Psalms 1:1 - Ohiatonhseratokénti

¹ Iakotáskat tsi nihiákon iáh né tehiésehre tsi nishakonatenikonráhwis ne ronhnonkwetahétkens, khés né꞉ne ahiontʼthaítha né rotirihwáneren raonaháha, khés ó꞉ni nahonwanahtiatárahse tsi nihiákon ne kaierónhsera ronhiónhnis ne Rawenni꞉io.

Psalms 1:1 Referans Kwoze

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Jeremiah 15:17

Iáh tewahkatiesáhthon ne tsi nikawistáheks nakóren ahiakwakwekhonhatiésehke, ahionkwahieshón꞉hake tánon ahionkwatenikonhróh꞉rike. Tsi wakatewénhnarahkwe tsi niskhenáhon akonhatsíwak tsi wahkatahtíteron tánon wahkatenahkwawenhráhti.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Psalms 1:6

Asèken ne Roiá꞉ner ranikonrahrá꞉tsies tsi rotihatátse ne tionkwetaiéris, ók ne tsi rotihatátsie ne hionkwetahétʼken thóh né nón꞉we nieiawéhnon tsi iohatátsie natkaronhniátshera.

Proverbs 1:15

Konién꞉ʼa, tóhsa ísewe kí꞉ken niionkweʼtò꞉tenʼs. Satatiaʼtohtáhrho.

Psalms 34:8

Sewaʼrihwaienhtérat tánon sewatkátho nètho Roiá꞉ner tsi nioiánere; iakotáskats tsi nihiákon ne rahonháke nón꞉we nenhiontaséhthakwe.

Psalms 112:1

Tehonwaʼnonweráton ne Roiá꞉ner! Iakotáskats tsi niʼiákon ronhwaʼrihwaʼkweniénstha ne Roiá꞉ner, kowáʼnenh tsi iakotonhnáhere tsi iontewenharákwa ne raotsiawenhrá꞉tseras.

Psalms 36:4

Karihwaʼhetkénsera ratenikonhrón꞉nis tsi nikaríhwes rohthoríhsen; tsi nihatséra kwáh iáh othènen tehiohiánere, tiotʼkonhónwe né ken niehaiéra ne karihwaʼhetkénsera.

Job Tánon ne Raoronhiakensera 21:16

Iáh othé꞉non tethotiniarotáron tsi niotihianerastén꞉ken? Tsi nihatiweienó꞉tens ne ronhnonkweʼtahétkens kwáh í꞉ken tsi ahí꞉non nió꞉re katatón꞉nis ne rononhà꞉ke.

Ephesians 6:13

Nekáti ónen í꞉sewats ne Rawenni꞉io rahoriwasónha! Kwáh enskwéni tsi tentswenʼnaráko ne iáswens nónen entʼthiatiathónti; tánon nónen iatensenókten tsi tiaterí꞉io, séhkon kíʼ énstake.

Genesis 49:6

Aiá꞉wens tóhsa nonwén꞉ton akheiatiaʼtáhrhahse; Iáh ó꞉ni thakheiatiaʼtáhrhahse ne tsi rontkennisaʼáhtha— Aseʼkénh raotinaʼkwahtsherá꞉kon tsi shakonaʼwénthohs nonkwehshón꞉ʼa, tánon atswaʼtahtsherá꞉kon tsi tenhatitsinonhiáhtiaʼke nohná꞉ken ratihsinà꞉keʼs ne tehotiná꞉kareʼs tiohnhónskwaronʼs ratí꞉tsiʼn ne nahatiiaʼtakénheie.

Jeremiah 17:7

“Ók kwáh enhihiatatérisʼte nónhka enhakeniaheséhaʼke.

Proverbs 13:15

Iakoʼnikonhrowanáhtha tenwatén꞉tsha ne kakwénienhstatsera, nok nónhka iáh thaʼón꞉ton naiontateniáhese tho kiʼ non nihonathahitáhkhe tsi nón꞉we nahontkarón꞉ni.

Psalms 119:115

Éhʼren í꞉sewek ne tiatátʼta í꞉se ne sewarihwanerahákskon tiónkwe, kwáh ne enkatewénhnarakwe ne rahotsiawenhráhtsera nakení꞉io.

Psalms 106:3

Iakotáskats tsi niʼiákon ne tkarihwaʼiéri tsi niʼionhtséra, tiókonte né꞉ne karihwaʼkwahrishiontsherákon tsi nihiontséra.

Psalms 26:12

Ne kashitáke thóh nón꞉we nikárate ne tsi iotonhontsakwahríshion; thóh tsi iakotsataróhron nonkweshónha kwáh thenhinonhweráton ne Roiá꞉ner.

Proverbs 2:12

Ensaiaʼtakéhnha ne tóhsa tho náhshiere tsi nahò꞉ten iáh tetkaié꞉ri. Ensaiaʼtohtáhrho tsi nón꞉we nihón꞉nes nón꞉kwe ne ratiritstonhnis tsi nahò꞉ten enhonnì꞉ron—

Psalms 81:12

Ká꞉ti waʼkhehiatsakwarísi né tsi nihotinontsistaníron, tánon thóh nihatí꞉ier kwáh tsi nithonskáneks.

Proverbs 4:19

Né꞉ʼe raotiháha né꞉ʼe rotirihwanéren thóh naʼtetió꞉karas tsi ní꞉ioht nahsonthén꞉ne né꞉ʼe tenhatihraʼkwénhtaraʼne ne tsi iáh thahóntkahtho nahò꞉ten tahonahsì꞉tiaʼke.

Proverbs 3:34

Iáh oʼthé꞉nen tehshakoniahé꞉sen ne iená꞉ie nok shakorihwakweniénhstha nónhka iakoniténhton.

