Numbers 29:1 - Ohiatonhseratokénti

¹ Nenhtewatenhniseratiérenhte ne tsatákhaton niwenhnítare ensehwatiataróhroʼke naisewaterénhnaien, tánon kwáh iáh othènen takahioténhʼen. Né wenhniseráte ne iehonrawátstha enhonterenhnóten.

Numbers 29:1 Referans Kwoze

Zechariah 9:14

Ne Roiá꞉ner enhathatenéstʼthe è꞉neken tsi ronahtenonhtsisthatón꞉nions nahonthashá꞉konhe; enharónhthate ne raoienkwí꞉res tsi ní꞉ioht ne tahonhninhekárahwe. Ne Rononhtí꞉io Roiá꞉ner enhahonráhwahte; enhanenhrahsherón꞉ni tsi tehiowerahtá꞉ses nenhtiekenhékha.

Isaiah 27:13

Tánon nètho entewenhniserate kowanenh iehonrawátsta enwatatiston, tánon tsi nihiakon ne iakotsiá꞉thatonhon ne tsi ionhontsaien ne Assyria tánon tsi nihá꞉ti ne ronwatihiatinekenhen ne tsi ionhontsaien ne Egypt kwáh tentonhne nahonwasenhnaien ne Roiá꞉ner nètho nón꞉we tsi iononhtató꞉kentike ne Jerusalem.

Psalms 89:15

Iakotáskats nonkweshón꞉ha tsi iakorenhnáhon ne taieríhwaʼkwe tsi ahiesahsénhnaien, tsi etʼthohʼnónwe nihonhnón꞉nhe kaswatʼthetsherákon tsi nisarihwaʼnonhwéhon;

Ezra 3:6

Ethosà꞉ne nonhkweshón꞉as tsi iáh aré꞉kho tethonatáhsawen nahonsahontenonhsón꞉ni Nononhsatokentihkó꞉wa, né꞉ne tiotenhniseratserénhton ne tsatá꞉khaton siwenhniʼtakéhaton nahonwateskhonthá꞉se ne Roiá꞉ner.

1 Chronicles 15:28

Ká꞉ti ratikwé꞉kon Nisraeʼró꞉nons wakonwaʼtsatóntʼthaʼse tsi niahatíhaʼwe Naterihwaseronniátshera Oneró꞉kwah ne tsi niahónhne ne Jerusalem tehotihenréthaʼne tsi nihonatʼtsenhnínon, kawenhnotáʼtse ne kahonrahwatsʼkówa ó꞉ni ne iehonrahwáts꞉tha, tánon ne tehiotwashakweʼnónhnis, tánon tsi niʼkarenhnotátse nonowaʼkówa.

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

Nehemiah 7:73

Káti ne ratiʼtsihénstatsis, tánon ne Levites, tánon ne tehontenhó꞉hanonhne, tánon ne tehatirí꞉wahkwas, tánon otsá꞉kes ne onkweʼokónʼs, tánon ne ononsatokentiʼkówaʼne ratinaskwas, tánon ratikweʼkón ne Israerró꞉nonhke, ne thóh ratinakere raotinatakonʼs. Nó꞉nenh ne tsá꞉takhaton shiʼwenhnítarakwe shiá꞉kahewe, ne ratitsaokón꞉ʼahs Nisraeró꞉nonke thóh ratiteronhtakwe raotinatakónʼs.

Exodus 23:16

“Sewatenikonhró꞉ri ne tsi nihieientʼthókwas katkhwáhere né nónen ensewaientkwáko ne sewaientʼtóhtsheras. “Sewatenikonhró꞉ri ne katkhwaráston tsi nensewateweiénton ne kanenaké꞉ne, né nónen ensewaʼhiáko ne kahiksónhas ne sewanenhaʼraientʼtónnions ó꞉ni ne tsi ioronhthóhtons ne kahiksónhas.

Exodus 34:22

“Sewanónstat tsi niʼieieʼtwákwas ne tehiontenónhwerons nónen entesatásawenh nashiéntʼthoko nenhtewatiérenhte kaienton ne sanahtsia, tánon sewá꞉nonhstat tsi natehiontenónhwerons ne wateweiénton ne kanenahkene nó꞉nen ensaiaróhroke.

Leviticus 23:23

Nenhtewenhniseraʼtsiérenhte ne tsatákhaton niwenhnítaʼke ne shaʼtenhniserónhniat nahontashaterakáren, tánon tásehwe nahisewaterénhnaien nó꞉nen enhwatewenhnó꞉ten ne iehonrawátstha.

Numbers 28:26

Nentewenhniseratiérente ne kaientwá꞉kwen tehiontenonhweratóntha, nónen iensewát꞉kaʼwe ne tkaiéston nonátsiase rahohénton ne Roiá꞉ner, ónenk tsi ensewatiaʼtaró꞉rohke nahisehwaterénhnaien, tánon iáh othènen thakahioténhʼen.

Numbers 29:2

Né sehwaterihwaténtiat natsisewateskóntʼthase ne Roiá꞉ner, nahonséhra né rawerientiʼiostákwa: saiáta nithohiónha teró, saiáta teiotinakaronhtónʼa rátsinn, tánon tsáta niháti nénska tehonoserihiákon teiotinakarontónʼa ratítsinn owíra, ratikwékon ne kwáh iáh othènen thahotitsihiótarake.

Numbers 29:12

Sewatiatarórok naisewaterénhnaien ne wísk-khaton niwenhniserakéhaton ne tsatákhaton niwenhnitakéhaton. Sewatenikonhró꞉ri kí꞉ken kakhwáhere né nahonwakwéniensthe ne Roiá꞉ner né꞉ne tsáta nónhta nikaríhwes tánon tó꞉sa othènen sewahióten.

Leviticus 23:7

Nentewatenhniseratsiérenhte ensewatsiataróhroʼke nahisewaterénhnaien tánon tó꞉sa ne sewahióten tsi nisewahioténhseroʼte ne niaʼtewenhniseráke.

Numbers 29:35

Né shateʼkonháton enwenhnisehráteke sehwatiatarórok nahisewaterénhnaien tánon tó꞉sa othènen sewathatiótenst.

Nehemiah 8:2

Káti, ne shontonhtenhniseratié꞉rente ne tsá꞉ta khaton shiwenhnitárakwe, ne Ezra, ne ratsihénstatsi í꞉ken, taháhawe ne kaianerénhsera akohénton ne iakokʼkenhní꞉son, tetsá꞉ron né꞉ne ronhnón꞉kwe tánon ne konhnónkwe, tánon tsi nihá꞉kon nenhiekwé꞉ni naiakonikonraién꞉tane; tánon nonkwehokón꞉s wahontahonsáthate kwáh tahionteweién꞉ton ne kaiatonserakwenón꞉ni ne kaianerénhsera.