Numbers 28:1 - Ohiatonhseratokénti

¹ Ne Roiá꞉ner wahorihónten ne Mahís

Numbers 28:1 Referans Kwoze

Numbers 27:23

Kwáh kíʼ tsi nihotenhnáhon ne Roiá꞉ner, ne Mahís ranonhtsíne ne Joshua wathanisnonhsáren tánon wahatróri tsi rahónha thonsahonatʼthákwen.

Numbers 28:2

nasakorihónhnien NʼIsraerʼró꞉nons nahonthahonwawísehke ne Rawenni꞉io kwáh wató꞉ken tsi nenhkaháwiʼke né꞉ne kákhwa tó꞉kens iahióntkaʼwe né rawerientiʼiostákwah.

Leviticus 9:15

Ehʼthóhʼne ónen, ne wahaterihwatsʼtérisʼte nonhkweshón꞉as tsiakoiesthánions. Iahohiaténhaʼwe ne kahiatákeras tsi tkaiéston né꞉ne nonhkweshón꞉a akorihwanerahák꞉tsheras aorihwáke, wahononhwarhiákon, tánon iahát꞉kaʼwe, tsi kíʼ nihoiéren tsi iehotkáwen ne rahónʼa rahorihwanerahák꞉tshera aorihwáke.

1 Chronicles 23:31

tánon nó꞉nen né thonwawíhon ne Roiá꞉ner nahontsahathá꞉nionhke nawenhtatokentíkes, Noráhkwahse tsi natehiontenonweráhtons, tánon noiásons nahoténsons né tehiontenonwerahtónkwas. Kaianerenhseríhson watróris tsi niháti ne Leviró꞉nons ronhwatiríhonte nahotiʼióten kí꞉ken kahioténhsera nó꞉nen ienkáheʼwe. Né Leviró꞉nons né ronhwatiríhonte ne tahatirihwásniehne né tiotkonhónwe tsi ahonwasenhnaiénsehke ne Roiá꞉ner.

2 Chronicles 2:4

Wakatenonhsonhnihátie ononsatokentiʼkówa né nahikwéniensʼte ne Roiá꞉ner akeNí꞉io. Kwáh í꞉ken tsi enhiothokénhtiʼke tsi nón꞉we nakonhkwetaʼshón꞉as tánon ní꞉i nenhsakwahsenhnaʼientákwahke tsi enhiakwahtsaháthake ne kanetanórons tánon ne kanonkwahtsherákons ne rahohénton, tánon tsi enhiorihwatokénhake tsi entiakwahiésthaʼke ne ionatarahtokéntis, tánon tsi nón꞉we nenhiakihiateskónhthaʼke ne kontitshé꞉nens niaʼtehioronhkhetsheráke ó꞉ni niaʼtehiokarahtsherá꞉kes, tánon ó꞉ni niawenhthatokentíkes, tsi nenská꞉rahne noráhkwahse tsi naʼtehionhtenonwerátons, tánon ó꞉ni noiáshons ne wenhtanó꞉rons nahonwakweniénsthaʼke ne Roiá꞉ner onhkwahNí꞉io. Sakonáhon Nisraeʼró꞉nons thóh kíʼ nahatiʼiérahke né꞉ne tsi nénhwe enkénhake.

2 Chronicles 8:13

Iahátkawe tsi wahateskontónhnion né tahioianénhawe tsi nikarihwanónhtons ne Mahís raoianerenhserákon né sewenhniserátʼtions ne wenhtanórons: né꞉ne iawenhtatokentíʼke, noráhkwahse tsi niʼiekhwahéra, tánon náhsen nihiorihwákes ne tsósehra ronhtenikonhró꞉ris—tsi nihatikhwahéra ne iáh tewatʼthenhkwáhton kanátaro, tsi niʼieientwákwas ratikhwahéras, tánon tsi nihatikhwahéras ne waskwakárenhre.

2 Chronicles 23:18

Né Jehoiada washakorihontónhnion ne rahtitsihénstatsis tánon ne Leviró꞉nons nahotihiótenh ne kahioténhseras Nononsatokentiʼkówaʼne. Né enhonterihwatstériste né kahioténhseras tsi ki nisakoríhonhte ne Ronnontí꞉iokwe Táwit tánon nahonteskónt꞉taʼke tsi ahonwátatʼtse ne Roiá꞉ner né enhatísehre tsi nikaianerenhseró꞉ten ne Mahís thesakówi. Né ó꞉ni ronateríhonte tsi nòkwah ne karenhnasónhas o꞉ni naʼtenikonhrorhiátsheras.