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.

Proverbs 9:12

Í꞉se sonhá꞉ʼa enhsatshennonniátahkwe tókaʼ sá꞉ien ne attokháhtshera, tánon tókaʼ iáh thahshié꞉na, í꞉se kiʼ enhsatatkarón꞉ni.

Psalms 84:12

Ó Saiá꞉ner Sashaststenhserowánen, tsi niʼiakoktsenhnónhni tsi niʼiákon ní꞉se tiesehtákwen.

Romans 5:2

Rahonháke non niʼionkwariwaienteráhon kí꞉ken ataniténron tsi nitsionʼnhétie, tánon onkwatsenʼnonniatserákon non niʼionkwathonʼnáhe꞉re nahitewaiéna ne Rawenni꞉io rahohiatanerakwátsera.

Psalms 144:15

Iakotáskats nonkweshónhas tsi nihiákon enhiakórahne ne kaiatateríhtshera; iakotáskats nonkweshónhas tsi Rawenni꞉io ne Raotiʼiá꞉ner í꞉ken.

John 20:29

Nok ne Iesos tontahenron: neh tsi ȣaskken Atonȣa, tasetakȣe; iakotaskat nonka iah teiakotkathon nok tiakaȣetakon.

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

1 Tiér 4:3

Iatekaiéri tsi nikaríwes tsi nitsawénon thóh nishérakwe tsi nithatinónwes ehʼnahatí꞉iere ne iáh tehotiriwiʼióston. Tsi tiónnhe thóh nónwe niʼioiesahonhátieskwe ne iáh teiotkwéniens, kentétsera, ratinekakástha, ononwarorítha, ahienenrónni naienekí꞉ra, tánon tsi naʼtehiothenonwarorítonte nakonwasénnaien ne kaiatónni.

John 13:17

Toka seȣaterientare neh nikarihotens, enseȣaiatateri neh nenseȣaiere.

Psalms 146:9

Ne Roiá꞉ner sakonikonrarátses ne tíʼiete; sakoiénawase ne tehiontonhnakárias tánon ne ionateréhons, ók tsi nihatiʼweienótens ne ionkwetahétkens sakorihwathóntha nénhe.

Psalms 2:12

Tsisewawénhnarak ne Rawenni꞉io roiénha, tó꞉ka iáh kwáh enhianákwahse tanon ne tsi sathahítake atkaronhniátshera ne í꞉ken asèken ne raonakwáhtshera kwáh thenwatʼtsiró꞉ko. Iakotaskáts tsi nihiákon rahonháke nón꞉we nihiontekwáhsens.

Psalms 146:5

Iakotáskats tsi niʼiákon nenhsakoiénawaʼse né꞉ne Raoní꞉io Jacob, thóh nón꞉we nihonaskanektseráien rahonháke ne Roiá꞉ner raotiní꞉io í꞉ken,

1 Kings 16:31

Iáh tsatekaiéri tsi naharihwánerake tsi ní꞉ioht né Jeroboam; ishiʼnónwe niaháhaʼwe tánon ne wahotíniaʼke ne Jezebel, né shakoiénha ne Ronhnontí꞉io Ethbaal né Sidon nónhwe nihanákerekwe, tánon ne wahasénhnaien ne Baal ne Samaria nónhwe, wahahónhnien ne ientsenharáhkwah, tánon ononsatokentiʼkówaʼne iaháhionhte.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.

Ezekiel 20:18

Khèkok, wakheronhkáten ne kén nithotihiónsa ne skátke rahtináhkereh: Tó꞉sa sehwateweiénhthon ne kaianerénsehrah ne ietʼtsisotʼthonkonhkénʼen rothíson; tó꞉sa sehwáhser ne raothiriwahkáhion tó꞉sa ó꞉ni ne tesewahthatsatátions ne raothihiatonhnisónhas akarihónhni.

Proverbs 19:29

Nónhka rontatkweniénhstha tánon rotinonhwaró꞉ri kwáh orihwí꞉io tsi ronnéhsaks nónhka ahonwanonwenhserário.

Psalms 64:2

Táskene tsi nihontenikonrónhnis ne ronhnonkwetaʼhétkens tsi nòkwah í꞉i, tsi nòkwah ne kén tsiokwátʼsenhs ne ronhnonkwetaʼhétkens raotiʼtsiókwahs,

Job Tánon ne Raoronhiakensera 31:5

“Tó꞉ka tsi natahonkatekhá꞉hakwen ne iáh othé꞉non thakarihwástake, khéhs ne kasí꞉take watiosterí꞉hen nakaʼnikón꞉rate;

Job Tánon ne Raoronhiakensera 10:3

Kwáh ken ioiánere ní꞉se naseiateniakátstaʼtse, tánon naskénron nahohiothénhsera ne shatsánakes tánon tatswáthete ne raotiiothénhseras ne ronhnonkweʼtahétkens?

Luke 23:51

Nʼiah othenon tohoriȣanonȣehon tsini hotiriȣison oni ne raotiȣeienna; Arimathée thanakerekȣe Sitaeronon raonatenata, neh oni nenskat ne rorharekȣe ahatkatto ne Niio raonakerasera.

Matthew 16:17

Tontahenron ne Iesos: Sataskat Simon Jonas iaienha, iahse oȣaron, iah oni nonekȣensa tesarihotasienni, neh tanon ne Rakeniha Karonhiake thenteron.

Deuteronomy 14:6

ó꞉ni tsi niká꞉ien ne kontitshénens ne tehiotitsinarentó꞉ken tánon tsi niká꞉ien ne konhtiné꞉taks.