Micah 3:1 - Ohiatonhseratokénti

¹ Tánon waʼkí꞉ron: Sewatahónsatat, í꞉se nonón꞉tsi í꞉ken tsi nokwáh ne Jacob tánon sewaʼkó꞉ras ne tsi ronón꞉shote ne Israel! Iáh ken tehiówenk naisewaterienhtárake ne kaiá꞉neren?—

Micah 3:1 Referans Kwoze

Hosea 5:1

Sewathóntet kí꞉ken, O sewatsihénstatsis! Sewathenʼnikónhraren, O tiónkwes Israerró꞉nonhke! Sewatahónsatat, O rahonkweʼtashón꞉as ne Ronnontí꞉io! Asè꞉ken ne karihwenhtátsheras í꞉se sewarihwá꞉kes; asè꞉ken í꞉se teietsinikará꞉rahkwe ne Mizpah nón꞉we, tánon ahá꞉re watkonwatakwaríten ne Tabor,

Isaiah 1:10

Sewathóntek ne raowennahó꞉kon ne Roiá꞉ner, í꞉se ne ietsihenténhse ne Sodom! Sewatahónsatat né raorihonhnienhnítshera nón꞉kwah Ní꞉io, í꞉se ne tsiónkwe ne Gomorrah nón꞉we!

1 Corinthians 6:5

Shaʼtéhen! Oriwiʼiohónwe tóhkaʼ senónwah shahiátha ratʼthó꞉kha rahiátare ne sehwentiókwahkon nahakwéni ahariwahserónni nahterihotarótʼtshera tsi nahtesewáhtere ne sewahriwiʼióstons.

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Psalms 14:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Roiá꞉ner?

Deuteronomy 16:18

“Ietsihiatarakwenhá꞉ton ratiriwénhthas ó꞉ni ne ronatià꞉kes nahonterihontón꞉nion ne niaʼtekaná꞉takes né꞉tho Roiá꞉ner entetsítson. Kí꞉ken ronhnónkwe kwáh tó꞉sa káneka ahontahotiriwaré꞉kwen tsi tensakothihiaʼtó꞉rete.

Ezekiel 9:9

Rawenni꞉io wathariwahseráko, “Nonhkweshón꞉ʼa ne Israerʼró꞉nonhke tánon ne Judahró꞉nons tehiotenonhianíton tsi rotiníkon ne kariwanerahákʼtsheras. Ohontsakwékon tsi shakonaséhtons tánon ne tethotiráhton ne Jerusalem ne kariwakhétkens. Rónhton Í꞉i, ne Watiá꞉ner, éhrehn wakéthon ne rahothinakerahserákon tánon iáh tekhékens.

Ezekiel 34:2

“Rónhkwe iaiénha,” wahénron, “Sehrihontháko ne ratikoráhsonhs ne Israel. Iasehriwáhkens, sehró꞉ri tsi nahó꞉ten ne í꞉ih, ne Wakenonhtí꞉io Watiá꞉ner, kheró꞉ris: Ensehwatʼréwahthe, í꞉se ne katʼtshénen iettsinikónhrahre ne Israel! Sehwahthatenikonhráhrak, ók tó꞉sa kíʼ nonhwénton ietʼtsiʼiatstérists ne teiotinahkaronhtónha.

Micah 2:13

Ne nón꞉ka nenhsaniá꞉kenhne kwáh raotihénton énhre; kwáh kíʼ thenhonhnótkawe tánon enhontóhetste ne tsi iothenhenraká꞉ronhte, kwáh thóh nón꞉we nenhontóhetste. Ne ronwanontí꞉io ensakotohétsthen raotihénton nienhénre né꞉ne Roiá꞉ner raotihénton énrenh.

Nehemiah 13:17

Eʼthò꞉ne wakhehiatewenhnaién꞉tonhwe ne ratishenhnowá꞉nens ne Judah tánon wakheién꞉hase, “Onhnahó꞉ten kí꞉ken karihwahetkénhseras tsi nisewatié꞉ra, tesehwenhtiónsthas ne Sabbath wenhniserá꞉te?

Isaiah 10:2

ne nehrenhakahawítonke ne raotiʼianerénhseras ne teionkʼkárias tsi nahó꞉ten ne ronón꞉ha raonáwenk, tánon nashenénsko nakonkwetashón꞉has ne rotítenh raotiʼianerénhsera, nètho ionaterèhons nahón꞉ton ashenenskwenháton, tánon né nahón꞉ton ne asehiaterhiotónhniaʼte ne tehiontonhnakárias!

Ezekiel 22:6

Ratikwékon ne Israerʼró꞉nons sakotihéntenhse ne ratiniahésen ne raotishastsʼténsera tánon shakonahséhtha.

Ezekiel 34:3

Onónhta sehwahnekírah, né sewatʼtseronhniátha ne okénha ionhniáton, tánon ietsihiawénhtʼtos ne kwáh tionahrésenhs teiotinahkaronhtónha. Ók iáh kíʼ nonhwénton thateietʼtsiriwasniéseh ne teiotinahkaronhtónha.

Amos 6:1

Ionikonráksat tsi nihiá꞉kon ne tsakoterákare ne Zion nón꞉we, tánon tsi niiá꞉kon ne ihiénhreh iakontaní꞉ron ne tsi Ionónhte ne Samaria, í꞉se ne sewasenhnowá꞉nens ne ietsihénthenhse ne kí꞉ken kentiohkowá꞉nen Nisraeró꞉nonke, tionháke nieiéntha nonhkweshón꞉as naieʼtsiié꞉nawaʼse!