Psalms 103:13 - Ohiatonhseratokénti

¹³ Tsi kiʼ ní꞉ioht ne kanísera tsi natesakoró꞉tons ne sakoiohokónhas, káti ne Roiá꞉ner thóh kíʼ natesakoró꞉tons tsi nihiákon ne ronwaʼrihwakweniénstha.

Psalms 103:13 Referans Kwoze

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Proverbs 3:12

Shakoriʼwakwarihshién꞉nis ne Roiá꞉ner nónhka shakonorónhkhwa ne ká꞉ti shá꞉ka nónhka iakowí꞉raien shakotinorónhkhwa enhshakotirihwakwaríhshien.

Jeremiah 31:9

Nakonkwetahshón꞉a tsi enshón꞉neweh tenhonsentʼthósehke, roʼnahterennaʼienhthátie tsi niʼsehkheʼhiashá꞉rihne. Kwáh thóh nienʼkhehiaténhaʼwe tsi nónhwe ne watnekíne, tsi nónhwe ne iohahí꞉io ne ne iáh tahonthahonaʼshí꞉tsiaʼke. Thóh niwahkathatiéren tsi ní꞉ioht ne khehienhokónhas ne Israerʼró꞉nons, tánon ne Ephraim ne ne thaʼkowáhnenh rihién꞉a.”

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Matthew 6:32

Ethoʼkʼ sek nehne niiot tsi ronnesaks ne iah tehotiianere: roterientarese ne Karonhiake Tetsiseȣaniha tsi eh niiot tsi teseȣatonȣentsioni.

Psalms 103:11

Tsi nitiótʼte ne tsi karonhiáte tsi eʼneken iotohestákwen ne tsi ionwenhtsáte, thóh kí natehiotenonianíton tsi nisakonorónhkwah tsi nihiákon ne ronhwaʼrihwaʼkweniénstha;

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Matthew 6:9

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

Deuteronomy 3:5

Akwé꞉kon kí꞉kens kanatowá꞉nens ne tekanatanáktons ne tiotonshontaté꞉nions, iotenhenrentónnion, tánon tekenrenʼwánions nakanienʼtá꞉roke tsi iotenhenrenʼtón꞉nions, tánon wé꞉so ne tsi kanataiéntons iáh othé꞉nen tewatenhenró꞉tons.

Numbers 11:12

Iáh í꞉i tekhehiatíson iáh ó꞉ni í꞉i tekhenakerátston! Onhnonhtiéren tsi askherihwanónhtonhse thóh naʼtiéren tsi shí꞉ken ní꞉ioht ne tewátsnie tsi akhehiaʼkhitàhroke tsi ní꞉ioht nowirá꞉a kwáh tsi nióre ne tsiohontsáien né sehiararatsʼténhni ne shaʼkotisotʼthonkonhkénʼen?

Leviticus 26:44

Ók ethosáne, nó꞉nen shé꞉kon thóh ratinákere rahononhontsáke ne tehontátʼtsions, iáh kíʼ kwáh takhehiaʼtewénhtethe iáh ó꞉ni takhehiáthonhthe. Né nènhne ne ienwatsiástsi naʼkaterihwasehronhniátshera tsi nòkwah ne ronónha, tánon Í꞉i ne Watiá꞉ner Raotiní꞉io íken.