Matthew 6:20 - Ohiatonhseratokénti

²⁰ Neh tanon seȣatateroroks Karonhiake tiostsokoȣatsera, nʼiah othenon tekontiierha notsinonȣasonha, iah oni ne ratinenskȣas.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁰ Neh tanon seȣatateroroks Karonhiake tiostso-koȣatsera, nʼiah othenon tekontiierha notsinonȣa-sonha, iah oni ne ratinenskȣas.

Matthew 6:20 Referans Kwoze

Luke 12:33

Seȣatenninon, tsini seȣaien, nok ietsitenrat; seȣatȣistonni nonȣa ne iah teȣakaions; Karonhiakekha astsokoȣastsera, tsinonȣe ne iah kenh tiiahatiiere ne sakonasetha, iah oni notsinonȣa takontitaksate.

Matthew 19:21

Tontahenron ne Iesos: toka nonȣa aserheke akȣa aesaianerek, ȣas, satenninon tsinahoten saien, shetenrat nʼiakotent, nok entisatsokoȣatseraientane Karonhiake; ethone tontase nok takser.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.

1 Timothy 6:19

Ne nen꞉ne ne kwáh enhioriwahníronke tenkenstenrótake tsi enhontateweientónhase natiokowátsera tsi niahawenonhátie. Tánon etʼthóhʼne enhatikwéni tahonténtia natónnhets ne kwáh oriwí꞉io iónnhe.

Luke 18:22

Iesos Sahaȣannaronke neh nikaȣennoten, ȣahenron: sekon ki tsioriȣat tisatoktani: satenninon tsinisaien, nok sheiakhonhas ne iakotent, onen tokenske entisastsokoȣatseraientane Karonhiake; nok tontase oni tenesek.

Revelation 2:9

“Wakaterièn꞉tare tsi ne saronhiakensera ó꞉ni ne sathentétshera, ethosà꞉ne tsi sakwátshe. Wakaterièn꞉tare tsi niieshasenhnatʼsatha tsi niiá꞉kon ne ne iónton ratishitaheró꞉nons tánon iáh kíʼ ronón꞉ha tè꞉ken, ók né꞉ne Ótkon raotióhkwakon.

Hebrews 11:26

Wahanonthónnionʼwe nahonwahnikonrahkaréwahthe ne Kerístos aharihónni iawehtatʼtsáni sénha ne wéso satekéna tsi ní꞉ioht ne tsi níkon iohtsokowahtsheráien ne Egypt, asè꞉ken thóh nónwe iatehakánere tsi niahawenonhátie ne tkakariaktsheráhehre.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

1 Tiér 1:4

Neh káti kí꞉ken ionkwárare naitewaiéna natsokowátsera kaiataterítsera ne Rawenni꞉io sakotheweientónnis ne rahonkwetaʼsónhas. Karonhiáke nónwe iehiateweientónnis, tsi nónwe ne iáh tahonhétʼkenne iáh ó꞉ni tahiótʼken iáh ó꞉ni tahonkáhionne.

1 Tiér 5:4

Tánon nónen enhathotáshon ne Ohénton írate ne Sakonón꞉ne kentiókwa, enshèna ne ioriwanerákwat oronhónkwa neh꞉ne iáh nonwénton tahióti naoswatʼthétsera.

Isaiah 33:6

kwáh rahónha enhiaienáwaʼse tsi nenhsenhteniseraténionʼke, enhiawetowánenhke ne kahiatakenátshera, atʼthokhátshera, tánon ne karihonhnienhnítshera; nahonwaʼtsianísehke ne Roiá꞉ner né꞉ne Zion aotsokowáhtshera í꞉ken.

Hebrews 10:34

Wahetsihiatiataráhse tsi nihotironhiá꞉ken ne rahtinóton, ó꞉ni tsi naotenshóns sewahiéntakwe wahitsí꞉kwah, tánon kwáh sewahtiennonniatsherá꞉kon tsi wesewahtakástathe, tsoríwah shewahtherièn꞉tare tsi sénha shé꞉kon iohrihowá꞉nen nahóten sewahien, né nénhne tsi nenwe enʼiohiánerehke.

Matthew 6:19

Tosa seȣarorok nonȣentsia ahotsokoȣatsera, otsinonȣa, oskenra oni entiatekȣisa, ne oni ne sakonasetha rotinikonrotakȣas ratinenskȣas oni,

St. Mark 10:21

Nok ne Iesos ostonha ȣahotkaroten ȣahononȣene nok ȣahaȣenhase: Tsioriȣat ki tisatoktani: ȣas satenninon tsini saien, nok sheion ne iakotent ethone entisatsokoȣatseraientane ne Karonhiake: tontase, taknonteratie ensakete ne saiasa.