Numbers 10:10 - Ohiatonhseratokénti

¹⁰ Káti ó꞉ni tsi nisehwatonhʼnahéra ne iotkàte—né꞉ne orá꞉kwaʼse tsi nisewakhwahérha tánon noiásons íken ne karihwiʼióhston aorihwáke tsi sewakhwahéras—ónenk kíʼ tsi ensewatátiste ne kahonrawatskówa nó꞉nen né ensewaterihwaténtiaʼte nahisewateskónhten aorihwàke tánon ne skaʼríhwa aorihwáke íken. Ethòne kíʼ enkwasniénon. Í꞉i né Watiá꞉ner Sewaní꞉io í꞉ken.”

Numbers 10:10 Referans Kwoze

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

1 Thessalonians 4:16

Kwáh enwahtewenʼnótahke, ne raronhiakerononkówah raowénna, enkontáti ne Rawenni꞉io rahówenk iehonrahwátstha, tánon ne Roiá꞉ner kwáh iatehahiáti entʼtátsnente ne karonhiáke. Tsi nihiákon ne iakawenhéion ne thonwetákwenʼne ne Kerístos neh tentiehénte tentiontʼkétsko nahonsahiontónnhete;

Nehemiah 12:35

ó꞉ni otià꞉kes ne ratiʼtsihénstatsis raotinekenteronhtsherashón꞉as ne ratiháwe iehonrawátsta, Zechariah, né꞉ne roʼní꞉ha ne Jonathan, né꞉ne roʼní꞉ha ne Shemaiah, né꞉ne roʼní꞉ha ne Mattaniah, né꞉ne roʼní꞉ha ne Micaiah, né꞉ne roʼní꞉ha ne Zaccur, né꞉ne roʼní꞉ha ne Asaph,

Ezra 3:10

Nó꞉nen ne ratinonhsón꞉nis tahontháhsawen nahonhnón꞉ni tsi wahatitstenhrakwenhtháro tsi nón꞉we nenhkonhwénhskwahre Nononhsatokentihkó꞉wa, ne ratitsihénstatsis wakóses ronátstons wathatí꞉taʼne tánon iehonrawátstas ratihawánion, tánon ne Levites né꞉ne tsi ratitióhkwaien ne Asaph thóh wathatí꞉taʼne tehiotwashakwenón꞉ni ratí꞉hawe. Wahonwashén꞉naien ne Roiá꞉ner né tahiohianénhawe ne waterenhnothasónhas tsi nithonwaná꞉wi ne shihotenhniserathénionhkwe ne Ronhnonhtí꞉iokwe Táwit.

2 Chronicles 29:28

Kwáh tsi nihiákon né nón꞉we ní꞉ienskwe wahontiátaren tsi wahonterénhnaien, tánon tsi natehiakorihwákwens ó꞉ni nó꞉ia nikarenhnoténsons iáh tehonatkháwen tsi kíʼ nió꞉re akwé꞉kon ne watéskonhte iahontsáhaʼte.

2 Chronicles 29:26

né ionhterenhnathakwahsónhas né sá꞉kas tsi ní꞉ioht ne Ronnontí꞉ioʼkwe Táwit rásthakwe. Né ratitsihénstatsis thóh nón꞉neʼe ratíthakwe ratihawáhions ne iehonrawatsthákwas.

Numbers 10:9

“Nónen tsionhontsáke nónhwe nihiakoterí꞉io, tisehwatatèhnes tsi nó꞉kwah ne tesehwatáʼtshons tsi nikáien ne tsitʼieietʼtsihiatsiatónhtion, sehwatátis ne ionhteriʼiostákwah kíken kenihonrawatskówas. Í꞉i ne Watiá꞉ner ne Sewaní꞉io enkwahiénawase tánon enkwahiatanónstate tsi nó꞉kwah ne tesewatáʼtshons.

