Numbers 29:11 - Ohiatonhseratokénti

¹¹ Tánon ó꞉ni saiáta kaiatákeras iatsisewát꞉kaf né nènhne ne karihwáneren aorihwáke, né iohiowénhtek ne kaiatákeras iesewatkáwen né norihwakahionhnéha tsonhtonnakanonhnitákwa nonhkweshón꞉ʼas akorihwáke, tánon skát꞉ke ne niatewenhniseráke ionhteskóntʼtha skát꞉ke nonátsias aorihwáke tánon ne onenharatasehontserákeri aorihwáke.

Numbers 29:11 Referans Kwoze

Leviticus 16:3

Enwáton niahatháwehiaʼte tsi nónhwe ne kwáh tsiotokénti thohʼnèkhok kíʼ ne nónen thohiaténha ne tèro owíra né꞉ne kariwáneren aorihwáke tánon teiotinakarontónha rátsinn né꞉ne ahonteskónhthake aorihwáke.”

Leviticus 16:5

Ne iená꞉keres ne Israerʼró꞉nonhke ónenk tsi entʼthónhion ne Aaron tenihiáse teʼnítsinn kahiatákeras né꞉ne karihwáneren aorihwáke tánon ne teiotinakaronhtónha né nènhne nahonteskónhthake aorihwáke.

Hebrews 7:27

Kwáh iáh thènen tateshontiérens nakorénsons ratiʼtsihénstatsis; iáh thaʼtehotonwenhtió꞉ni nahatienkwahrónniate niaʼtewenhniseráke ne raoriwahneraháktshera ahontakahénte thóh ne nakorénshons akorihwahneraháktsheras. Énskak khók iehotkháwenh ne karonhiakénsera, kwáh énskak khók ieiohterátston, né nónen rahónha wahatatewénhthete.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Numbers 29:6

Né kíʼ iasehwát꞉kaf ne iohiowènhtek ne tiókonhte ionhteskónhtha aorihwáke nenhtewenhniseratiérenhte nenhsewenhnítarane skát꞉ke nonátsia aorihwáke tánon ne onenharatasehontserákeri aorihwáke. Kí꞉ken ká꞉khwas nahónhsera né rawerienhtiʼiostáhkwa ne Roiá꞉ner.

Leviticus 16:9

Ne Aaron ónenk tsi enhoteskónhten ne kaiatákeras né꞉ne Roiá꞉ner ronhwarakwénhni tánon né iewatkáwenhk ne karihwáneren aorihwáke.

Numbers 29:10

tánon tekakontseráke ne satihiatáʼtshons teiotinakarontónʼa owíra.