Psalms 109:3 - Ohiatonhseratokénti

³ Iatékons karihwaʼhétkens ronhtón꞉nions tsi nòkwah ní꞉i, tánon tionkatiatón꞉tses né꞉ne kwáh iáh othènen tahontakarihónhni.

Psalms 109:3 Referans Kwoze

Psalms 69:4

Tsi nihiákon ne iónk꞉shons sénha ne ronatsokowánen tsi níkon waʼkenonkwiseróhte ne kenontsíne né tsi nihiákon iónkʼshons né꞉ne kwáh iáh othènen tetsiorihonhníhon; né ró꞉natsiokowanen satehatinón꞉wes nahionkatonhte, né iónkshons onó꞉wenhs tsi nihionkerihwáros. Nahóten ne iáh tewaʼkenénskwen ónen né énstsien?

Psalms 35:7

Né꞉ne iáh othènen tetsiorihón꞉niʼon waʼhonkateristaiénhase; tánon iosónhwes waʼhatisonhniónhni né iatsiátenhne tánon ahionhtsiéna.

Psalms 88:17

Tewaʼkatiatháton kwáh thóh ní꞉ioht tsi ní꞉ioht ne iawenó꞉ton tsi niwenhnísehres; kwáh tsík nitsiotseratánion tsi tiaták꞉ta iawetonhátie.

Psalms 35:20

Asèken iáh skennónk tèken tsi ní꞉ioht tsi rontátis, khèʼkok iatékon tsi ní꞉ioht tsi ronhnowenhtónhnis nó꞉nen enhontáti tsi nòkwah ne sakʼthihonathatónhni tsi ionhwenhtsáte.

Hosea 11:12

Ne Ephraim kwáh ne tewakatsathá꞉ton nonó꞉wens, tánon nonkweshón꞉as Nisraeró꞉nonke né꞉ne ratinikonráhtha; ók ne Judah shé꞉kon ki nenhné꞉e Rawenni꞉io skátne tehiatekhahákwa, tánon iorihwató꞉ken rahonhà꞉ke ne Rohiatatokénhti í꞉ken.

Psalms 22:12

Ronatsiokowánen ne tionnónskwaron ratítsinn tehionkakwahtaséhton, ne ratisháststes ne tionnónskwarons ne Bashan nón꞉we tehionkehonwarónh꞉ni;

Psalms 17:11

Waʼhònk꞉nonteráhne; ónen tehionkatsiá꞉taton; ratinikonhráhre nahoná꞉tesenhnahièn꞉tane ne tahionkonhòn꞉tió꞉ienhte.

2 Samuel 15:12

Tsi nikarí꞉wes ne Absalom ne wahateriwathéntsiaʼte wahatenaskwaʼtsahatá꞉nion, Ahithophel Giloró꞉non ne sahotiéten ne iahá꞉sa, ne roʼtenikonráwiskwe ne Táwit, thóh nón꞉we nithawénon raonatowanénhke Giloh. Ne kariwaséhton ontehiá꞉ron wakasháststenhne, tánon nonkweʼókons iakotsiokowanenhonhátie ne Absalom raoriwá꞉ke.

1 Samuel 26:18

Tánon kiʼ iahá꞉ieste, “Ónh nontiéren natiá꞉ner tsi roséhres ne raonhá꞉tsera? Asèken onniwakatiéren? Nahó꞉ten wakeníkon ne kaʼtshanáke?

Psalms 35:19

Tó꞉sa sehríhon ne iónkswenhs, nètho rotinówenhs, ne ahonthatohárahkwe tsi ionhkesénhnion, khés nahionkatkarokérikse tsi tiwakstónston tsi ionkswénhon.