Matthew 6:9 - Ohiatonhseratokénti

⁹ Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

Neh Nase Tsi Shokȣatakȣen 1880 (4 Gospels by Joseph Onasakenrat)

⁹ Kenh kati nenseȣaiere nenseȣaterennaien: Ta-kȣaienha ne Karonhiake tesiteron! aiesasennaien!

Matthew 6:9 Referans Kwoze

Revelation 4:11

“Í꞉se ne kakwenienstháhtshera í꞉ken, Onkwaiá꞉ner ó꞉ni Ónkwa Ní꞉io, nashé꞉na ne kaiatanerakwáhtshera ó꞉ni ne tekarénhsaron ó꞉ni kaʼshatsténhsera, asè꞉ken í꞉se norihwakwé꞉kon shasahánion, tánon né꞉ne tsi nitisanikonhrí꞉ioʼon kwáh wakaién꞉taʼne ó꞉ni ontón꞉nhete.”

Romans 8:15

Nonikónra nètho Rawenni꞉io thiáwi iáh neh tesonniénʼnis ne senáskwa akénhake ó꞉ni naihsónnien naihsaterónseke; khék nonikónra neh sonniénʼnis ne Rawenni꞉io iaiénha akénhake, tánon kíʼ nahosatsʼténsera nonikónra iontionniénʼnis natsitewaróhri ne Rawenni꞉io “Rákeni! Í꞉se Takwaiénha!”

Ezekiel 36:23

Nónenh enkheienésten nonhkweshón꞉ʼa tsi iotokénti natsenhnahkówa—ne kasénhna ne sewahetkénton ne ronhnónhake—ethòne enhonahteriéntarahne tsi Í꞉i ne Watiá꞉ner. Í꞉i, ne Wakenonhtí꞉io Watiá꞉ner, wakatáti. Í꞉se enkónhiatsʼte nasehnésthen nonhkweshón꞉ʼa tsi watiatató꞉kenti.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Psalms 111:9

Thesakoteniéthenhni ne raotihiatakenhá꞉tshera ne rahonkwetaʼshón꞉has; né꞉ne tsi nénhwe enkénhake tsi ró꞉shon ne raoterihwaʼseronniátshera. Iotokénti tánon kwáh í꞉ken tsi iorá꞉se ne raosénhna.

Isaiah 64:8

Nek kík sá꞉ka, Ó Saiá꞉ner, í꞉se né onkwaní꞉sera í꞉ken; í꞉i nonawasthaʼkarí꞉io nahakwahiatóten, tánon í꞉se né takwatʼtietónhni; iakwahkwé꞉kon í꞉se shaʼtsanàke hionhkwahiaʼtíson.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Galatians 4:6

Nawenéston tsi rahónha sonkwaienokónhas, Rawenni꞉io tahathéniethe ne Rahonikonratokénti ne Roiénha nahionkwatsiénhase nonkwerianésons, Nonikonratokénti rahónha ratátis, “Rákeni, Tatsiénha.”

Isaiah 6:3

Tánon iatehontaʼtenatónhnions: “Rohiatatokénti, rohiatatokénti, rohiatatokénti! Ná꞉a né Sakoiá꞉ner ne ronterí꞉os ratironhiakerónons! Ohontsakwékon né titkáhere ne raohiatanerakwáhtshera.”

Revelation 5:12

teotiriwákwens kwáh ratiwenhnakwé꞉kon, “Teoténhtion ne teiotinaʼkaronhtónha owí꞉ra tsi niká꞉ien ne ronwanonhwarià꞉khon ne nahaié꞉na ne kaʼshatsténhsera oni naokwahsétsera ó꞉ni naototkhátshera ó꞉ni kaʼshatsténhsera nasakoiathaté꞉riste ó꞉ni tasakorénhsaron ó꞉ni kaiatanerakwáhtsera ó꞉ni naonwashén꞉naien!”

Psalms 115:3

Nón꞉kwah Ní꞉io karonhiáke nón꞉we thénteron; thóh nihaiéra kwáh tsi nenhthanón꞉wehne.

