Nehemiah 2:3 - Ohiatonhseratokénti

³ Tánon wahiièn꞉hase ne ronnontí꞉io, “Aiá꞉wens ne ronnontí꞉io karí꞉wes arón꞉nheke! Ohnontié꞉ren ne konksáke ne tó꞉sa ahontahionikonrénhen, Nónh ne kanatowanénhke tsi nón꞉we ne rakeʼní꞉ha ní꞉ken ne raotsatónhkwa, kwáh iáh othé꞉non tèken tánon nahʼtenhenrashón꞉as ótsire ne ioʼtsaháton?”

Nehemiah 2:3 Referans Kwoze

Nehemiah 1:3

Tánon wahonkénhase, “Tsi nihá꞉ti ne ieteshonathaténron tsi ronwatiiatinekénhen tánon thóh ratì꞉teron ne tsi kanakerahserá꞉ien ne ne kowá꞉nen tsi watkanikónraren tánon atehénsera. Ne tsi tewashón꞉thote nosténra ne tehiokwahtaséhton ne Jerusalem ne tsi tehiorí꞉hon tánon ne tsi iotenhenrentónhnion ioté꞉ken.”

Daniel 2:4

Waʼthonwarihwaʼserákwaʼse ne ronnontí꞉io né ne Aramaic kawennontáhkwen wáhontste, “Sanontí꞉io tsi nén꞉we sónnhek! Takwahró꞉ri ne satetshénhsera, tánon enkwaʼnikonhraientáhten.”

1 Kings 1:31

Ne Bathsheba ehtàke watewakʼtsákeʼte tánon wakénhron, “Aiáwens Natiáner ne ronhnonhtí꞉io karíhwes arónnheke!”

Daniel 5:10

Ne ronnontí꞉io roʼnisténha waʼakothón꞉teʼne tsi nihonaterakarehráhston ne ronnontí꞉io tánon ne raonkweʼtaʼshón꞉ʼa sók iaontáweiaʼte tsi tkakhwáhere. Waʼéron, “Aiónnise Sanontí꞉io ahsónhnheke! Ahsathontátsheke tóhsa sateronhiénhten ó꞉ni eʼtho niió꞉re tsi tahsatskennentónten.

Psalms 137:6

Ánion ne kenhnasáke thóh iehiorahnénhtat éhʼneken ne ksákon, tó꞉ka iáh tahonsakonhiehiárahne, tó꞉ka iáh ne takónhniate ne Jerusalem né kwáh éhʼneken tiót꞉te nakatʼtsenhnonhniátshera.

Daniel 6:21

Daniel tontaharihwaserá꞉ko, “Aiá꞉wens Sanontí꞉io aiónniseʼ ahsónhnheke!

Daniel 6:6

Sók kiʼ atahsehtòn꞉ke tsi wahonterihwahserón꞉ni, ronnontí꞉io ahonwatkenʼsé꞉rah, tánon shiahónnewe wahonní꞉ron, “Ó Sanontí꞉io Darius aiónnise ahsónnheke!

Lamentations 2:9

Naʼtenhenrashónhas ne tiothiʼiatháten tsi hiostókote, ne thekarenwaniónkwes kénk níwas thehiotsákons. Ne Ronnontí꞉io tánon ne rathisennowánens ó꞉nen ronahnakerákwen. Ne kaianerénsera iáh ó꞉nen thesonwatirihonniénni, tánon ne iehatiriwákens iáh othénen tesesakorihothasénnis ne Roiá꞉ner.

2 Chronicles 32:33

Hezekiah warénheʼie tánon tsi wahonwahiatháta né꞉ne é꞉neken nòkwahti ionátʼthaien ne tsi nón꞉we nihonwatihiathatahástha ne kanonhtiʼiótsheras. Ratikwé꞉kon nonhkweshón꞉as ne Judah ó꞉ni ne Jerusalem kwáh í꞉ken tsi kowánen tsi ní꞉ioht tsi wahonwakwénienste sharénheʼie. Né꞉ne roiénha Manasseh thonsahonatʼthákwen tsi sahatenontí꞉iosʼte.

