Numbers 1:50 - Ohiatonhseratokénti

⁵⁰ Khéʼkenk, ne Levites né sehrihónten nahonterihwatsʼtériste Natóhsehra tsi nónhwe niʼkíteron tánon akwékon tsi niwatsʼtasónhas. Ronhnónha enhatíhawe tánon tsi niwatsʼtasónhas, thóh enhotiʼhióten, tánon thóh aktóntie enhontená꞉taien.

Numbers 1:50 Referans Kwoze

Exodus 38:21

Kènʼen kahiatónhnions tsi níkonh ne karísthatsis wátston tsi nónhwe nihénteron ne Roiá꞉ner, tsi nónhwe ne tekenstenráhke niwateweniéntons né꞉ne tsi nónhwe nikahiatónhnions ne oiéri nihawénhnake. Ne tsi kahiatónhnion Mahís rotenhnáhon tánon né꞉ne Levites ronónhni né꞉ne tsi nihotenhnikonhrahráton ne Ithamar né꞉ne Aaron roiénha né rokháres.

Numbers 4:15

Nó꞉nen ienkáhewe ne tahonshonhnatáhkwenhke, né rahotiʼtiókwa ne Kohath ne entʼthónhne niaʼhiatíhawe ne iotokéntis íkens thóh ne khók kíʼ tsít enhontíhsonhke ne Aaron tánon ne shaʼkohiohʼokónhas tsi ratiʼróroksʼkwe tsi niwatsʼthasónhas. Ne Kohath rahononhkweʼtashón꞉ʼas iáh tehiówenk né thènen iahatiʼiéna ne iotokéntis íkens, thóh kaʼthonenhatí꞉iere enhonhníheie kíʼ. Thóh kíʼ nihotiʼhiotenhseró꞉tens ne Kohath rahotiʼtiókwas nó꞉nen natóhsehra tahonshaʼkonhwanathákwahte.

Exodus 31:18

Nónen ne Rawenni꞉io sahá꞉sa tsi roʼtharakwenhníhakwe ne Mahís ne tsi ionónhte ne Sinai, tahá꞉wen ne tékeni osténhras tsi nónhwe né kwáh rahónʼa ne Rawenni꞉io rohiatónhnion ne kariwatátʼtsheras.

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Numbers 20:11

Ethòne ne Mahís wahaʼniakaráthate tánon tehioríhwake ostenhráke wahanonhwáreke, tánon tehiotenonhianíton tsi kahionhowánen takanekóten, tánon onhkwetakwékon ó꞉ni ne khontitshénens wahatinekíra.

Psalms 122:4

Kénh kí nónh꞉we nonhkweʼshónha nénhtsien, né꞉ne raotsiókwah ne Roiá꞉ner. Né tsi nikonwaʼianerenhseronhniénhni ne Israel, né꞉ne tahontenonhweráton ne raosénhna ne Roiá꞉ner.

Nehemiah 13:5

Tánon raónha rotatkwahthakwénhni ne ionatowá꞉nen né꞉tho tiotierénhton ronstáhkwe tsi nón꞉we nihontakweniaiéns꞉kwe nathatawí꞉tsheras, né꞉ne kanhetanó꞉rons tánon nakerahshón꞉as tánon tsi nitsiakoiéston noná꞉tsas tánon nonenharákeris tánon ne ronhnateienhnón꞉ni, né꞉ne tsi nihonwatinhá꞉hon nahontasakó꞉non ne Levites tánon ne tehatirihwákwas tánon ne tehontenhenranónhna tsi nihonwatikárhiakse ne ratiʼtsihénstatsis.

Nehemiah 12:47

Ne shihothenhniseraténionskwe ne Zerubbabel ó꞉ni shiothenhniseraténionskwe ne Nehemiah, onhkweʼtakwé꞉kon Nisraerró꞉nonke thonwaná꞉wiskwe ne tehatirihwákwas tánon ne tehontenhenranónhna tsi nihonawénhkwe iatewenhniserá꞉ke. Tánon wakonwatonhnáherase tsi nahonawénhke ne Levites tánon ne Levites wakonwatonhnáherase nonhné꞉e tsi nahonáhweke ne raonekenhterontsheraʼshón꞉as Aaron.

Nehemiah 12:22

Ne Levites thóh nón꞉we nihonónhnekwe tsi nihonahtenhniseraténionskwe ne Eliashib, Joiada, tánon ne Johanan, tánon Jaddua tsi nikahiatónhnion né꞉ne sakotihentenséhawe ne kaʼní꞉seras tánon ne ratiʼtsihénstatsis tsi niió꞉re iahonontí꞉ione ne Darius né꞉ne Persiaró꞉non.