Nehemiah 9:5

Tánon ne Levites, Jeshua tánon Kadmiel, Bani, Hashabneiah, Sherebiah, Hodiah, Shebaniah, Pethahiah, wahonhní꞉ron, “Teshewátat tánon tsisewahiathatérist ne Roiá꞉ner SewaʼNí꞉io né꞉ne tsi nénhwe tánon tsi nénhwe enkenhá꞉ke! Tánon Kaiathateristón꞉hak ne ionerakwát sasenhna nene ahiót꞉tsenhnakarathatonke nene akwé꞉kon kaiathaterihtsheras tánon tahiontenón꞉weraton.”

Matthew 7:11

Tokat nonȣa ise ne tsionkȣetaksenhokonha eh niiore tsi seȣakȣenion nʼioianere aontaietsiion ne ietsiienhokonha; okkati onte akȣat niiot ne Karonhiake Tetsiseȣaniha tsi entesakaon tsiniiakon ronȣariȣanontonni I

Isaiah 63:16

Asèken í꞉se né takwahiénha, iawerohátien né Abraham tsi iáh shonkwaientéri tánon nʼIsrael iáh teshonkwaʼrihwaniráti; í꞉se, Ó Saiá꞉ner, né takwahiénha; né tionkwahiatákwen né osthénha í꞉ken né shasénhna.

Psalms 72:18

Tehonwaʼnonhweráton ne Roiá꞉ner, ne Sakoní꞉io í꞉ken NIsraeronónke! Rahonhatsíwa kíʼ tsi nihaieránions ne iorihwaʼnerakwahthénions.

Matthew 26:29

Onen kati ȣakȣarori tsi iah sekon taonsaknekira nonenharakeri tsiniiore ienȣatenniseriheȣe entsiteȣanekira raonakeraserakon ne Rakeniha.

Matthew 23:9

Tosa oni onka shenatonkȣak ne kentho onȣentsiake iahniha: Aseken enskat ok Sanisen, nehne Karonhiake thenteron.

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

2 Chronicles 20:6

tánon iorahkaré꞉ni tsi wahaterénhnaien, “O Saiá꞉ner Sewenní꞉iokwe kénʼne nonhkwasotʼtseraʼokonhkénʼen, í꞉se tiathakweʼní꞉io ne karonhiáke tsewakónhkon nonhkweʼshón꞉as tsi ionhwenhtsáte. Í꞉se ne sheʼshástste ó꞉ni shaʼshastsʼtenserowánen, tánon iáh ónhka tahiekwé꞉ni nahiesahiotátʼtie.

Luke 15:18

Tonsektane kati nok rakenineha ienske, enkiron. Rakeni, risentenni ne Niio, oni nise.

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

1 Kings 8:43

satʼthóntek ne rahonaterénhnaient. Thóh karonhiáke nónhwe, tsi nónhwe teshí꞉teron, tsiatʼthóntet tánon thóh nátser tsi nihiarihwaʼnonhtónhnis, né káti nonhkwetaʼkwékon tsi nihiohóntsa ahiakoteriéntaraʼne tánon naʼiesawenhnarákwaʼke, tsi né nihatiʼiéra ne shonkwetaʼshón꞉as Nisraerʼró꞉nonke. Ethòne kíʼ enhonateriéntarahne kí꞉ken Ononsatokentiʼkówa ne wakenonhshí꞉son tsi thóh nónhwe nenhieshasenhnaiénthakwahke.

Habakkuk 2:14

Ók ne ronhnonhontsakeró꞉nons kwáh tentʼká꞉rake tsi enhotinikonhraientháhsehke ne raoshatsténhsera tánon tsi nateotenonhianì꞉ton ne Roiá꞉ner, kwáh kíʼ tsi ní꞉ioht ne kaniatarakeʼkó꞉wa titkanekáhere.

Ezekiel 38:23

Thóh ki ní꞉ioht tsi enhkheʼienésten nonhkweshón꞉ʼas tsi keshástsʼte tánon watiatatokénti. Ethòne enhonahteriéntarahne tsi Í꞉i ne Watiá꞉ner.”