2 Chronicles 28:27

Né Ronnontí꞉iokwe Ahaz warénheie tánon Jerusalem nón꞉we nahonwahiatháta, ók iáh kíʼ tsi nón꞉we nihonwatiʼhiathatahásta ne kanonhtiʼiótsheras. Né roiénha Hezekiah thonsahoʼaktákwen tsi sahatenontí꞉iosʼte.

2 Chronicles 21:20

Né Jehoram sahononhtí꞉ione ásenh-niwásen-tékeni satehahoserihiákon tánon shaʼtékon nihioserákeʼkwe nikaríhweskwe rotkorástonhne ne Jerusalem nón꞉we. Kwáh iáh ónhka tehiakonikonhratʼsénhen sarénheie. Táwit raonáthakon nón꞉we nihonwahiatháten, ók iáh tsi nón꞉we nihonwatiʼhiatataʼhástha ne ronhtinonhtí꞉ioskwe.

Daniel 3:9

Wahonwénhase ne ronnontí꞉io Nebuchadnezzar, “Sanóntí꞉io tsi nén꞉we sónnhek!

Psalms 102:14

Né sanhatsherahókons konhwaʼnorónkwah, iawerohátien tsi konwathónhton konhwénʼthenre iawerohátien tsi iorihwaʼiesáhon.

Leviticus 26:31

Kwáh né enkónhniaʼte ne sewanatowánens nakarihwahiésa, enkerihwenhtonháton tsi nónhwes nishaʼterenhnaientáhkwas, tánon iáh thakatʼthónthaʼte natiéna ne sarihwiʼiosehokónhas.

2 Kings 25:8

Né tsatákaton niwenhniserakéhaton ne wískʼkhaton siʼwenhnitakéhaton né tiotón꞉haton siʼioseráteʼkwe siʼhonontí꞉ioʼkwe ne Nebuchadnezzar né Babylonia nón꞉we, né Nebuzaradan, rahón꞉ha ne ronnontí꞉io rotenikonráhwiskwe tánon rahón꞉a ne rahsennówanenhne kènʼne tsi nòkwah ne ronterí꞉ioskwe kentsókwah, iahatinátaraʼne Jerusalem.

2 Chronicles 36:19

Wahatenonkwénhtaʼwe Nononsatokentiʼkó꞉wa tánon ne kanatowanénhke, akwé꞉kon ne kanontiʼiótshera tsi kanonshó꞉ton ó꞉ni nahokwahséhtshera, tánon waʼthasonhtarihthánion ne tsi tewaʼsonthothaʼkwe ne kanatowanénhke.

Nehemiah 2:13

Hiatsakénhne ne tsi niwáhsonteskwe, thóh iakatoheste nahonráhkwakon iotenhenrakáronhte iakatóhetste ne iononwaronhtsétha tionékote tánon thók niió꞉re iattianáktane ne tsi tiotenhenrakáronte nótha, wakatkenséhatie nasón꞉tas né꞉tho tsi nateiorí꞉hon ne Jerusalem, ó꞉ni ne tsi iotenhenrakáronhte ne iotéken.

Jeremiah 52:12

Ne wískhaton shiʼwenhnithakehátse, ne ne oieríhaton shiwenhnisehrahkéhaton, ne ne tiotónhaton shiʼhiosehrahthátse ne Nebuchadnezzar shiononhtí꞉io ne Babylon nónhwe, ne Nebuzaradan, né rahnenhrahkweníhiokwe ne rahthiʼnikonhráhrahkwe, roterihónthaʼkwe ne Babyloniaró꞉non Raononhtiʼiotsherákon, iahárahwe ne Jerusalemke.

Esther 8:6

Oh ká꞉ti nén꞉tiere iaweriahsanòn꞉wahkt tóka kí꞉ken atkaronniáhtshera enionkwá꞉raʼne tsi nihá꞉ti akonkweʼtaʼshón꞉ʼa, ó꞉ni nakhwá꞉tsire akwé꞉kon enionkhiiaʼwéntho?”

Psalms 38:7

Kwáh í꞉ken tsi wakitonkwáros; kwáh í꞉ken tsi waʼkenonwákʼtani.

Psalms 102:15

Né ronhnonhontsakeʼró꞉nons enhatitsaʼnísehke ne raosénhna ne Roiá꞉ner, ratikwékon ne ronhtinontí꞉ios ne tsi ionhontsáte enhatitsanísehke ne raoshaststénhsera.