Acts 10:4

Iathotʼkáneren ne raronhiakerónon katerontserákon tánon wahénron, “Nahóten, Sénʼshion?” Ne raronhiakerónon watariwaseráko, “Ne Rawení꞉io rawerentí꞉ios ne saterén꞉naient ó꞉ni tsi nisahióte ne kenténron, ónenki rotateweiennentáʼon tahiariwaserákwaʼse.

Matthew 11:28

Kasene ise ne teseȣaȣishenheion oni seȣaȣishenne, nok ii enkȣasnienon.

Psalms 89:15

Iakotáskats nonkweshón꞉ha tsi iakorenhnáhon ne taieríhwaʼkwe tsi ahiesahsénhnaien, tsi etʼthohʼnónwe nihonhnón꞉nhe kaswatʼthetsherákon tsi nisarihwaʼnonhwéhon;

2 Chronicles 7:6

Né ratitsihénstatsis thoʼnónwe nihatíthakwe tsi kíʼ nón꞉we nihonwatihnaktarakwénhni, tánon ne tehontatkonhsakánere ne Leviró꞉nons, tehonwanonhweratónhnions ne Roiá꞉ner tsi nihonaterenhnó꞉tons ne ionterenhnothakwahsónhas nètho Ronnontí꞉io Táwit totʼkáwenh tánon tehotirihwakwáhnion, “Né raononhronhkwáhtshera né꞉ne tsi nénhwe enkénhake!” né tsi nishakonáhon ne Táwit. Né ratitsihénstatsis wahatihonhráwaʼte tsi náhe nonhkweʼshón꞉as thóh iéthaʼkwe.

1 Chronicles 16:42

Né Heman tánon ne Jeduthun ronónha nón꞉ne ronaterihónthaʼkwe ne iehonrahwátsthakwa ó꞉ni ne tehiotwasakwenónhnis tánon noiáson ionterenhnotákwas né꞉ne ronhterenhnothákwa ne karenhnasónhas ne tehiontenonweraʼtónhkwa tsi tenhatiríhwaʼkwe. Ne Jeduthun rahotaráhkon nón꞉we nihatiʼiátare né꞉ne ronateríhonte nahontenhnikonhráhren tsi iotenhenrahkarónhtons.

1 Chronicles 15:28

Ká꞉ti ratikwé꞉kon Nisraeʼró꞉nons wakonwaʼtsatóntʼthaʼse tsi niahatíhaʼwe Naterihwaseronniátshera Oneró꞉kwah ne tsi niahónhne ne Jerusalem tehotihenréthaʼne tsi nihonatʼtsenhnínon, kawenhnotáʼtse ne kahonrahwatsʼkówa ó꞉ni ne iehonrahwáts꞉tha, tánon ne tehiotwashakweʼnónhnis, tánon tsi niʼkarenhnotátse nonowaʼkówa.

Joshua 4:7

tánon kwáh ensehró꞉ri né꞉tho kaniataratátie ne Jordan wakká꞉taʼne tsi watnekí꞉ne ne nó꞉nen ne Roiá꞉ner Roneró꞉kwa Naterihwaʼseronhniá꞉tshera thóh í꞉wah watkaniaʼtarihiáke. Kí꞉ken onenhiaʼsón꞉as kwáh tió꞉konte tsi enhiakawehiarakweníheke nonhkweshón꞉as Nisraerʼró꞉nonhke tsi nihiawénhen ne ken nón꞉we.”

Numbers 29:1

Nenhtewatenhniseratiérenhte ne tsatákhaton niwenhnítare ensehwatiataróhroʼke naisewaterénhnaien, tánon kwáh iáh othènen takahioténhʼen. Né wenhniseráte ne iehonrawátstha enhonterenhnóten.

Exodus 28:29

“Ne nó꞉nen ne Aaron ienhatáwehiaʼte ne tsi tsotokénti, tenhatentskwenahʼná꞉ke né꞉ne tsi nikáien kaieronhnítston ne raotiʼsenhnasónhas ne lsarerʼró꞉nons, ne káti Ní꞉i, ne Watiá꞉ner, kwáh tiókonhte tsi enkheiehiárahʼke nakonhwetashón꞉ʼa.

