Numbers 15:3 - Ohiatonhseratokénti

³ Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Numbers 15:3 Referans Kwoze

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

Numbers 28:27

Iasehwá꞉tat nahonteskónhtake aorihwáke né nahón꞉sehra rawerientiʼióstha ne Roiá꞉ner: tenihiáse teró nithoʼtihiónha, saiáta teiotinakaronhtónʼa rátsinn, tánon tsáta niháti nénska tehonoserihiákon teiotinakaronhtónʼa ratítsinn owíras, ratikwékon né꞉ne iáh othènen tehotitsihióthare.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

Leviticus 27:2

ne tehioterihwasónhteres kaianerénhseras né꞉ne nonhkweshón꞉as Israerʼró꞉nonhke akorihwáke. Nó꞉nen nónhkak tsi nítsion né thènen ietsiríhonte rahohénton ne Roiá꞉ner né nakaná꞉nonhke ne katokénston wararáts꞉ton, enwáton nètho ónhkwe nahonshahionhthatewenhní꞉ioʼne né nowísta akakariáktonhke,

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Matthew 3:17

Nok Karonhiake oni tahaȣenninekenne, ȣahenron: nehne Riienha rinoronkȣakoȣa, rahonhake ȣakien nakenoronkȣasera.

Deuteronomy 12:17

Iáh thahó꞉ten ne astatʼtse ne Roiá꞉ner nahisewá꞉ke tsi nón꞉we nisewanákere: tsi ní꞉ioht ne iahisewátkaʼwe ne sewanátsas, ne sewané꞉ka ne onenharataʼsehontsherákeri, ne sewá꞉wenk kén꞉ie ne iakeniewá꞉tha, tó꞉ka ó꞉ni nentewatié꞉renhte enkonhtewí꞉raien ne sewatshenenhó꞉kons tionónhskwarons tánon ne teiotinakaronhtòn꞉a, nathatawí꞉tsheras ne tsi sewarahratstén꞉ni ne Roiá꞉ner, ne thikánionk atatawí꞉tsheras, tó꞉ka ó꞉ni ne oiáhsons natatawí꞉tsheras.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:6

Thó꞉nonhwe niensewátkaʼwe ne kariwihiosehʼokón꞉as né꞉ne ahontsahathónhake ó꞉ni noiáhsons sewáwenk ne kariwihiosehokón꞉as, sewawístas tánon ne sewaienʼtóhseras, nahtatawí꞉tsheras ne tsiararatstén꞉ni ne Roiá꞉ner, tánon ne kwáh tsi nitesenónhwes niasátkaʼwe, tánon nentewatiérenhte enhontewì꞉raien ne tionónhskwaron ó꞉ni ne teiotinakaronhtòn꞉a.

Numbers 29:8

Tsi sewateskónhtʼthas ne Roiá꞉ner, nahón꞉sera né rawerienhtiʼióstha: saiáta nithohiónha teró, saiáta teiotinakarontónʼa rátsinn, tánon tsáta niháti nénska tehonosehrihiákon teiotinakarontónʼa ratítsinn owíra, ratikwékon ne kwáh iáh othènen tehotitsihiótare.

Leviticus 10:13

Ónenk tsi thóh nónhwe nenhsewáke tsi nónhwe nihiotokénti íken; nètho né꞉ne í꞉se sáhwenhk tánon ne seiohokónhas tsi nitkháa ne ká꞉khwa ne Roiá꞉ner ronhwáwi. Thóh kíʼ ní꞉ioht ne Roiá꞉ner tsi rakeríhonte.

Leviticus 7:16

Tó꞉ka ensátʼtsahaʼthe ne skaríhwa íken tsi iewatkáwen né nakaná꞉nontʼthe ne warahrát꞉ston tó꞉ka ó꞉ni ne tsi kwáh í꞉se thóh nisanikonhró꞉ten, iáh kíʼ akwékon thaʼkawaráhkonhke né꞉ne shaʼhenhnísera iewatkáwen, ók né thènen enhiotátere enwáton ne óia wenhniseráte ahiewárahke.

Exodus 29:41

Né tekeníhaton teiotinakaronhtónʼa owíra okarasnéha né nòkwah tsi sewateskónhten, tánon kwáh ne sáka tsi tasewáhiest nothé꞉sera, ne iakeniewátha kènhie, ó꞉ni ne onenharataseʼhontsherákeri tsi kíʼ nithisewahiéston shiʼhioronhkéne. Né kí꞉ken ne káhʼkhwa hionktátis, ne Watiá꞉ner, tánon tsi niwenhsehró꞉ten wakerientihióstha.

Exodus 29:25

Ethóne shaʼséhkwah tánon ietsienharakwáhke sátʼtshaʼat, éhneken tsi watéskonhte ne katshénen, né꞉ne káhkhwa hionktáti. Né tehiahonserateníhon kíʼ ken hionktáti wakerientihióstha.

2 Corinthians 2:15

Asèken tho nitewaiaʼtò꞉ten tsi ní꞉ioht ne kwáh tewenserákon ne teshonkwahwi Kerístos rahonhà꞉ke ne Ni꞉io, tsitenwaré꞉ni tsi í꞉iens ne onkweʼshón꞉ʼa, ne ne tsi niká꞉ien ne tiakotatrewaton tánon tsi niká꞉ien ne iakoniatatonʼon.

2 Corinthians 2:16

Asèken tsi niiakon ne iakotiaʼtatonʼon, ne ne wenhseratʼsen kenheiat ne nenhneʼe iakoʼnonhwahiakons; Tsi niká꞉ien ne tiontanenonhstaton, ne ne wenserakon tkahas atonhnets. Ónhka káti iakokwénion ne tho nikaioʼtenhserò꞉ten aiakoióʼten?

Psalms 54:6

Kwáh akattsenhnonhniatserákon tsi enkontátʼtse nakonhiatsienkwaronniáthen; kwáh thenkatenonweráton ne sasénhna, Ó Saiá꞉ner, asèken ioiánere kíʼ í꞉ken.

Numbers 6:15

Káti ó꞉ni ónenk tsi iensátkaʼwe sehwathéra kanátaro né꞉ne iáh othènen thatekaiéston ne waʼthenhkwáhtha: kanatharátens né nothésehra tekaiéston ne iakenʼiewátha kènhie tánon ne kakaʼretsheʼrátens né káronh ne iakenieʼwátha kènhie, tánon ne iehiowènhte ne tsi niwaterihwanónhtons nonátsias tánon ne onenharataʼsehontserákeri.

Ezra 7:17

“Kwáh tashateweién꞉ton tsi íhsats kí꞉ken oʼwísta tánon ne senaskwahní꞉nont ne té꞉ro, teiotinakaronhtón꞉a ratítsinn, teiotinakaronhtón꞉a owí꞉ras, onátsias, ó꞉ni onenharataʼsehontsherákeri tánon thóh iahásren ne ientsenharákwahke ne Ononsatokentihkó꞉wane ne Jerusalem.