Psalms 10:2 - Ohiatonhseratokénti

² Tsi rontatkowaʼnáhtha ne ionhkwetahétʼkens sakotironhiakéntha ne iakóktsien— né ronwatironhiakéntha ne rotiʼiénas tsi nihonaterístaien ne ionkwetahétkens tsi nionatenikonrónhni.

Psalms 10:2 Referans Kwoze

Psalms 59:12

Tsi nithontátis ronhnenéstha tsi nihotirihwáneren, aiáwenhs ne aotihiathotáraste tsi nihonthatón꞉ni. Ne tsi nihontenhénhnaras tánon onó꞉wenh tehonterihwareniátha,

Psalms 36:11

Tó꞉sa sehríhon ne rontatkowaʼnátha nahontahionkatsatónhti, khés ne ronhnonkwetaʼhétkens nahionkón꞉nien akatèko.

Psalms 7:16

Tánon né shotíras ne raothakontátshera, tánon né kakaronhniátshera nakóren sakorakwénhni ranontsíne saká꞉rane.

Proverbs 5:22

Rotirihwanéren raotiioʼténhsera tho ní꞉ioht tsi ní꞉ioht ne waterístaien. Ne iohontiá꞉tenhke tsi rotirihwanéren.

Psalms 119:122

Tsiarahráts꞉ten ne sanhátshera tsi nòkwah ne raotakarihthétshera; tó꞉sa sehríhon ne rontatkowanátha nahionkeronhiákenhte.

Psalms 31:18

Sehiárist nètho rotinó꞉wenhs ratikwékon ne ronhthatón꞉ni ó꞉ni ne ronhtatkowánen tsi nikáien ronhtátis nasahkotinontánahke ne tionhkwetaiéris.

Psalms 140:5

Ne ratinikonhrahétʼkens ionkateristaiénhni, asheríhie nahóten ronataharonhniáton ne tehotitakwaríhton tsi ronateristaientákwen, tsi hiohatátses nónhwe nihotikwahtákwens tsi ionkaterístaien ne nahiontséna. Selah

Psalms 119:85

Ne ronhtatónh꞉ni, rohnónha iáh tehontewenhnarákwah ne saianerénsera, ronattsionhionhniáhnion ne ionhkateristaientákwen.

Psalms 119:69

Ne ronhtatkowanátha nahonksenhnát꞉saʼte tsi wahonkanowenhtaʼniónhaʼse, ók kwáh kí kerhiasakwékon tsi wahkatewenhnaráhkwen ne saianerénhseras.

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Isaiah 14:16

Tsi niʼiákon nenhiesáken kwáh theniesatʼkáneren, tánon enhiesanontonʼniónko: “Né kén kí꞉ken ne rónkwe warónh꞉ni ne tahiohontsíshonkwe, raónha rahowákon ne tsi kahnontiʼiotsherakérons,

Isaiah 14:13

Í꞉sen wáhi ne serhiá꞉ne, “Ní꞉i Karonhiáke nienhenke; kwáh entkaráthate nakanitskwáhra èhʼneken enwatohétsthaʼkwe ne raotsistokwahshón꞉ʼahs ne Ní꞉io; kwáh èhʼtho enkátsien tsi ionónte ne tsi iontkenhnisahá꞉tha thóh ononhtakénhiaʼte ne Zaphon; ne tsi iakokʼkenhníson ne kwáh othorèke ít꞉ken

Psalms 119:5

Ó tánon tsi nikeweienhnótens aiáwens aiorihwatokenháken ahonkatienawastónhake ne sarihonnienhnítseras!

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Exodus 9:17

Kí shé꞉kon sahtenikonhrakʼshá꞉ton ó꞉ni iáh tesatʼthóntats nasehiát꞉kaʼwe nakonkwetashón꞉ʼa.

Psalms 109:16

Asèken iáh kíʼ tehawehiará꞉hon nahawenéston tsi thóh rihwaʼiérihkwe, ók waʼsakosehréson ne rotíten tánon ne tehontkárias tánon ne teiakonikonhraríhon kwáh tsienhonhníheie.