Numbers 21:27 - Ohiatonhseratokénti

²⁷ Né kíʼ aoríhwa ne ratihiátons tehatirihwá꞉kwah, “Káts Heshbon nonhtásewe, né꞉ne ronhnonhtí꞉io Sihon rahonatowahnénhke! Tehionkwahtonhontsóni nahonsahiakwahtenatónhni tánon nahonshakakwahtákwenhke.

Numbers 21:27 Referans Kwoze

Habakkuk 2:6

Ne raononhontsashón꞉as nonkweshón꞉as ne thinonhwanahnonhtón꞉ni ne Babyloniaró꞉nons tsi ronhwenhnonhontsákwen kwáh enthontáhsawen ne tashakotiiéron tánon enhonhné꞉neste tsi nisakotikenrón꞉ni, ensakonénhase ne Babyloniaró꞉nons, “Iawetatʼtsani iesewá꞉ha ne iáh í꞉se tesewá꞉wenk, káti ne Rawenni꞉io entsisewaʼréwate!” Tonikarì꞉wes ní꞉se kwáh ensatatʼkwaséststen tsi nishé꞉reh tsi nihiá꞉kon noʼwísta sehkarotá꞉ni né í꞉siknónk thahonsaiesakarhiákse?

Isaiah 14:4

kwáh í꞉se tènhsekwe kí꞉ken kaierónhsera ne thatséron ne ronnontí꞉io ne Babylon: Tsi ní꞉ioht ne sakoronhiakéntha tsi rotʼkáwen! Ne raonhakwátshera tsi teiotáhon!

Numbers 21:14

Né aoríhwa ne Ne Roiá꞉ner Rahohiatonhsehrákon ne Ionhteriʼiostákwah iotharáhkwen “Ne tsi kanátaien ne Waheb né꞉ne tsi iokwénhrahre ne Suphah, tánon nahonráhkwahkons; ne Arnon Kaniatarahtátie,

Numbers 21:26

Ne Heshbon né nènhne ne kanatakwení꞉iokwe thóh ranákere ne ronhnonhtí꞉io Sihon, né nènhne ronateriʼióhon ne thonhnonhtí꞉iokwe ne Moab tánon akwékon rotieronhkwe ne rahontsakénhʼen kwáh tsi nióre ne Arnon Kaniataratátie.

Numbers 21:28

Iehioteráston kenʼen iehiotásawe kí꞉ken kanatowanénhke Heshbon ne Sihon rahotiókwah ronhterí꞉ios iahatihiákenken tsi ní꞉ioht nótsire; Nahatinatarihwéntʼtho ne kanatowanénhke ne Ar né Moab nónhwe Tánon wahathirihwéntʼtho ne tsi iononhtarónhnions nononhtoharahké꞉sons ne Arnon.

Nehemiah 7:1

Nó꞉nenh nashón꞉ta shisewasontí꞉son tánon sewakeʼnhohanihiontón꞉nions, tánon ne tehonteʼnhohanónhna tánon ne tehatiriwákwas tánon ne Levites ronwatihiatarakwenhá꞉tons,