Numbers 1:51 - Ohiatonhseratokénti

⁵¹ Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 1:51 Referans Kwoze

Numbers 3:38

Ne Mahís tánon ne Aaron ó꞉ni ne sakotiʼhioʼokónhas ohénton ne tsi watóhsehrote né nónhwe nenhontenáʼtaien né꞉ne tsitʼkarakwínekens nòkwahti. Né nènhne roʼnaterihwaiénhni nahonterihwatsʼtériste tsi niʼhioterihwaʼtiéren tsi nónhwe ne Iotokénhti íken né nonhkweshón꞉ʼas NÍsraerʼró꞉nonke akorihwáke. Nónhka akóren nahionʼteniénten né nahiéiere kwáh kíʼ enhionhthaʼtenonhwariákon.

Numbers 3:10

Níse ónenk tsi Aaron entshiataráko tánon ne sakohiohoʼkónhas nahotiʼhióten tsi nihonaʼterihwaiénhni ne ratiʼtsihénstatsis; nónhka nakóren ahionteʼniénten né naiéhiere ónenk kíʼ tsi enhiontaʼtenonhwariákon.”

2 Samuel 6:7

Kwáh ók꞉saʼok ne Roiá꞉ner wahonhákwase ne Uzzah; tánon ne Ní꞉io kwáh thonónhwe wahononwarhiákhon tsioríwa tsi iathatsáneste tsi kanorokwáhere nateriwaseronniátshera; tánon thóh warénheie ákta tsi kanorokwáhere ne raoteriwaseronniátshera ne Ní꞉io.

1 Samuel 6:19

Tsi nithotwatsirí꞉non ne Jeconiah kwáh iáh skátne tehonaʼtonnáhere nónkweʼókons ne Beth Shemesh nó꞉nenh tenhontátken tánon washaʼkononwaʼrhiákon tó꞉ka ní꞉hati nonkweʼókons ne Beth Shemesh, tsioríwa tsi iahontkehtó꞉ten raoʼneró꞉kwakon ne Roiá꞉ner; tánon waʼshakononwarhiákon wísk niwáhsen niwenhniawehetsherásen tánon tsá꞉ta niwáhsen niháti ronhnón꞉kwe. Nonkweʼókons wahontsónnion tsioríwa ne Roiá꞉ner tsi naʼthatenonhianíton washakowéntho nonkweʼókons.

Numbers 18:22

Ne ronátsiakes NʼIsraerʼró꞉nons iáh ónenh tehiówenk ne ákta natahontahónhne ne tsi watóhsehrote tánon thóh kíʼ ní꞉ioht tsi enthontatʼthawíten ne kaní꞉tshera nahonhníheie.

Numbers 16:40

Né káti kí꞉ken nahonwanaronhkáten NʼIsraerʼró꞉nons né꞉ne tsi niháti ne iáh Aaron nónhwe thitonatwatsiríhnon ónenk tsi ientsienharákwahke ní꞉tsien nahonwatsahátaʼse ne kanetanóron ne Roiá꞉ner. Ók tó꞉ka iáh, nonhtiérenk kíʼ enhonwanátonte tsi kíʼ ní꞉ioht ne Korah tánon ne rahonkwetashón꞉ʼas. Akwékon kí꞉ken thóh naháwenhne tsi kíʼ nihoríhonhte ne Roiá꞉ner ne Eleazar rahonháke ne Mahís.

Numbers 10:11

Ne tewasenháton shiʼwenhnisehrakéhaton né tekeníhaton shiʼwenhnítare né tehiosehrakéhaton nó꞉nen nonhkweshón꞉ʼas shaʼtethoʼnaténhtion NʼEgypt, notsíkera ne èhneken ne tsi watóhsehrote tsi nónhwe nihénteron ne Roiá꞉ner èhren shá꞉wete,

Numbers 17:13

Tó꞉ka ónhka ákta nahontáien ne tsi watóhsehrohte kwáh enhiaiéheie, kwáh kíʼ thóh nihioiánere tsi ní꞉ioht nahionkwenhéionhke!”

Numbers 18:3

Kwáh enhatirihwaieríʼtsheke tsi nihotihiotenhseró꞉tens ne sonháke tánon tsi nihonaterihwaiénhni tsi nó꞉kwa natóhsehra, ók kwáh kíʼ iáh tehiówenk ne thènen iahatiʼiéna ne iotokéntis tsi nónhwe ne Iotokénti íken ó꞉ni ne ietsienharákwah. Tó꞉ka thóh nenhatí꞉iere, sehwakwékon kíʼ tsi enhietʼtsinonhwariákon.

Numbers 18:7

Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

Numbers 17:5

Ethòne ne rahoténhnits ne rihiatharákwen enkaterónhten. Thóh kíʼ ní꞉ioht tsi ténkʼtaste tsi tiókonhte rotirihwakaténhʼen kí꞉ken Israerʼró꞉nons tsi nó꞉kwah ní꞉se.”

Numbers 18:4

Ónenk tsi skát꞉ke ensehwahióten níse tánon nahatirihwaiérihte tsi nihonaterihwaiénhni tsi nikahiotenhsehráiens ne atohserákon, ók iáh kíʼ ónhka ne iáh tehiakohiotenhserarenhnáhon ne skát꞉ke níse ahisewahióten.