Numbers 3:6 - Ohiatonhseratokénti

⁶ “Thaʼsehiaténhaf ne rahotiʼtiókwas ne Levites tánon sèhnhan né ronhwaʼhiótens ne Aaron ratsiʼhénsthatsi.

Numbers 3:6 Referans Kwoze

Malachi 2:4

Sewaterièn꞉tarak, ká꞉ti, tsi iewakatenniéhton kí꞉ken karihwatáhtshera ne tsonhá꞉ke, nétho akaterihwahseronniáhtshera skát꞉ne ne Levi tsi aká꞉take, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Deuteronomy 10:8

Ne tsi tionónhte ne Roiá꞉ner washakohiaʼtarakwenhá꞉ton ne ronhnónkwe né꞉ne tsi ratiʼtá꞉raien ne Levi nahontenhnikónhraren nateriwaʼseronhniá꞉tshera oʼneró꞉kwa, né꞉ne tsi ahonwahiò꞉tenhse tsi rotikhá꞉res í꞉ken, tánon nahatirihowanáhthake ne kaiataterí꞉tsheras rahosénhnakon. Tánon shé꞉kon nón꞉wa thóh nihotihioʼtenhseró꞉ten.

Numbers 2:33

Tsi kíʼ nihoríhonte ne Roiá꞉ner ne Mahís, ne Levites iáh ne tehonwatiʼsénhnaren skát꞉ke ne ronátsiaʼkes NʼIsraerʼró꞉nons.

Numbers 2:17

Ethòne, tsi natehóntere kí꞉ken thóh natierénhton tekenhtiókwaken tánon ne onakènhkha tekentiókwahken ne Levites tsi enhatiʼnenhraserónhni enhatiʼháwike natóhsehra. Né skanenhráʼtshons thóh ní꞉ioht tsi enhatiʼnenhraserónhni tsi kíʼ ní꞉ioht tsi ronanátaiens, ne skentiokwáʼtshons ronathaʼtewenʼiennentáhon tsi nónhwe nihonaʼteniataróhare.

Numbers 3:5

Ne Roiá꞉ner wahawénhase ne Mahís,

1 Chronicles 23:32

Ronónha thonwanáwi tsi ronaterihwaiénhni nahontenhnikonhráhren nathó꞉sehra tsi nón꞉we nihénteron ne Roiá꞉ner ó꞉ni Nononsatokentiʼkó꞉wa, tánon nahonwatiʼiénawaʼse ne ronhthátenons, ne ratitsihénstatsis tsi nithonatwatsiríhnon ne Aaron, tsi ronhterénhnaiens Nononsatokentiʼkó꞉waʼne.

2 Chronicles 29:11

Kwáh iohokónhas, tó꞉sa sewaʼthenhnískwat. Í꞉se nètho Roiá꞉ner tsi sewaʼhiataráhkwen nahtsisewaʼtsahataníheke ne kanetanóronhs tánon naietʼtsihéntenhse nonhkweʼshón꞉as tsi atsisewaʼsénhnaien.”

Ezra 6:18

Tánon ó꞉ni sahonwatirihwasehrónhnien ne ratitsihénstatsis ó꞉ni ne Leviró꞉nons tsi ní꞉ioht tsi hionhterén꞉naiens nononsatokentihkó꞉wane ne Jerusalem nón꞉we, tahioianénhawe tsi ki nikahiatónhnions ne Mahís rahohiatonhserá꞉kon.

Numbers 18:21

Ne Roiá꞉ner wahénron, “Tekhehiáwi ne Levites akwékon tsi nihatikáriaks NʼIsraerʼró꞉nons ne tsionhkáwi. Né kí꞉ken ronatkariakténhni tsi nihotihióte tsi nihatinikónhrare natóhsera tsi nónhwe nikíteron.

1 Chronicles 6:33

Tsi nihatiʼwatsirahtátie tsi nihá꞉ti né nón꞉we nihonaterihóntaʼkwe né꞉ne: Tsi rahtitárahien ne Kohath: Heman, né ratinenhrakwení꞉iosʼkwe ne ohénton rónhnete ne tehatirihwákwas, né꞉ne Joel roiénha. Tsi nihawatsirahtátie thóh niió꞉re onàken iesehwétha tsi niió꞉re ne Jacob: né꞉ne Heman, Joel, Samuel,

1 Chronicles 15:2

Ethó꞉ne waʼhénron, “Teiotonhontsóʼon ne Leviró꞉nons khók kí꞉ken ahatiʼnorokwénhaʼwe, tsioríhwa tsi Rawenni꞉io ronónha sakoiataʼráhkwen nahatinorokwénhaʼwe tánon né꞉ne tsi nénhwe enhonwaiótenhse.”

1 Chronicles 23:28

tánon tsi nenhotiʼiothenserohténhake: né nahonwaʼtiʼiénawahse ne ratitsihénstatsis né Aaron nón꞉we nithonatwahtsiríhnon nononhsatokentiʼkó꞉waʼne nón꞉we nihonterénhnaiens, né tahatirihwásnieʼne natenáthake ó꞉ni ne kanonskónsons ionatʼthaiéntons, tánon tó꞉sa tehathítions nahoténsons ne iotokéntis;