Nehemiah 12:8

Tánon ne Levites, Jeshua, Binnui, Kadmiel, Sherebiah, Judah, tánon ne Mattaniah, skátne ne rontatekenʼokón꞉as, né꞉ne ronaterihón꞉takwe ne karenhnashón꞉as ne teiontenonweratónhkwa,

Numbers 10:21

Ethòne ne Levites né꞉ne tsi ratiʼtáraien ne Kohath ienshontásawenh, ratiʼhawinónhtie ne iotokéntis nahoténsons. Tsi nióre niahónhnewe tsi nónhwe ienshontenátaien, nathósehra khá꞉ha shonatosehróthe.

Numbers 2:17

Ethòne, tsi natehóntere kí꞉ken thóh natierénhton tekenhtiókwaken tánon ne onakènhkha tekentiókwahken ne Levites tsi enhatiʼnenhraserónhni enhatiʼháwike natóhsehra. Né skanenhráʼtshons thóh ní꞉ioht tsi enhatiʼnenhraserónhni tsi kíʼ ní꞉ioht tsi ronanátaiens, ne skentiokwáʼtshons ronathaʼtewenʼiennentáhon tsi nónhwe nihonaʼteniataróhare.

Numbers 1:53

Ók kíʼ ne Levites thóh ákta tsi watóhsehrote enhontenátaien ne naʼhontenhʼnikonhráren, né káti ne tóhsa ónhka ákta nahontháien tánon ahierihónhni nakenakwáhtshera ahotí꞉iente ne tsi ratiʼnakerasehráien ne Israerʼró꞉nons.”

Revelation 15:5

Shontóhetste kí꞉ken iakatkáto, tánon nononsatokentikó꞉wa ne tsi ronathatoseró꞉te ne ratiriwaní꞉rats thóh karonhiá꞉ke watewatenonhón꞉ti,

Numbers 17:7

Ne Mahís ethòne akwékon naténhnits atohsehrákon iaháhionte ohénton waʼháien tsi nónhwe nikáien ne Roiá꞉ner Raonerókwah Naterihwasehronhniátshera í꞉wa.

2 Chronicles 24:6

sók kíʼ Jehoiada iahó꞉nonhke, né꞉ne sakohéntenhse í꞉ken, tánon waʼharihwanónhton, “Onh niʼiohtséren tsi iáh teshanikónhrahre nètho Leviró꞉nons nahatiróhroʼke né Judah tánon Jerusalem nón꞉we nowísthas tsi nʼi꞉ioht ne Mahís, ne rohiotenhséhakwe ne Roiá꞉ner, tsi nishakorihwisenhénhni nonhkweʼshón꞉as; nahatikarhiáksheʼke nakonhwaié꞉nawaseh ne tsi Watosehró꞉te tsi nón꞉we nihénhteron ne Roiá꞉ner?” (

Numbers 4:3

tánon ratiʼkwékon ashaʼkotisenhnaʼrónhnion ne ronhnónhkwe né꞉ne tsi natetiátere ne áhsen-niwáhsen wísk tánon ne wísk niwáhsen natehonoʼsehrihiákons né꞉ne ratiʼrihwaientéri nahotihióten natohsehrákon tsi nónhwe nihénteron ne Roiá꞉ner.

Numbers 8:19

tánon Aaron tánon ne sakohiohʼokónhas wakheʼrihónten nashaʼkonatenhnikonhráren ne Levites, né꞉ne NʼIsraerʼró꞉nons rahonathatawítsheras, né natohsehrákon ahotihióten né Israerʼró꞉nons rahotirihwáke tánon nahontahonwátiʼne NʼIsraerʼró꞉nons tsi nókwah ne kariwaiesátsheras nenhotíienthe tó꞉ka sóhtsi ákta nentʼthónne tsi nónhwe né kwáh Iotenatatokénti íken.”

Numbers 8:20

Káti ne Mahís, ó꞉ni ne Aaron, tánon ratikwékon NʼIsraerʼró꞉nons tsi wahonwatiʼhiatatériste ne Levites,

Numbers 8:22

Ne nonhkweshón꞉ʼas kwáh akwékon thóh nahatíiere tsi kíʼ nihoríhonte ne Roiá꞉ner ne Mahís tsi nòkwah ne Levites. Tánon káti ne Levites ónen iahatiʼhiataiérihne nahotihióten natosehrákon né꞉ne Aaron tánon sakohiohʼokónhas enthonwatiʼniarotárohke.

Numbers 18:5

Í꞉se tánon ne sehiohʼokónhas iatesewahiátis ónenk tsi ensewarihwaiérihte tsi nihioterihwaiénhni tsi nónhwe ne Iotokénti í꞉ken tánon ne ietsienharakwáhke, né káti nakenakwahtshérha ne tó꞉sa shé꞉kon ahonsahotíraʼne nonhkweshón꞉ʼas NÍsraerʼró꞉nonke.