Numbers 20:21 - Ohiatonhseratokénti

²¹ Ne aoríhwa ne Edomró꞉nons tsi iáh tehónhnere NʼIsraerʼró꞉nons nahontó꞉hetste ne rahotinakeraserákon, NʼIsraerʼró꞉nons tonsahontkaraténi tánon ákte nòkwah niahónhne.

Numbers 20:21 Referans Kwoze

Judges 11:18

Ethòne kíʼ ónen iahonwenhtsiatʼthénke niahónhne, wahonkwáhthaʼse ne tsi ionhontsáien ne Edom ó꞉ni ne tsi ionhontsáien ne Moab tsi nióre ne nàkon nòkwahti ne Moab iahónhnewe, né꞉ne í꞉se Nakaniataráti ne Arnon. Thóh nónhwe nahonthatohsehróthen, ók iáh tsiatehotihiáiakon ne Arnon tsioríhwa tsi thóh nónhwe nikaristhatátseʼne ne Moab.

Deuteronomy 2:29

tsi nió꞉re iateniaʼkwahiá꞉iake ne Jordan Kaniataratá꞉tie tsi nienhiá꞉kwe ne tsi tiohontsá꞉ien né꞉tho Roiá꞉ner ónhkwa Ní꞉io sonhkwawì꞉re. Tsi nitotwatsirì꞉non ne Esau, ne Edom nónhwe nihanakerè꞉kwe, ó꞉ni ne Moabites, né꞉ne Ar nónhwe nihatináhkere, wahonkhirí꞉hon nahiakwató꞉hetste ne raotinakeraʼsehrá꞉kon.’

Judges 11:24

Sénhak káti kén enhsatheniénten niahonshá꞉sawe? Shá꞉wak tsi nahó꞉ten ne saní꞉io Chemosh thiáwi. Ók kíʼ enhiakwaháwake tsi nahó꞉ten ne Roiá꞉ner onhkwah Ní꞉io, iehó꞉ha nonhkwahrihwáke.

Deuteronomy 23:7

“Tó꞉sa ietsikénron ne Edomites; asè꞉ken sewathaténons. Tánon tó꞉sa nónhne ietsikénron ne Egyptró꞉nons; iehioterátston rahononhontsà꞉ke iesewanakeré꞉kwe.

Deuteronomy 2:27

‘Thakwaríhon nahiakwató꞉hetste ne sanakerahserá꞉kon. Kwáh ienhiakwataʼkwaríshate iáh ó꞉ni étren thaiakwè꞉te ne tsi iohatátie.

Numbers 21:23

Ók kíʼ ne Sihon iáh teshakorihwáhwis nonhkweshón꞉ʼas NÍsraerʼró꞉nonhke hahonhtó꞉hetste ne rahonakerahserákon. Wasakohiataró꞉rohke ne rahonkwetashón꞉ʼas ronhterí꞉ios tánon Jahaz né꞉ne karahkhonkówa niahónhne tánon iasakonahtiathónti NʼIsraerʼró꞉nons.

Judges 11:17

Ethòne ónenh iahonhwaterihwániethe ne ronhnontí꞉io ne Edom nónhwe nahonwarihwanónhtonhse nashakohianerénhseron nahontó꞉hetsthe ne rahonhsáke. Ók ne ronhnontí꞉io ne Edom iáh teshakohianerenhseráwi. Tánon ó꞉ni wahonhwarihwanónhtonhse nònhne ne ronhnontí꞉io ne Moab, iáh nònhne teshakorihwáwi nahontó꞉hetsthe ne rahonhontsáke. Káti ne Israerʼró꞉nons Kadesh nónhwe nahonthatíteron.

Numbers 21:4

NʼIsraerʼró꞉nons èhren sahónhnete tsi ionónhte ne Hor né sahontʼthahíta tsi niehotʼthahínon ne tsitkanétsʼker ne Aqaba, né nahónton nahonkwahtáse ne tsi kanakeraseráien ne Edom. Ók kíʼ tsi nihonahá꞉hes nonhkweshón꞉ʼas wahonhnikonhrókʼthen

2 Chronicles 20:10

“Kí nonhkweʼshón꞉as ne Ammon, Moab, tánon ne Edom tahionhkihiatiatónhti. Nó꞉nen nonhkwahsóktseras shaʼthonhtahatiʼiákenʼne ne Egypt, iáh kíʼ tesherihwáwi niahonhnonhontiórenhne né thóh ionhontsaiéntons, ká꞉ti nonhkwasoktseraʼokonhkénʼen waʼhonkwáhtase tánon iáh kíʼ tehonwanahthónhton.