Matthew 6:1 - Ohiatonhseratokénti

¹ Seȣanikonrarak tosa ȣene kenhak nonhietsitenre ne iakotent, nʼaionttokanion; aseken iahki othenon tatatsiseȣariȣaserakȣase ne Etsiseȣaniha Karonhiake tenteron.

Neh Nase Tsi Shokȣatakȣen 1880 (4 Gospels by Joseph Onasakenrat)

¹ Seȣanikonrarak tosa ȣene kenhak nonhietsi-tenre no iakotent, nʼaionttokanion; aseken iahki othenon tatatsiseȣariȣaserakȣase no Etsiseȣaniha Karonhiake tenteron.

Matthew 6:1 Referans Kwoze

Matthew 23:5

Akȣa oni neok, neok ronesakon ne taonȣatirensaronste nonkȣe okon ne rahotiȣeiennake: Aseken kennoȣanens ronaninaniionton, oni ȣakoses tekafasontakȣen ne rahonatiataȣit.

John 12:43

Aseken neki ȣahatirako nʼonkȣe akorensarontsera tsiniiot ne Niio raorensarontsera.

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.

Luke 16:15

Ȣasakaȣenhase kati: Iseȣere kinise seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Galatians 6:12

Nonkwesónha ne rontheniéntʼtha nahontaietsiʼianónthonse naihsewatewarakwétaron, ronónha neh tehonatonwentió꞉ni tahontaterénsaronte ne rathiʼiéronke akohénton nónkwe. Thóh kíʼ sáne nihathiʼiérha, neh tsi iáh tehónnere nonkwesónha ahonwathiʼronhiákente nók kíʼ sénhak enhonwathironiákente tóhkaʼ enhonteriwanóten neh Kerístos tsi kaiasáke rawenhéion.

John 5:44

Oh nah oni naiaȣenne naonteseȣetakȣe, ise neneok seȣesaks nonkȣesonha akorensarontsera, nok iah neh teseȣesaks ne Niio okʼ raorensarontsera?

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

2 Sawátis 1:8

Tasathate꞉ne, káti, ne tóhsa aihsathónse tsi ní꞉kon ionkwaiotén꞉en, nok kwáh enkanánon tensateriwaserákwase.

St. Mark 8:15

Kenh kaien enskat ȣasakotiaȣenratse; ȣahenron: Seȣatsanisek ne Pharisian oni ne Herod raonattenkȣatta.

Matthew 6:16

Nok nenseȣentontiete, tosa tenseȣatkonsastaren tsinihatiierha ne Kaianeren ronatkonȣaroron, nʼia-taonsahatiierkenhaʼsʼ akȣekon aionttok tsi ronentontieton. Oriȣiio tsi kȣarori tsi iehatiiatentatha.

Matthew 16:6

Nok ȣasakaȣenhase ne Iesos: neh ȣahi enskat seȣatatenikonrarak ne Sadusean raonathenkȣatha.

Luke 12:15

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

Matthew 5:48

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

Luke 11:35

Senikonrarak kati tosa tetiokarasek ne sahasera.

Psalms 112:9

Kwáh iáh othènen tehatikaráiens, tsi nisakonáwis ne teiontkárias; ne raotirihwaʼkwahrihshón꞉tshera thenkawisátsteke tsi nénhwe enkénhake; kakweiensthaʼtsherákon í꞉ken tsi ronateʼshaststenhseraʼkaratáton.

Luke 12:1

Onen are akȣa iah tetsiotiatohests tsini iotiokȣatsanit ȣahonȣaiatorenne, ȣasakaȣenhase ne raotiokȣa: Seȣanikonrarak tosa Seȣarann ne Pharisian rahonattenkȣatha neh nʼakȣa aoskon neok ne iontkonȣaroroksta.

Matthew 25:40

Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.

Matthew 5:46

Nahoten ensatonnrakȣate neneok ashenoronkȣake ne iesanoronkȣa? iah oni kenh naha oh tehatiierha ne ionkȣetaksen okonha?

Zechariah 7:5

Wahèn꞉ron, “Shehró꞉ri nonhkwehshón꞉ʼa ne tsi ionwenhtsá꞉te ó꞉ni ne rothikhá꞉res ne nó꞉nen rohnenhthontiéthon ó꞉ni rohnhatsiónnion ne wískhaton ó꞉ni ne tsathá꞉khaton niwenhnì꞉thare tsi náhe kí꞉ken tsáta nihioserá꞉ke kèn꞉ne, iáh Í꞉i tehiontʼsennhowahnákʼthon.

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

Matthew 6:9

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

Deuteronomy 24:13

ionsaʼtsawíten niatehiokaratserá꞉ke, ne káti naónton né꞉ne ahrátste tsi ahó꞉tawe. Ethò꞉ne ki kwáh í꞉ken tsi tenhatenonwerá꞉ton, tánon ne Roiá꞉ner saNí꞉io kwáh í꞉ken tsi enhawerientí꞉io tsi nokwáh ní꞉se.

Hebrews 2:1

Ne aoríwah ónenk tsi enhiorihwahníronke tsi entewahtiénawasʼte norihwiʼioʼón꞉we tsi nahoténson ionkwahrónken, né꞉ne tósa kénk tiaionkwahiaténhawe.

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Hebrews 11:26

Wahanonthónnionʼwe nahonwahnikonrahkaréwahthe ne Kerístos aharihónni iawehtatʼtsáni sénha ne wéso satekéna tsi ní꞉ioht ne tsi níkon iohtsokowahtsheráien ne Egypt, asè꞉ken thóh nónwe iatehakánere tsi niahawenonhátie ne tkakariaktsheráhehre.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

2 Kings 10:31

Ók kíʼ ne Jehu iáh raweriasakwékon tehotewenhnarákwen ne Roiá꞉ner raʼoianerénseras, né꞉ne Sakoní꞉io Nisraeʼró꞉nonke; khèkok, né wahá꞉sere tsi thontahotenákeraste ne Jeroboam, tsi rahónha iesakosaríhnon Nisraeʼro꞉nons ne karihwanerahakʼtsherákon.

2 Kings 10:16

ratón꞉nions, “Káts tsíteʼne tánon kwáh í꞉se ensatʼká꞉tho tsi niʼwakerihwatóken tsi nòkwah ne Roiá꞉ner.” Tánon wathatíta tsi niahotihonwísere ne Samaria niaháne.

Zechariah 13:4

Nó꞉nenh ne kawistáhets enwáhwe, iáh ónhka ne rotokénhse thataharenshá꞉ron ne rahoteʼtsénhsera tó꞉ka ó꞉ni thonahronnhoténhake tsi ní꞉ioht ne rotokénhse tó꞉ka ó꞉ni ne ahatʼtseronhniá꞉te ne iohnonhwérahre ne nahónton ashakonikonhráten nonhkweshón꞉ʼa.

Acts 3:12

Nónen ne Tiér sahsakóken nonkwesónha, wasakawénhaʼse, “Tewatatékens Israerʼró꞉nons, nontiéren tsi wesewaneráko kí꞉ken, tánon nontiéren tsi teskwakánere? Kàtonʼken ísewere sóhtsi hiakenisátsthe tánon ne aoríwa sóhtsi ioʼiánere tsi nisakenisénʼnaiens ne Rawení꞉io neh aoríhwa wahakenikwéni kí꞉ken rónkwe sahatentiónko?