1 Chronicles 17:24

Entsennowanénhke, tánon nonkweʼshón꞉as tsi nén꞉we tsi enhiotón꞉heke, ‘Ne Roiá꞉ner Roshastsʼtenserowánen né Sakoní꞉io Nisraeʼró꞉nons.’ Tánon ʼi꞉se tsiókonte enshenónstaʼte naktwáʼtsire.

2 Samuel 7:26

Ne kíʼ aoríhwa ne shasénhna tsi enkasenhnowahnénhke tsi nénhwe enhonnónheʼke, ‘Ne Sakoiá꞉ner ne ratironhiakerónons ne sakoNí꞉io tsiokwékton NÍsraerʼronónke’; tánon ne natwátsireh Táwit tsi enkariwakwathákwenke ne sahén꞉ton.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Luke 15:21

Nok ne ranekenteron ȣahenron: Rakeni, ȣakennhikon kentho ehtake nakaronhiati oni sahenton, iah kati teseȣakien naonsaionkenatonkȣake Hetsienha.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

Isaiah 66:1

Né aoríwa rá꞉ton ne Roiá꞉ner: Né tsi Karonhiáte né nakanitskwáhra í꞉ken tánon né tsi ionwenhtsáte né꞉ne tsi tekarashiʼtarákwah í꞉ken; nakanonshó꞉ten ní꞉se askenonsón꞉nien, tánon nakanatʼtóten tsi nón꞉we nakatorisenhtá꞉kwahke?

Matthew 6:14

Aseken nentsiseȣanikonrhen tsinikon iotsinikonraksaton nonkȣe, enshonikonrhen ki oni nise tsinikon hetsiseȣanikonraksaton ne Etsiseȣaniha Karonhiake thenteron.

Matthew 6:6

Nok tanon nise nensaterennaien satatennhoton sanonskon, teiakanerese ne Ianiha tsi saterennaien; nok ne Ianiha ne tiotkon teiakanere tsi oni nonȣe niiotaseton, ȣene enronni nʼonen henhiatonraseronse.

Matthew 5:48

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

Leviticus 10:3

Ethòne ne Mahís wahawénhase ne Aaron, “Né kí꞉ken rotharákwenhne ne Roiá꞉ner ne sahénron, ‘Ratikwékon nón꞉ka enhiontsiótenhse ónenk tsi enhatikwéniensʼthe natiathatokentítshera; kwáh enkhenésthen naʼtiatanerakwáhtshera tsi nòkwah nakonkwetaʼshón꞉a.’” Ók ne Aaron thontahakónthaʼkwe satʼthihothatónhni.

Galatians 1:1

Kór kí꞉ken nón nitsawénon, ronwanháhon nahateriwanóten iáh onhkwéne nón tetsawénon iáh ó꞉ni ónhkwe teiakorihónni, nók Ié꞉sos Kerístos nónwe nitsawénon tánon ne Ní꞉io nehne Kaníhsera, tsi rahónha shokétskwen ne Ié꞉sos ne kenheiátʼne.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Matthew 26:42

Sekon isih niionsare neneh tekenihaton, nok ȣahaterennaien raton: Rakeni niah taontonsere nehren nʼaontohestste ne katse nʼiah taknekirane, ehkiniiaȣenn tsini sanikonroten.

Isaiah 37:20

Ká꞉ti nón꞉wa, Ó Saiá꞉ner onhkwahNí꞉io, saskwahnóns꞉tat thonsatʼtsiotarísi, né ká꞉ti akwé꞉kon tsi kanakeraserakérons ne tsi ionwenhtsáte ahónton ahiakoteriéntaraʼne tsi kwáh iateshiá꞉ti khók Saiá꞉ner í꞉ken.”

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Matthew 10:29

Iah kennah tekatsitenserake tiiatekehnes nʼens-kat kȣenis? Akȣekon sane etsiseȣaniha sakoȣenniio tsi konnes.