Matthew 6:12 - Ohiatonhseratokénti

¹² Sasanikonrhen ne ionkȣariȣaneren tsi niiot nii tsionkȣanikonrhens nothenon ionkhinikonraksata.

Neh Nase Tsi Shokȣatakȣen 1880 (4 Gospels by Joseph Onasakenrat)

¹² Sasanikonrhon ne ionkȣariȣanoren tsi niiot nii tsionkȣanikonrhens nothenon ionkhinikonraksata.

Matthew 6:12 Referans Kwoze

Ephesians 4:32

Kék, tasariwaiérik ó꞉ni seriasihióhak tsi naʼtesewátere, tánon ó꞉ni tonsasewatatenikónrens, tsi ní꞉ioht ne Rawenni꞉io tsi sianikónrense thóh rahonháke ne Kerístos.

St. Mark 11:25

Nok tanon nonen saterennaienne sasanikonrhen nonkakiok iesanikonraksaton aontiesenhake aonsaianikonrhense oni nise ne Ianiha Karonhiake thenteron tsinikon ehtsenikonraksaton.

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Colossians 3:13

Sewahnikonkástet tsi natesewáhtere tánon tonsasewatatenikonrenséhek tsi natesewátere nó꞉nen nónhkak té꞉nen wahontateriwakatáttshe. Ó꞉nenk tsi tentsisewahtatekirónrense kwáh tsi ní꞉ioht ne Roiá꞉ner tsi sianikonrénseh.

Luke 11:4

Nok sasanikonrhen tsi niionkȣariȣaneren: Aseken tsionkȣanikonrhens oni nii tsiniionkhinikonraksatha nonkȣe. Nok tosa askȣaiatatkaȣe ne kariȣak senke ehren tanon askȣariȣakȣiten ne iotaksen.

Luke 6:37

Tosa teietsiiatoret nakoren: iah ki oni nise tataietsiiatorete, tosa ietsiriȣent nakoren iah ki oni nise taietsiriȣente; Sheion, nok entsiehson.

Exodus 34:7

Kateweiéntons nakararáhtshera né꞉ne niwenhniaweʼhetsheráhsen níkon tewateresehrásere tánon sewakerikónhrens ne kariwahétken ó꞉ni ne kariwáneren; ók iáh kíʼ tahonkeriwanó꞉ron naʼkheréwathe ne ratiksaokónhas ó꞉ni ne ronhwaʼnaterehokónhas né asénhaton tó꞉ka ó꞉ni ne kaieríhaton niatewatereserásere né꞉ne ronwatihiohokónhas raotiriwanerahákʼtsheras ahorihóniat.”

Psalms 32:1

Iakotáskat tsi nihiákon nakorihwanerahák꞉tsera kasnikonhrénhen, nakorihwaʼnerahák꞉tsera skarakéwen.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

1 Kings 8:39

sehiatʼthóntet tsi nihonaterénhnaien. Tasehiatʼthóntet ne tsi teshí꞉teron ne karonhiáke, shaʼsenikónhrens, tánon sé꞉ienahwas. Kwáh í꞉sek khók sateriéntare tsi nihiakononhthonʼnionhtseró꞉tens nonhkweshón꞉as ó꞉ni tsi nihiakerhiasóhtens. Tiehiatátʼtions tsi sekenhéhions tsi natahonathénhtionhke,

1 Kings 8:30

Satʼthóntet nakwahterénhnaient ó꞉ni ne rahonaterénhnaient ne shón꞉kwetashón꞉ʼas nónen enhonterenhnaien tsi nòkwah ki ken Ononsatokentiʼkówa. Tsi tesíteron ne karonhiáke takwatʼthónhtet tánon saskwahnikónhrens.

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Daniel 9:19

Saiá꞉ner, takwathóntek; Saiá꞉ner, saskwaʼnikónrhens. Saiá꞉ner, takwathóntek, ó꞉ni tsi thé꞉nen knátiere! Onhnaiá꞉wenʼne onkweʼtakwé꞉kon aiakotókense tsi í꞉se ne Sawenní꞉io, tóhsaʼ satenʼnískwat! Kí kaná꞉taien tánon ne ienákere í꞉se sáwenk.”

1 Kings 8:34

tashehiatahónsatat ne karonhiáke nónhwe. Shasehnikónhrens ne rahotirihwanerahák꞉tsheras ne shonkwetaʼshón꞉as tánon thontashehiaténhaf tsi nónhwe nihionhontsáien tsi nishehiararatsʼténhni ne sakotisotʼtkonkonhkénʼen.

1 Kings 8:50

Akwékon shasanikónhren ne rahotirihwanerahák꞉tsheras tánon tsi nihonathonkwetakʼshá꞉ton tsi nòkwah níse, tánon shéʼhiónhnien ne tehontátʼtsons kwáh kanoronhkwahtsherákon tsi nahonwanatséraʼse.

Acts 13:38

Sewakwékon, tewatatékens Israerʼró꞉nons, kwáh nahioriwíʼioke aisewateriéntaraʼne kwáh rahonháke ne Ié꞉sos nónwe niʼietʼtsiʼhiateriwanóthase nahonsakanikonrén꞉en ne kariwáneren; kwáh aisewateriéntaraʼne nónka nentonwétakwe ne rahonháke tsi kwáh akwékon tiakotatewennihióʼon tsi nòkwa ne karihwáneren tsi ní꞉ioht ne Mahís rahoʼianerénsera iáh tehiokwénion nahonseshanerénsion.

Matthew 9:2

Saiatat roiatakenheion Kanaktake raiationnitie eh ȣahonȣaiatheȣe. Tehakanere ne Iesos tsinithonetakon, ȣahaȣenhase ne roiatakenheion: Sanikonranironhak kien! sonterakeȣe ne sariȣaneraaksera.

Matthew 26:28

Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.

Luke 13:4

Tokaʼsʼoni nehne iseȣere ne satekon iaȣenre niionkȣetake teiakoiatorarakon oni ronaȣentaon sakanikatienenne ne Siloe, senha teiakotenstson nasakoreȣate ne Raȣenniio tsiniiot notiake ne Jerusalem-ronon?