Numbers 18:12 - Ohiatonhseratokénti

¹² “Í꞉se tkonhiawìre ne kwáh tsioiáneres ne tsiotihénton kaientwákwen tsi nikáien NʼIsraerʼró꞉nons tionhkáwis ne iatehioseráke: né꞉ne iakenhiewáta-kénhies, onenharatasehontserákeri, tá꞉non ne onátsias.

Numbers 18:12 Referans Kwoze

Deuteronomy 18:4

Ronónha enʼthontié꞉renhte enhatiʼié꞉na ne kaientwákwen nonátsa, onenharataʼsehontsherákeri, iakeniewátha kén꞉ie, tánon nonónhweron.

Exodus 23:19

“Iatehiosehráke tasehwáhaf rahonónskon ne Roiá꞉ner sehwaʼNí꞉io né nenhtewatiérenhthe ensewaientkwáhko nonátsia. “Tó꞉sa sewahwaráhrit ne ken nithoʼhiónha teiotinakaronhtónʼa tó꞉ka ó꞉ni ne kaiatákeras né꞉ne ronisténha ahonónhta ahísewatsʼthe.

Exodus 34:26

“Iatehiosehráhke Roiá꞉ner rahonónhskon tásaf nenhtewatiérenhthe onátsia enshientʼthó꞉ko. “Tó꞉sa ènsehrithe ne kentiʼthohiónha teiotinakaronhtónʼa tó꞉ka ó꞉ni ne kahiatákeras né꞉ne konwanisténha ahonónhta áhsasthe.”

Deuteronomy 26:2

tsi sewahiatà꞉tions ó꞉nenk tsi athé꞉rakon ensewátha nentewatié꞉renhte ensewaienkwáko tánon tsi tionhterenhnaientákhwa niaʼsewáhaf.

Leviticus 23:20

Ne ratsihénstatsi rahónʼa ienhát꞉kaʼwe ne kanátaro skátke ne tenihiáse teiotinakaronhtónha owíras né꞉ne katokénston athatawítshera rahohénton ne Roiá꞉ner né꞉ne ratitsihénstatsis rahothirihwáke. Kí꞉ken ienwatkáʼwen iotokénti íken.

Leviticus 23:17

Skawatsirát꞉tions entiéhaʼwe tekanatháraʼke tánon enthónhion ne Roiá꞉ner né꞉ne katokénston athatawítshera. Ne skanatarátʼtshons ónenk tsi kaiéri nikakonhtseráke othèsera tenkaiéstonhke ne watʼthenkwátha tsi enwatenatharónhthake tánon ónenk tsi Roiá꞉ner entʼthónhion né ienwatkáwenhke tsi né thontsiérenhte kaientwákwen nonátsia.

Leviticus 2:14

Nónenh entetiawíten ne Roiá꞉ner nátsion nentewatsárenhthe enshientwáko nonátsa, ne thátion ne kanatsakeríton tó꞉ka ó꞉ni ne katʼtheserónhni.

Exodus 22:29

“Táskon tsi níststats ne sanhátsia, ne sanéka ne onenharataʼsehonhtsherákeri, tánon ne sáwenk iakeniewáhtha kènie nónen ienkáhewe. “Táskon ne entewatiérenthe enhonnákerathe ne rotiskenrakéte sehiohokónha.

Genesis 27:28

Aiá꞉wens ne Rawenni꞉io aontá꞉ion tsi niioʼhaweiastha karonhiá꞉ke naontá꞉we, tánon naoreʼsènhtsheraʼs ne tsi ionhwenhtsá꞉te, tánon aiaweʼtowanénhake ne onátsa tánon ne otsí꞉tsa.

Deuteronomy 18:3

“Né꞉ne kátkek ne tionhnónskwarons tó꞉ka ó꞉ni teiotinakaronhtón꞉a akonhwanatheskónhten, roʼkhá꞉res enhónhion ne oronhkwè꞉na, norióh꞉tsa, ó꞉ni nonekwénhta.

Deuteronomy 32:14

Ne rahotitshenenhó꞉kons tionónhskwarons ó꞉ni ne kaiaʼtákeras wé꞉so tsi wakonhtinonhtáthane; ronónha tshiahonhà꞉a thotinastwí꞉ios ne teiotinakaronhtón꞉a, kaiaʼtákeras, ó꞉ni ne tionónhskwarons, ne kwáh tkanatsí꞉ios, tánon ne kwáh tkanekí꞉io onenharataʼsehontsherákeri.

Psalms 81:16

Ók kwáh kíʼ né enkwanón꞉te né kwáh tkanatsí꞉io, tánon né ensewaʼiatáheste ne otsinakontaʼkwáne raotiʼtsikhéta.”

Psalms 147:14

Tatkáwas ne skénnon ne tsi sateristhatátse; né iathathéhni ne kwáh tkanatsí꞉ios.

Ezekiel 44:30

Né rothikháres ne enhatiʼiéna ne kwáh tiohiáneres nenh tewahtsérenhte kaientwáhkwenhs tánon nohiásons nahoténsons né hiontʼthá꞉ti. Tsi nihioriwáke nonhkweshón꞉ʼa enhiontenahtharónhten, ónenk tsi rothikháres entʼthonwénhnon nentewahtsérente enhóntkaʼwe, tánon nahtsiathaterítsera kwáh raotinonhskónson nónhwe nenhiothaténronhke.

Leviticus 2:12

Ne entèshiesʼthe nenhtewaʼtsiérenthe ensentwáko nonátsa né iaʼtehiosehráke ientsawíten ne Roiá꞉ner, ók iáh kíʼ ientsienharáhkwahke tahontsahatónhake.

2 Kings 4:42

Shé꞉kon ó꞉ni óia kènhʼne, rónhkwe Baal Shalishah nónhwe nonhtháre, tewásen niʼkanataráke tahonatharenhawíten ne Elisha né꞉ne tsiotserénhton ne tehiotikonstónhres rotiʼientwákwen nètho ioseráthekwe, tánon osthónha toʼkàra nikarahthákes nonátsas. Né Elisha washakoróri ne rahonkwetashón꞉has né ahonwatínonhthe ne rotitókense rahotitsiókwa,

2 Chronicles 31:5

Kwáh kí tsi niʼiostóre né waʼhonwatirihónhten, Nisraeʼró꞉nons tahatihásehron ne raonathatawí꞉tsheras né kwáh tkanatsí꞉ios, nonenharatashehontsherákeri, iakenhiewátha kénʼies, otsinakonhthá꞉kwahne otsikhé꞉ta, tánon noiásons nihiothá꞉nions né ratiʼiéntʼthos rotiʼientwáhkwen, tánon ó꞉ni tahatihásehron noieríhaton iéken kwáh tsi nahotiʼiénhthake.