Revelation 22:17

Ne Roʼnikonrí꞉ioston tánon ne ioniát꞉ke iá꞉ton, “Káts.” Tánon ahnion onkwé꞉takweʼkon nón꞉ka enhiakó꞉tonhtene ieron, “Káts.” Tánon ahnion ón꞉ka ne iakó꞉niatatʼtens káts. Ahnion ón꞉ka ne ionská꞉neks nahieiena noneká꞉nos ne ionnheón꞉we tsi enhionthá꞉ton.

1 Thessalonians 4:18

Ne káti, tesewahtatenikonranírat tsi natesewáhtereh kí꞉ken nakawennótens.

Isaiah 27:13

Tánon nètho entewenhniserate kowanenh iehonrawátsta enwatatiston, tánon tsi nihiakon ne iakotsiá꞉thatonhon ne tsi ionhontsaien ne Assyria tánon tsi nihá꞉ti ne ronwatihiatinekenhen ne tsi ionhontsaien ne Egypt kwáh tentonhne nahonwasenhnaien ne Roiá꞉ner nètho nón꞉we tsi iononhtató꞉kentike ne Jerusalem.

Psalms 150:3

Tehonwanonweráton ne áionste ne iehonrawátsta; tehonwanonweráton ne áionste ne nikanó꞉waʼha ne karenhshotáron tánon nonhowakówa karenhshotáron!

Exodus 30:16

Kawistaróhrok nokwáh ne onkwehókon Israerʼró꞉nonhke tánon né skárhiakt nahontátie natóhsehra tsi nónhwe nikíteron. Kí꞉ken kawistarohrón né enkakaʼrhiákʼthonʼke tsi ronhnonʼnhéʼnions, tánon enkehiárahke nahontaʼkhène.”

Numbers 28:11

Iasehwát꞉kaf ne watéskonhte rahonháke ne Roiá꞉ner né tiókonhte nensewenhnitárane: né꞉ne teniʼiáhse ne kenhnithonihiónha téro, saiáta teiotinakarontónʼa rátsinn, tsáta niháti ne énska tehonosehrihiákons teiotinakaronhtónʼa ratítsinn, ratikwékon ne iáh othènen tehothitsihióthare.

1 Samuel 20:5

Ne Táwit wahawénhase ne Jonathan, “Nenhió꞉renhne áse enskarakwárahne, tánon iáh tahonkeriwanóron ne skátne ahiatiá꞉tièn ne ronnontí꞉io tsi nateiontská꞉ons; ók saskát꞉kaf, ne káti nahón꞉ton atatásehte thóh kahentáhke tsi niʼió꞉re nasenhá꞉ton nenhiokaratseráteke.

2 Kings 4:23

“Onh nonhtséren tsi ónhwa wenhniseráte thóh iáhse?” ne teníteron waharihwanónhton. “Iáh seh orákwahse tsi naʼtehiontenónhwerons khés ne iawenhthatokentíke thèken.” “Iáh werohatiénhak,” tsi watkarihwaseráko.

Joshua 6:4

Tsáta niháti ró꞉thikares, satihiatatʼtions ratihawinonhtie ne kahonrawatskowah, né꞉ne ohénton nienhonhne ne ateriwaserón꞉niatshera oneró꞉kwa. Né tsathakhaton nenhwenhniserateke níse tánon ne ronhterí꞉ios tsi ensehwanenhrahseronhni tsi tensewanathatase ne kanató꞉wanenhke né꞉ne tsáta nihioriwá꞉ke tsi nikaríwes ró꞉tihonrawaton ne ró꞉thikhares.

Psalms 81:4

Asèken thóh nikaianerenhseró꞉te Nisraeronónke, Né kíʼ ken ne raohianerénhsera ne Jacob Raoní꞉io í꞉ken