Numbers 32:11 - Ohiatonhseratokénti

¹¹ ‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Numbers 32:11 Referans Kwoze

Numbers 14:24

Ók né kíʼ aoríhwa nakenhátshera Caleb tsi óia nènhne nironhnó꞉ten tánon iehokonhtáhkwen rorihwató꞉ken tsi nòkwah Ní꞉i, thóh kíʼ nienhihiaténhawe ne tsi tsionhontsáien ne iehotonhontsatkénhse, tánon tsi nienhatwatsiríhne enhonahtienawastónhake nonhóntsa

Numbers 26:2

“Sehsenhnarónhnion skawatsiráʼtshons ne kanakeraserakwékon (nihonhitiokwaróroke) ne Israerʼronónke, ratiʼkwékon ne ronhnónhkwe ne tewáhsen natehonosehrihiákons khès ne sénha thohtí꞉ions né iatekaiéri tsi nihonathakaríhte nahontsotharónhni.”

Deuteronomy 1:35

‘Iáh ne sahià꞉ta ne kén꞉en kawatsiraksénhskwa tiahontawehià꞉te ne tsi tiohontsí꞉io ne khehiarahratstén꞉ni ne sewasoʼtsheraokonhkén꞉en.

Numbers 14:23

Kwáh iáh nonhwénhton tshiahontáweiaʼte nètho nónhwe tsionhontsáien tsi nikhehiararatsténhni ne sakotiʼsotʼthonkonhkénʼen. Iáh ónhka nonhwénhton tsi niháti tshiahontáwehiate né ionhtkenhronhníhon.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”