Numbers 16:15 - Ohiatonhseratokénti

¹⁵ Ne Mahís wahotenakwenhserónhnien tánon wahawénhase ne Roiá꞉ner, “Tó꞉sa othènen tsiéna nahoténsons enthatíhawe kí꞉ken ronhnónhkwe. Iáh thaʼhóten tekhetkenhténhni; Iekaníhare iáh né saiáta tshiehihiaténha ne rahotiʼtshénen tewahóntes.”

Numbers 16:15 Referans Kwoze

2 Corinthians 7:2

Takwanaktóthas ne sewerià꞉ne! Iáh ónhka teiakhiiesáhton, iáh ni ónhka teiakhikarewáhton. Iáh ó꞉ni teiakhiʼnikonhraʼtén꞉ni.

1 Thessalonians 2:10

Í꞉se nonkwahrihwahnirátʼtsheras, tánon ó꞉ni ne Rawenni꞉io, tsi ní꞉ioht tsi wahakwahtoriáneron ne tionháke tsi tisewetákwen kwáh iáh thènen tewahétʼken, kwáh thóh ní꞉ioht tsi ahionkwahterihwahtentiáton, tánon kwáh tóhsa thènen ahkénhake ne Í꞉i ahontahionkwáhterahse.

Ephesians 4:26

Tóhkaʼ ensatenakwatserónnien, tóhsa satʼthóntat ne saʼnhakwátsera iahisahsárine ne kariwanerahatʼtseráke, tánon tóhsa kontatiekówa ahisanakwéhen.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

1 Corinthians 9:15

Nók iáh thènen tewahkatsteristákwen kí꞉ken kaianerénseras, iáh ó꞉ni ne tèken tsi ónen khiátons kí꞉ken tohkàken ne aoríwah ákatsthe nètho kaianerénsera nakeriwáhke. Sénha ahontakeráko akíheie! Iáh ónka taiekarátʼtho tsi nikanánon wahtianerenseráien ne takatatherénsaron né꞉ne aiakónniathe nowennóskons!

St. Mark 3:5

Ateriatikhonserakon ȣasakotkatoseron, ok ikene ȣahonikonkararen tsini honeriasaniron. Ȣahaȣenhase kati ne ronkȣe: sanentsakȣarisi, ȣahanentsakȣarisi nok oksaok eh nonsaioianerenne tsiniiot ne skati.

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

Numbers 12:3

Ne Mahís kwáh íken tsi tiókonhte ronitenhthonháties, sénha rahónha roʼnitenhtónhakwe tsi ní꞉ioht nónhkak akóren ne tsi hiohontsáte.)

Exodus 32:19

Nónen ne Mahís iatekaiéri tsi nióre ákta niaháre ne tsi roʼnatenáhthaien nahatkátho ne tionónhskwaron rátsinn-owíra tánon nashaʼkóken nonhkweshón꞉ʼa tehiaʼkononhniákwen, wahotenahkwahtserónhnien. Thóh tsi iononhtaientáhon, wathatesénhniathe nosténras ne rahawinónhtiene tánon wathárithe.

Numbers 16:16

Ne Mahís wahawénhase ne Korah, “Oronhkeʼnéha níse tánon ne 250 niháti iesanonhteráties ónenk tsi entísehwe rahotosehrákon ne Roiá꞉ner tsi nónhwe nihénteron; ne Aaron thóh nònh꞉ne enrésehke.

2 Samuel 22:22

Asèken wakatewenhnarákwen ne raohianerénhseras ne Roiá꞉ner, tánon iáh ne tewatsioténhen ne kariwahetkénhsera tsi ahiʼiatiatontakwénhni Nakkení꞉io.

Proverbs 21:27

Roiá꞉ner ráhswenhs nó꞉nen iáh tetionkweʼtaié꞉ri aontahonwahawíhten ne karihwiioshokón꞉ʼa naterennaientatsherá꞉kon ne tsi wanonhtonnionhtseráksens tsi ní꞉ioht tsi ronnonhtonniónhkwas.