Numbers 3:9 - Ohiatonhseratokénti

⁹ Thotʼkhók níkon ronaterihwaiénhni ne Levites né꞉ne Aaron tánon ne sakohiohʼokónhas ahonwatiʼhiótenhse.

Numbers 3:9 Referans Kwoze

Numbers 8:19

tánon Aaron tánon ne sakohiohʼokónhas wakheʼrihónten nashaʼkonatenhnikonhráren ne Levites, né꞉ne NʼIsraerʼró꞉nons rahonathatawítsheras, né natohsehrákon ahotihióten né Israerʼró꞉nons rahotirihwáke tánon nahontahonwátiʼne NʼIsraerʼró꞉nons tsi nókwah ne kariwaiesátsheras nenhotíienthe tó꞉ka sóhtsi ákta nentʼthónne tsi nónhwe né kwáh Iotenatatokénti íken.”

Ephesians 4:11

Rahónha wáhi iatékon tsi ní꞉ioht tsi sakoiatarakwenháton nonkwesónha; ótiakes natiriwakarenieseke, ótiakes niahatiriwakénseke, ótiakhes tahonteriwaré꞉niate, ótiakhes rathitsihénstatsis tánon ó꞉ni sakothiriʼhonniénnis.

Ephesians 4:8

Tsi niwáton nohiatonseratokénti, “Ne sonsahatharátate, roʼnhatiokowánen ne rathiʼnhótonkwe iasakoiaténhawe; iathékon wasakowíʼon nonkwesónha.”

Numbers 3:8

Né enhonʼtenhnikonhráren akwékon tsi niwatsthaʼshónhas natóhsera tánon né ronhterihwaténtsiat tsi naʼtehioʼtonhotsóhon ne roʼnátsiakes NʼIsraerʼró꞉nons.

Numbers 8:16

Kwáh roʼnónha khehiataráhkwen tsi ní꞉ioht ne thóh natierénhton ronahnakeráton ne Nisraerʼró꞉nons rahotiʼnekenhteronhtserasónhas, tánon kíʼ kwáh akonhá꞉a khók akonhkwetashón꞉ʼas íken.

Numbers 16:9

Ne kén íhseweʼre kén niʼiorihiwáha nètho SakowenNí꞉io NʼIsraerʼró꞉nons tsi watetsisewakʼkhási ne ronátsiakes ne ratinákere, né káti nahónton rahiatákʼtha niahí꞉sewe, niahisewahióten ne Roiá꞉ner rahotoserákon, tánon taietʼtsirihwásnieʼse ne ienákere tánon naietʼtsihiótenhse?

Numbers 8:14

Kèn ní꞉ioht tsi tesheʼkháshion ne Levites tsi nòkwah ne ronátsiaʼkes NʼIsraerʼró꞉nons, ne káti nahónton ne kwáh Í꞉i akonhkwetaʼshón꞉ʼas ahónton.

Numbers 8:18

Ónenh kíʼ Levites shaʼkathonkwetaráko tsi ní꞉ioht ne thóh natierénhton ronanakeráton NʼIsraerʼró꞉nons,

Numbers 18:2

Taietʼtsihiaténhaf ne sewatátenons, ó꞉ni ne rahotiʼtiókwa ne Levi, ne skát꞉ke ahisewahióten tánon naietʼtshisniénon tsi nikaríhwes níse tánon ne sehiohʼokónhas sewahióte natohsehrákon.

1 Chronicles 6:33

Tsi nihatiʼwatsirahtátie tsi nihá꞉ti né nón꞉we nihonaterihóntaʼkwe né꞉ne: Tsi rahtitárahien ne Kohath: Heman, né ratinenhrakwení꞉iosʼkwe ne ohénton rónhnete ne tehatirihwákwas, né꞉ne Joel roiénha. Tsi nihawatsirahtátie thóh niió꞉re onàken iesehwétha tsi niió꞉re ne Jacob: né꞉ne Heman, Joel, Samuel,

1 Chronicles 15:2

Ethó꞉ne waʼhénron, “Teiotonhontsóʼon ne Leviró꞉nons khók kí꞉ken ahatiʼnorokwénhaʼwe, tsioríhwa tsi Rawenni꞉io ronónha sakoiataʼráhkwen nahatinorokwénhaʼwe tánon né꞉ne tsi nénhwe enhonwaiótenhse.”

Ezra 2:43

Tsi rathitá꞉raiens ne Ononhsatokenhtikó꞉wane rothihiò꞉tens ne tethonè꞉non: Ziha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Asnah, Meunim, Nephisim, Bakbuk, Hakupha, Harhur, Bazluth, Mehida, Harsha, Barkos, Sisera, Temah, Neziah, tánon ne Hatipha

Ezra 6:18

Tánon ó꞉ni sahonwatirihwasehrónhnien ne ratitsihénstatsis ó꞉ni ne Leviró꞉nons tsi ní꞉ioht tsi hionhterén꞉naiens nononsatokentihkó꞉wane ne Jerusalem nón꞉we, tahioianénhawe tsi ki nikahiatónhnions ne Mahís rahohiatonhserá꞉kon.

Ezra 8:20

Ne iehotihiathaké꞉thote 220 nihá꞉ti kwe ne ronónha sakotisoʼthonkonhkén꞉en né꞉ne Ronhnonhtí꞉iokwe Táwit sakohiatará꞉kwenhne tánon ne rahonkweʼtashón꞉as nahonwatisnié꞉non ne Levites. Ratikwé꞉kon ratisenhnaronhniónskwe tsi nihothisenhnotenhsónskwe.