2 Chronicles 31:3

Né꞉ne kwáh rahónha raoʼtshenenókons ne ronnontí꞉io tashakoiésten nahonteskónhtakwe noronhkeʼnéha ó꞉ni nokarasnéha nikahá꞉wis, tánon ó꞉ni né tkaiestánions nawenhtathokentíkes aorihwákes, tánon ó꞉ni norá꞉kwaʼse tsi nenhkatʼkhwarahke, tánon noiásons tsi nenhatikhwáren tsi kí nikarihwanónhtons ne Roiá꞉ner raoʼianerenhserákon.

Ezra 6:9

Sewenhniseratʼtsons, iáh tetsotewáton, ó꞉nenk tsi enteséhion ne ratitsihénstatsis ne Jerusalem nón꞉we kwáh tsi nahó꞉ten tahonatonhontsó꞉nike: ne nithotihiónha tero, teiotinakaronhtón꞉a, khés ne teiotinakaronhtón꞉a owí꞉ra nakonwateskónhten tsi ahonwatatʼtse ne Rawenni꞉io ne Karonhiá꞉ke, khés onátsia, tsoiótsis, onenharataʼsehontsherá꞉keri, khés ne iakeniewáhtha kén꞉ie.

Nehemiah 10:33

Asè꞉ken tsi nihiotinenhrakwarí꞉shion ne Ronwawenniiostáhkwa kanà꞉taro tánon ne iehiokontákwen nathatawí꞉tshera tieiéstha nahontéskontake, Sabbaths, tánon nakahkwahrá꞉ke noráhkwases, tsi nikaráhkwenhs tsi nikahá꞉wis ronteʼnikonhró꞉ris, tánon ne iotokentiʼokón꞉ahs, tánon ne karihwanérens tsi tieiéstas ne nahonsakón꞉warihwakwahtakwase Israel tánon akwé꞉kons ne kahió꞉tenhseras ne raonónskon nonkwah Ní꞉io.

Isaiah 1:13

Théshas nahontásheste iáh kí ne othènen tehioríhonte; ne kaienkwahrákon shatsahátha ítsons nènhneʼe. Norákwahse tánon nawenhtatokentíkes tánon iaʼtesewatatinóntʼkons naisewatkenhnísa— Iáh tatkwéni nakatakáts꞉tate ne hiorihwatóken karihwiʼiostóntshera sewatsataróhroks ne karihwanerenhakʼtsherákon.

Ezekiel 44:24

Nónen ne kahianerénsehra tahieriwahtirónhten, né rothikháres ronónha tenhatihiató꞉rete enhatísehre natianerénsehras. Enhatinónhsthá꞉te ne kariwiʼiosthóntshera tsi naʼtehionthenonhwerátons enhiósehre tsi niwakerihótens ó꞉ni natianerénsehras, tánon ónenk tsi enhatinónhsthaʼte ne iawenhthatokéntis tsi iotokénti.

Ezekiel 45:17

Kwáh raónha roríwahien nahontahátʼkawe ne kontitshénenhs nakonhwanatsatátsahate ne tsekonhtihiathaʼkwékon, ne onátsias karóhronhs, tánon ne otsítsias ne kanekaró꞉ronhs né nonhkwetakwékon akoriwáhke Nisraeró꞉nonhke né꞉ne oráhkwahse tehiontenonhwerahthóntha, né Awenhthatokentíke, tánon noiásonhs tehiontenonhwerahthónkwa. Rahónʼa enhakwatháko ne kariwáhneren ahontkáwen, ne onátsia karó꞉ronhs, ne tewatkáwen ne konhtihiathaʼkwékon ahontsahathónhake, tánon ne sakaríhwa í꞉ken kharóron, nahéren akahawíton ne raotiriwanerahákʼtsheras Nisraeró꞉nonhs.”

Ezekiel 46:11

Nónenh khakhwáhere tánon nó꞉nen watenikonhró꞉ri né ienwatkáwen nonátsia né꞉ne satekawinhotseríhen né꞉ne sahiáta tsionónhskwaron rátsinn tó꞉ka ó꞉ni ne teiotinakaronhtónha rátsinn, tánon kwáh tsi nahionskáneke ne iakoterénhnaien ne iahióntkaʼwe ne satihiatátʼtsions ne teiotinakaronhtónha owíra. Ásen nikatʼtshétakes iakeniewátha kénhie ienwatkáwen ne satekawinhotserihens onatsia.

Galatians 4:10

Kwáh nenʼné꞉e áktha tsi sewanikónrare ne wenniserathokenhátons, nennítas, tsi niwakʼkwenrárons tsi niʼiósheres.

Colossians 2:16

Kwáh káti tóhsa ónhka iesaianerenserónhnien nahóten asekʼséke tóhka ó꞉ni nahóten asnekirá꞉ke tóhka ó꞉ni ne iawentatokentíhsons tóhka ó꞉ni tsi natehontenonwérons nó꞉nen tsiorahkwará꞉on nasonhthenhné꞉kha tóhka ó꞉ni nawentatokentí꞉ke.