉re niahá꞉he kakʼnon neh tékeni tewenhniáwe niwatenienhtentsherá꞉ke nihioháhes.

Isaiah 42:4

Kwáh iáh thaʼhontahoserónhnenhte iáh ó꞉ni tahanikonrók꞉ten tsi nió꞉re enhá꞉ien ne kaiáneren tsi ionwenhtsáte; tánon ne tsi kawenó꞉tons iotirá꞉re ne raorihonhnienhnítshera.

Habakkuk 3:13

Iashiá꞉kenhne nasehnóns꞉thate ne shonkweʼtashón꞉as, natsenónsthate ne tsatarákwen ronhnontí꞉io. Waseronhkwenoróksi ne tsi rotinón꞉shote ne ionkwetatʼsenhokón꞉as, waʼsehnésthe ne tsitʼkenskwáhere kwáh tsi nió꞉re tsiosthenrakwénhtare. Selah

Ezekiel 39:4

Ne Gog ó꞉ni ne rahonkwetashón꞉ʼás ronhterí꞉ios ó꞉ni ne thonwaríwahwase kwáh tsi ionhnonhtáhere ne Israel nónhwe nenhonhníheie, tánon enkheríhon ne otsitenhokónhas ó꞉ni ne konhtírhios ahonthekhónhniaʼthe ne rahotihieronhtashónha.

Isaiah 66:24

Tánon kwáh ienhatiʼiákenhne tánon enhotkátho né ronenhehiónkwen raotiʼieronhtashónhas né nonkweshón꞉has né iáh tehionkewenhnará꞉kwen; asèken né raotiʼtsinonwanhétas kwáh iáh tahkonhníheie, né raotiʼtsíres kwáh iah tahonswát꞉tonhke, tánon kwáh tsi niaʼtehionkwétake tsi enhonwatíswenh.

Isaiah 51:5

Kwáh iostó꞉re ákta entékhaʼwe nakatesenhniéntshera, naká꞉wenk kaiatakenhá꞉tshera iehiohiaʼkénʼen tánon ne kenenhtsháke kwáh ne enhiakokʼkó꞉raste nonkweshón꞉has; ne tsi kawenhó꞉tons í꞉i wakèrare, tánon né꞉ne kenenhtsháke ronská꞉neks.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 11:3

Né raotonnhará꞉tshera thóh nón꞉we nenhiothaʼténronʼke ne Roiá꞉ner. Iáh né thaʼtahaiatoréhtaʼkwe tsi nahó꞉ten ratʼkáthos ne rakaràke, khés né꞉ne tahahiatoréthaʼkwe tsi nahó꞉ten rothóntes ne rahontàke;

1 Samuel 2:10

Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Psalms 68:22

Né Roiá꞉ner waʼhenron, “Kwáh kíʼ thentekhehiathénhawe ne Bashan nón꞉we, kwáh kíʼ ensehkheskó꞉ko tsi nihotiskóhon ne kaniatarakhekó꞉wa,