Micah 2:11 - Ohiatonhseratokénti

¹¹ Tó꞉ka shí꞉ken onkát ne iakotharátses ne onowenhtós꞉kon í꞉ken, aiontón꞉heke, “Kwáh ienkerihwà꞉ke né꞉ne onenharataʼsehontsherákeri tánon ne ionekaní꞉ron,” raónha kíʼ iensakorihwákense ne rahonkweʼtashón꞉as!

Micah 2:11 Referans Kwoze

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Jeremiah 28:15

Ethóhʼne wahiró꞉ri kí꞉ken ne Hananiah, tánon iahátiesʼte, “Satahónsahtat, Hananiah! Ne Roiá꞉ner iáh tiehiató꞉rion, tánon wasehʼhiónnien kí꞉ken onhkweshón꞉a nahonthaiakéthaʼkwe noʼnhówenh.

Jeremiah 23:32

Sahtahónshatat tsi nahó꞉ten ne Í꞉i, ne Watiá꞉ner, káton! Khehiátkonhte thíken rotitokénhse ne ronhtró꞉ris ne rahonatetʼtshénseras ne ne titkáhere noʼnhówenhs. Ronhtró꞉ris kí꞉ken atetʼtshénsehras tánon shaʼkonatʼthaharakwáhtha naʼkonhkwetaʼshón꞉a ne ne oʼnhówenhs ó꞉ni tsi tehonahthaʼterénsharon. Iáh tiekhehiateniéton iáh ó꞉ni tekhenáhon ne iahónne, tánon kwáh iáh othènen tehotí꞉ien nashaʼkotiʼiénawahse nonhkweshón꞉a. Í꞉i, ne Watiá꞉ner, wakatáti.”

Jeremiah 23:25

Wakateriéntahre thíken rotitokénhse tsi nahoténsons rónenh tsi ronahthatíhon noʼnhówenh naksénnakon ó꞉ni rónton rahonatetʼtienseráhkonhs tekhehiáwi naʼkaterihwahnhotátsheras.

Jeremiah 23:17

Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Jeremiah 14:14

Nonk ne Roiá꞉ner wathariwahsehráko, “Ne rothitó꞉kense akʼsénnakon tsi ronnhowenhtánions; iáh tiekehiateniéton, iáh ó꞉ni thènen tetetkhehiáwi nakhenáhonke, iáh ó꞉ni ne tiowénhna thènen tetkheró꞉ri. Tsi nihonatkháton naʼtettsensehrákon tsi nihatitharáhkwah iáh akonháke nónh tetiawéhnon; tsi nihontró꞉ris kwáh iáh othènen tekariwástha tsi nihonahʼnonhthonniónhon.

1 Kings 22:6

Sók kíʼ ne Ahab iashakonónhkʼkon ne rotitó꞉kense, ká꞉nonh né kaiéri tewenhniáwe niháti, tánon washakorihwanónhthonhse, “Iakhehiatsatónhti onhtèken ne Ramoth, khés ne iáh?” “Iasheʼhiatsiathónhti,” wathatirihwaseráko. “Ne Roiá꞉ner énthion natesenhniétsera.”

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

Philippians 3:19

Kwá onèson iahonahthakwariʼshatonʼhátie! Rathinekwentáke ne konwhasénnaiens tánon thonathaterénsaron tsi nihontiéra ne iohteriwhatehasónha. Ákwe nék khók rononthonʼnióntha ne tsi ionwentsiáte ahoriwhasónha.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 3:5

Káti ráton ne Roiá꞉ner tsi nokwáh ne rotitokénhse ronónha waʼsakonathahará꞉kwahte nakonkweʼtashón꞉as; ne nó꞉nen thé꞉nen rotí꞉ien nahónhneke ronónha tehotihenré꞉tha ne “skén꞉nonk”; nó꞉nen ne iáh othé꞉non teotí꞉ien nahónhneke, ethò꞉ne enhonterí꞉io ne raónha.

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.

Isaiah 9:15

né thotí꞉ions tánon ne ratisenhnowánens né nonhnóntsi í꞉ken, tánon ne rotiʼtokènse ne ronónha sakotiʼrihonhniénhnis noʼnhówens né notáson í꞉ken;

1 Kings 13:18

Ethòne né rosthénha ne Bethel nithawénon wahawénhase, “Íh, ó꞉ni, wakʼthókense kwáh tsi ní꞉ioht níse, tánon tsi nahathénhnhaʼne ne Roiá꞉ner ne raronhiakeró꞉non wahatróri nahonsétene tánon akonhiateweiénhton tsi enkonhnakthóthaʼse.” Ók né rosthénha wahanówenhthe.

Job Tánon ne Raoronhiakensera 31:5

“Tó꞉ka tsi natahonkatekhá꞉hakwen ne iáh othé꞉non thakarihwástake, khéhs ne kasí꞉take watiosterí꞉hen nakaʼnikón꞉rate;

Proverbs 25:14

Nón꞉kwe ne oʼthé꞉nen enhatihrhá꞉ratste tánon iáh tho tehatiiéhrha, ne shá꞉ka ne iohtshatarónnion tánon ówera ne iáh tetkáhas naiokén꞉nore.

Isaiah 28:7

Né ronón꞉ha ó꞉ni ne rotiréh꞉serons notsítsa tánon né tehotiʼiatakentón꞉kwah ne ionekaníron; ne ratitsihénstatsis tánon ne rotiʼtókenhse ne rotiréhserons ne ionekaníron, né teiakohnithonʼniaténhnis notsítsa, ne tehiakohiathentón꞉kwas ne ionekaníron; iah tsateshatiʼkaraién꞉tas, ne tehothiniotákwas tsi thontkáwas ne karihwenhtátshera.

Hosea 7:14

Tsi tehonséntʼtos iáh raoneriáne nón꞉we tetewétha, tsaʼtehotihenrétha ne rahotináktake; rontatrenánions né꞉ne onátsas tánon onenharákeri tkarihónhnis; ionkewenhnón꞉tses.

Lamentations 2:14

Ne sonkwetaʼsónhas ne iehathiriwákens kwáh nek khók iesaróriskwe nohnówens; Ne rahonateriwahnothátsera wehsanikonráhten neh tsi iáh teshotásion ne sariwaneraháktsera. Wesónnien nasanonthónnionwe iáh tateiotonwentióʼon nahonsasahtatréwaʼte.